Ətefɨ̂aʼ 21:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 21:16 ပူးပေါင်းရင်းမြစ်များ

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

Ətefɨ̂aʼ 11:19

Ghɨə pomə ghɛ ə ghe tè sàŋne kûmə̀ ngəʼ zɛ ə è tè nyi kə tè zhwi Shìtifɨ̀yn, yîghe ə tə ndûə tâ endaʼ ə Fònisiyàzè, yîghe ə ndùə endaʼ ə Sàypulòszè, ghəmɔ̀ʼɔghe ndûə endaʼa Antyòkzè. Ghənə tè tsâ ndûə tom èchùŋ kè sê ghɨ Njûsə̀.

Ətefɨ̂aʼ 10:48

È və wàmnə̀ za ə ke pì nə ə fo môm sê ghənə ezə Njisə̀s Klâyszè. Ghənə ə pìə sê Pità nə è ndamte yîghə̀ ghənə sə mtuʼlə̂.

Ətefɨ̂aʼ 10:24

Ə fetuʼ femɔ̀ʼɔfe mə zɛ mə tsɛ̀, ghə̀ Pità ə kwìə ndûə njiə ə Kàysalyà. Kɔ̀nilùs è ngɨŋə̂ vəyn è sas ə ndɛ vəynze, è soynsə vəyn sɛ ə è tè ndàmne tè nyîə lɨmtə̂ ghə̀ Pità.

Ətefɨ̂aʼ 8:40

Kə Zuʼse ə Pɛ̂sè njì Filìp zâ, è və pfɨ̀ŋə̀ fe kə ngɨŋ ə vəyn endaʼa Àzotùszè, ə zhə̀tə̀ kwiə kə endaʼ endaʼ ndâʼà ndùə kə tom èchùŋ, se zaʼâ kə è ndu fɨ ə tɔ̂ŋ ə̀ Kàysaliyàzè.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.