Ətefɨ̂aʼ 21:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 21:8 ပူးပေါင်းရင်းမြစ်များ

Ətefɨ̂aʼ 10:1

Wùə Lûm vîvè tè nyi ə endaʼ ə Kàysalyàzè, zə vəynze e nyi Kɔ̀nilùs. È tè nyi atu sê nɔ̂yn ə sesokə̀ʼ ke ewə̀, mə ə tɔŋtə̂ nə, “Nɔ̂yn ə se sokə̀ʼke wəve mə nyi kə Italìkè.”

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 16:13

Tuʼ endaʼ ə ghɨ Njûsvè ə pə̀, ghàs ə ndwìə fɨə endaʼa nə zɛ ə ndùə ə etipìə tsô èghaʼâ. Ghàs tè kwàʼtə nə ghàs nə fe eluʼ fu vɛ əghɨ ə Njûsə̀ zûŋtə̀ ətəyn tsə̂mə̀. Ghàs ə tso tsɨsə̂ əchi ə wàmnə̀ se zəyn ghɛ ə ghe tè nyì fu.

Ətefɨ̂aʼ 16:16

Tuʼ fîfe, ngɔ̀yn ə̀ vayn èzhɔyn vîvè mə ə̀ nyi akɔ̂s ə kwəynə̂ è ghàs. È tè nyiə kyi sèzuʼ sepise, se nə̂ vəyn è tsâ ə̀ghɛ ghe pa nyi se tə kyàyn. È tè nyîə fɨ̂aʼà èkɛ ve tsɨə kə nyi sê ghɨ ghɛ ə tè kyi vəyn mə è tsà ə̀ghɛ, ghe pa nyi se tə kyàyn.

Ətefɨ̂aʼ 18:22

Ə̀ tè nyi kə è ndù tâyn endaʼ ə Kàisalyàzè ə kɔʼɔ ndûə se tɔŋtê anɔ̂yn ə əghɨ̀ ə poməke ə Njèlusalɛ̀m, ə ndò fu ə kɛsə tso ə Antyòk,

Ətefɨ̂aʼ 20:13

Ghàs tè nji ə ngwùʼ èghaʼâ kwəynə ə ndùə əshi ə ndùə fɨə ə Asə̀s, elùʼ vɛ ə ghàs tè kyi se njìə Pɔ̂l ətəyn. È tè pi nə ghàs nəyn nyiə mə kûmə̀ nə nâʼà vəyn tè nduə fumə è gholə.

Ətefɨ̂aʼ 20:6

Ghàs ə njiə ə ngwùʼ ə Filìpây mə ə̀ tsɛ̀ tso ke m̀tuʼ mɛ ə tè zhiə paynke ətəyn ndɔ̀ʼɔ ndəm fèsə̀ʼ, ə pə̀ kə tuʼm̀ tsɛ̀ mtâyn, ə kotə̂ ndûə ghənə, ə nə̀ ngàm fu.

Ətefɨ̂aʼ 21:16

Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 23:23

Tuə sesôkə̀ʼ e ghaʼa nə kɛ ə tɔŋnə̂ ètuə ə sesôkə̀ʼ ə vəynve e pɨ̀a ə pìə sê ghənə nə, “Ghàyn nji sokə̀ʼse ghɨ tepɛ̀, paʼsə̂ è sokə̀ʼ sə mɔ̀ʼɔ sɛ ə se nyiŋə etûə sènyàm zâ m̀ghɨm m̀sɛ̀mbɛ, è kɨ̂sè sɛ ə se nô è ghɔŋɔ zâ ghɨ tepɛ̀, ghâynghə̀ ghənə ə nyi è pɨaʼtêzè se ndù ə Kàisalyà ètuʼve ə sechwìə sè pɔləmɔ̀ʼ.

Ətefɨ̂aʼ 27:1

Ə̀ tè nyi kə sayne nə ghàs nji ə ngwùʼ ə ndu ə Italì, ə fo tsɛsə̀ Pɔ̂l è ghɨə ndɛ ə̀chaʼə mɔ̀ʼɔghe sê tu ə sesokə̀ʼ eghaʼâkè, zə vəynze e nyi Njolòs. Njolòs tè nyi atu se nɔ̂yn ə sesokə̀ʼ kɛ ə tè tɔŋtə nə, “Anɔ̂yn ə sesokə̀ʼ ə Kaysàkè”

Ətefɨ̂aʼ 28:11

Ghàs tè ndam ə Maltà sə senjɔŋ seta ə piə ə ndô ndò ə njiə ə ngwùʼ èghaʼâ kwəynə mə è tè ndò ə Àlèksandilyà. Ə tè tɔŋtə̂ ngwùʼ èghaʼâ kwəynə ə̀təyn nə, “Epɨâʼsè ə Mzhə̀vè.” Ngwùʼ ə̀təyn ə pə̀ tyəmə̂ fu àshɨŋə̀ kɛ ə fofke nyi tsɛ̂sè, fof e tɛke e tsɛ̂.

Ətefɨ̂aʼ 28:16

Ə tè nyi kə ghàs pə̀yn tâyn endaʼ ə Lûmzè, ə zà Pɔ̂l nə è və ndamə kə nâʼà sə və ngɨŋ ə fo sokə̀ʼ nə è və tsɨ̂ŋnə̀ vəyn.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 9:30

Ə pə̀ kə ghɨ pomə zɨ paynse nə ə kyiŋə se zhwiə Sɔ̂l, ghənə ə təsə̂ tsosə̂ vəyn endaʼa kàysalyàzè ə tiynsə̂ vəyn endaʼa Tasùszè.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.