Ətefɨ̂aʼ 20:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghàs ə njiə ə ngwùʼ ə Filìpây mə ə̀ tsɛ̀ tso ke m̀tuʼ mɛ ə tè zhiə paynke ətəyn ndɔ̀ʼɔ ndəm fèsə̀ʼ, ə pə̀ kə tuʼm̀ tsɛ̀ mtâyn, ə kotə̂ ndûə ghənə, ə nə̀ ngàm fu.

Ətefɨ̂aʼ 20:6 ပူးပေါင်းရင်းမြစ်များ

Ətefɨ̂aʼ 12:3

Ə pə̀ kə è fe nə ghɨ Njûsə̀ nyîə kɔ̂ŋɔ̀ èghɛ zɛ ə è nə̀yn, è ve nə̀ nə ə pɔŋ kyî Pità. Ghɛ nə zɨ̂nə̀ tè kyàyn sê Pità ə mtuʼ mɛ ə tè zhiə, Zhiəa Apaynke Fèsə̀ʼ e va ətəyn.

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 16:12

Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 16:8

Ghənə ə pɨlə tso ndùə tɔynə ə Maisyà ə ndùə tânə̀ ə endaʼ ə Tɨ̀luwàs.

Ətefɨ̂aʼ 20:16

Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 20:5

Ghənə ə ndùə əshi ə lɨmtə̂ ghàs ə Tɨ̀luwàs.

Ətefɨ̂aʼ 21:4

Ghàs ə fe ə̀ ghɨ poməghe fu ə ndamə ghasè ghə̀ ghənə sə ngâm. Tɔynə̂ atyaʼ ə Sezuʼ se Ŋwaʼase, ghənə ə tsà se Pɔ̂l nə kə è ndu ə Njèlusalɛ̀m.

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 28:14

Kə ghàs nji ndû fumə ə kotə ə̀ghɨə pomə fu, ghənə ə chyatə̂ nə ghâsè ghə̀ ghənə ndamte sə ngâm, ghàs ə ke tsɛ ndù ə Lûm.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

2 Timotì 4:13

Ə ò piə ò pə̀ ndò, ò pə̀ è pfɨ̂ fɨm fɛ ə m tè ndò za sê Kapùs ə Tɨ̀luwàs zâ. Pə kəpî è ŋwàʼlè sɨm sɛ ə ngɛ ndô za, paynpayn sɛ ə fɛte è pfɨ̀ə nyàm za.