Ətefɨ̂aʼ 21:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ətefɨ̂aʼ 21:5 ပူးပေါင်းရင်းမြစ်များ

Matyò 14:21

Ghɨ ghɛ ə ghe tè zhi fɨazhiə ətəynve tè zaʼâ ndùə sèkam sê tâyn, mə taŋa va zənə è mɨ̂ətə̀m.

Ŋwàʼlè ə̀ Mâk 1:40

Wùə tè pə̀yn sê Njisə̀s kyi àkwùs, ə tɨmə ə̀ndzɨs ə və əshi chyatə̂ vəyn pîə nə, “Ə ò kɔ̂ŋɔ̀ ò nə̀ m zo.”

Tom èchùŋ kè kə Lûk tè nyaʼ 22:41

Njisə̀s ə wâmnə̀ za ə ndò ə ghənə ə ngwùŋ ə kɨŋtə ndùə zaʼâ kəpi kə wùə kaʼa è laŋ ngɔ̀ʼ ə è ndu tayn, ə tɨmə ə̀ndzɨs ə chi sè tsə̂mə̀, piə nə,

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 20:36

Pɔ̂l ə wàmnə̀ mɨ̂sə̀ nyi, yighə̀ ghənə ə tɨmə ə̀ndzɨs ə chi ə tsə̀mə̀.

Ətefɨ̂aʼ 20:38

Ghənə tè pìə zâ, saŋnə va kûmə̀ èghɛ zɛ ə è tè pi nə ghənə tə fɨnə fe va vəyn. Ghənə ə njìə vəyn ə ndùə ndə̂mə̀ ə ngwùʼ èghaʼâ kwəynə.

Ətefɨ̂aʼ 9:40

Pità ə pìə nə ghənə ə̀kɨ̂m fɨ ndu əpɨəyn. È və tɨmə ə̀ndzɨs ə vəynghe ə chi ə tsə̀mə̀ sê Zhə̀fè. È və kə̀mnə̀ ndûə èwiyn ə pìə sê pfɨyn ətəynze nə, “Tàpità, ndwi.” È və zàynsə̀ əshi ə vəynghe ə fe Pità, kè sə ashìŋə̀ ə ndwìə tsɨsə̂.