Ətefɨ̂aʼ 21:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə kwìə ndûə zaʼâ elùʼ vɛ ə ghàs tè kàʼa fe ndûə Sàypulòs, ə tsɛ̀ apàs endaʼ ətəynke ə ndùə ə Silyà, ngwùʼ èghaʼâ kwəynə ə̀təyn ə ndùə tyəmə̂ ə endaʼ ə Tayàzè, elùʼ vɛ ə tè nyì se fɨse efɨa ətəyn.

Ətefɨ̂aʼ 21:3 ပူးပေါင်းရင်းမြစ်များ

Matyò 11:21

pîə nə, “Ngəʼ èghaʼâ tə nə̂ ə è zə nyi sê ghàyn ə ghɨə Kòlàzɨ̀nə̀ è kèpî ghàyn ə ghɨə Pètsayndà! Ə̂ tè nyi nə ghɛ ə kayntə ghɨ̂yn ə Zhə̀fè tè nə̀yn ə ghàyn endaʼ tè nyi nə ə nəyn endaʼ ə Tayà è Sindɔ̀nzè, mə ghənə tə màʼ ndzɨse kwuse ə fùʼə̀ àpfɨchike ə ghənə mwìyn se chwìtè nə ghənə kə̀mnè ə ghənə sepi.

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Tom èchùŋ kè kə Lûk tè nyaʼ 10:13

Ngəʼ èghaʼâ tə nə̂ ə è zə nyi sê ghàyn ə ghɨə Kòlàzɨ̀nə̀ è kɨ̂sè è ghàyn ə ghɨə Pètsayndà! Ə̂ tè nyi nə ə nə̀yn ghɛ e kayntə ghɨyn sê ghɨə Tayà è ghɨə Sindɔ̀nə̀, mə ghənə ə tə tso tsɨsə ə fuʼə̀ àpfɨchia ə ghənə ewìyn ə zàŋse màʼa sèndzɨs se kwuse, ə kwiynə̂ ə̀təm epiə ghənə.

Tom èchùŋ kè kə Lûk tè nyaʼ 2:2

Zə nə ghɨnəmə e nyi ghɛ ə tè nyàʼ sə shi kè kə Kìlinùs kɔʼ sə pɛ̀ tə̀ʼ ə Silyà.

Ətefɨ̂aʼ 11:19

Ghɨə pomə ghɛ ə ghe tè sàŋne kûmə̀ ngəʼ zɛ ə è tè nyi kə tè zhwi Shìtifɨ̀yn, yîghe ə tə ndûə tâ endaʼ ə Fònisiyàzè, yîghe ə ndùə endaʼ ə Sàypulòszè, ghəmɔ̀ʼɔghe ndûə endaʼa Antyòkzè. Ghənə tè tsâ ndûə tom èchùŋ kè sê ghɨ Njûsə̀.

Ətefɨ̂aʼ 12:20

Ɛlɔ̀t tè nyîə nyɔʼsə̀ ètɔŋ sê ghɨə endaʼ ə Tayà è Sindɔ̀n. Ə chɔʼtə̂ ə̀ghɨ ə tèndâʼà nə tɨ̂yn nə ghənə ndu fe Ɛlɔ̀t. Ghənə ə ndùə se fe Ɛlɔ̀t nə pɔ̂ynè ə nyi kûmə̀ nə fɨazhiə ə ghənəvè nâʼà èkɨ̂m tè fɨə kə endaʼ ə Ɛlɔ̀tzè. Wùə vɛ ə ghənə tè ndù fe sə shi se pɨaʼtê endam ə ghənə̂zè yîghə̀ Ɛlɔ̀t tè nyi Plastùs. Plastùs tè nyi atu se ghɨ əfɨaʼaghe ə fɔ̀yn Ɛlɔ̀t ə ndɛ.

Ətefɨ̂aʼ 13:4

Zuʼ se Ŋwaʼase ə tiynsə̂ Pànapàs yî Sɔ̂l za, ghənə ə tso endaʼ ə Sèlusyà ə njiə ə ngwùʼ ə ndùə apàs endaʼ ə Sàypulòsè, ze nyi əfètə̂ tsò mə è zə kyɨ̀ŋ ka.

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 18:18

Pɔ̂l ə ndamtə̂ kɔʼɔ yî ghɨə poməghe ə Kolìn sə mtuʼ me tsɨ̂əm̀ ə ke tɔŋtə ghənə ə ndò yî Pliskà è Àkwilà ə ndùə endaʼ ə Silyàzè ə ke ndùə ə Kànkɨ̀lyà. Pɔ̂l tè nyi mə è və kɔm tu ə vəynke kûmə̀ èkâyntè zɛ ə è tè nyi mə è və kyî yî Zhə̀fè.

Ətefɨ̂aʼ 21:16

Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 21:2

Ə fe ngwùʼ èghaʼâ kwəynə fumə è ndûə endaʼ ə Fònisiyàzè, ə njiə ətəyn ə ndò.

Ətefɨ̂aʼ 21:7

Ghàs ə ndò ə Tayà ə kwìə kə nyi ə ndùə fɨə ə tə̀ʼ ə̀ Tòlèmayis ə mòtè əghɨ pomə fu, ə nə̀ fètuʼ femɔ̀ʼ ghasè ghə̀ ghənə.

Ətefɨ̂aʼ 27:4

Ghàs ə ke ndò fu, pîza kə fof etɛke tè tsɛ ə ghàs əshi, ghàs ə ndò ə pàmtə̀ tsɛ endomve apàs kɛ ə fofa tè tsɛ̀ va ətəyn etipì apàs endaʼ ə Sàypulòskè. Sàypulòs tè nyi eluʼ mə ə̀ kyìŋ kâ ke m̀mo.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)