Ətefɨ̂aʼ 22:1 - Ŋwàʼlè ə̀ Fèzhə̀ Mkâyn Mə̂ Fèm

¹ “Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ətefɨ̂aʼ 22:1 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:11

Ə tə kyiə ndù è ghàyn ə ghɨ saʼaghe əshi ə ndɛ̂ atsɨ̀ynte, kə ghàyn nə kayn mbi nə ghàyn nə̀ piə nə ghe, kə ghàyn nə kayn naʼapi nə ghàyn nə̀ piə zayn zə,

Tom èchùŋ kè kə Lûk tè nyaʼ 21:14

Ghàyn ndə̀m ə ghà ə təm nə ghàyn tə kwâʼtə̀ va ghɛ kûmə̀ endom vɛ ə ghàyn ndùə pə̀ynsə̀ ghɛ ghɛ ə pfɨftə̂ sê ghàyn

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 19:33

Ghɨ yîghe ə kwùŋsə̀ kə nə ə̀ nəyn Àlɛ̀ksandà kə ghɨə Njûsə̀ tè nəyn nə è ndu əshi. Àlɛ̀ksandà ə ndwisə̀ àgho se nə̀yn nə ghɨ kɨme ə zhə̀tə̀ se wàmnè se tyə̀yn nə ə̀ pâʼà nə̀yn chi zhi.

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 24:10

Tu apàs endaʼ nə kɛ ə fo èndom nə Pɔ̂l wamne, è və pìə nə, “M ke ndo nə ò saʼ ndaʼ zɨ̂nə̀ zôyn sə sepìŋ setsɨəse, m nyîə saŋnə̂ kə m tyəm əghò shi zôyn se wàmnè se tsàmtè ə ngɨŋ zɨ̂mè.

Ətefɨ̂aʼ 25:16

Mə piə sê ghənə nə, ‘E pɔynə̂ va sê ghàs, ghɨ Lumə̀ se nə̀yn eghɛ sè wùə ndɔ̀ʼɔ è tyəm kyaʼnè tyâŋsè yî ghɨ ghɛ ə pî nə è və nə̀yn pofsê nə è kyi zhəmke se pì nə è paʼà nə̀yn pofse ə ghɨə təynghə shi ghɛ ə njî ndû è vəyn ə ndɛ ə̀ saʼ.’

Ətefɨ̂aʼ 25:8

Pîza Pɔ̂l ə pìə nə ghɛ ghɛ ə ghənə pîə ə zhì ə tu nâʼà ə̀kɨ̂m nyi akaŋ. È və pì nə, “M pâʼà nə̀yn pofsê ghɛ zhîze se kyim esaʼ ə ghɨ̀ ə Njûszè, pi se kyim esaʼ ə ndɛ ètsə̀məze, pi zə Kasàzè ə Lûm.”

Ətefɨ̂aʼ 26:24

Ə pə̀ kə Pɔ̂l wàmnè fa endom se tsàmtè ə ngɨŋə̂ vəyn, Festùs ə pɨa pîə se vəyn nə, “Pɔ̂l! Ò va ə ghò etɔf! laynə̂ etsɨə tsɛsə zə nə̀yn tu kɛa ke ke fɨ səʼ.”

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ətefɨ̂aʼ 7:2

Shìtifɨ̀yn ə pìə nə, “Ghə̀pɨ̀a ghɨmə è ghɔnyì ghɨmə, ghàyn zɨte. Zhə̀ fɛ ə Fe kyi tyaʼke akɨ̂m tè pə̀yn sê Aplàghâm, pɨ̀a ghâsènì və shi, kə è tè ndamə apàs endaʼ ə Mèsòpòtemyàkè tsɔ̀fə kə è ndo ndu sə̂ ndamə endaʼa Alànzè.

Ŋwàʼlè ə̀ Pɔ̂l sê ghɨə Lûmghè 2:15

Nə̀ynè ə ghənə̂kè tyə̀ nə ghɛ zɛ ə lâŋkè kyiŋə nyi mə ə nyàʼ ə ghənə əfètə̂ ə̀təm, ghənə e ke nə təm ə ghənə̂ghè tyə̀ ndò nə ə̀ nyi nyiə kə ze kyi sə̂ nyi. Ghənə e ke nə təm ə ghənə̂ghè tsà ndò se ghənə nə ze nyi səmɔʼ. Təm ə saʼa ghənə̂ghè tyə̀ ndò nə ghɛ zɛ ə ghənə nə̂ nyi eghɛ echûŋzè kɨ̀sə ze pize.

1 Kɔlìŋ 9:3

Ə̀ vɨnə nyi endom vɛ ə m kyi se wàmnè se tsàmtè ə ngɨŋ zɨ̂mè se ghɨ ghɛ ə pîə ghɛ ə pighe kûmə̀ mi:

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

Filìpây 1:17

Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.