Ətefɨ̂aʼ 20:4 - Ŋwàʼlè ə̀ Fèzhə̀ Mkâyn Mə̂ Fèm

⁴ È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 20:4 ပူးပေါင်းရင်းမြစ်များ

Ətefɨ̂aʼ 14:20

Ə pə̀ kə ghɨ ghɛ ə tè nyi mə pomə pə̀yn ə zùŋtə̀ ka Pɔ̂l, è və ndwìə ə kɛsə njiə ndùə əfètəyn ə̀ tɔ̂ŋ. Tuʼve ə zo, yî Pànapàs ə ndò ndûə endaʼ ə Ndepìzè.

Ətefɨ̂aʼ 14:6

Pɔ̂l yî Pànapàs ə zɨə èghɛ ətəynze ə tə ndûə apàs endaʼ ə Likonyàkè ə njiə endaʼa Lisɨtɨ̀là è endaʼa Ndepì, è luʼ tɛ ə te tè nyì paʼsê.

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 17:13

Pîza ə pə̀ kə ghɨə Njûsə̀ ə Tèsàlonikà zɨ nə Pɔ̂l ə ndàʼà tom ə̀ Fèzhə̀ ə Pelyà, ghənə ə pə̀ fu ə zhə̀tə̀ se chiyntə ə̀ghɨ nə ghənə ndwise nôzè.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 2:9

Ghâsènì nyì fâyn, yîghe nyi mə ghe fɨ pə̂yn ə tèndâʼà tə Patyàtè, è Mendyà è Elàm; yîghe ghɛ ə ghe fɨ pə̂yn ə tèndâʼà tə Mèsòpòtemyàtè, è Njòndyâ, è Kàpàndoshyà; yîghe ghɛ ə ghe fɨ pə̂yn ə Pontùs è Esiyà,

Ətefɨ̂aʼ 20:16

Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 20:18

Ə pə̀ kə ghənə pə̂yn fɨ, è və pìə se ghənə nə, “Ghàyn ke ndô kə m tè njìse shîŋə̀ kə akɨ̂m kə m tè nyì ghasè nyì, se zhə̀tè ə fetuʼ fə shife kə m tè pə̀yn fɨ endaʼa Esiyàzè.

Ətefɨ̂aʼ 21:29

Ghənə tè pìə zɨnə mə kûmə̀ nə ghənə tè nyi mə ə fe Tilofimùs və Ɛfesùs yî Pɔ̂l əfètəyn èndaʼ, ghənə e sè kwaʼtə̀ kə nə Pɔ̂l ə njì ndu è vəyn ə ndɛ ètsə̀mə.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

Ŋwàʼlè ə̀ Pɔ̂l sê ghɨə Lûmghè 16:23

Ngayùs vɛ ə m ndamə ə və ndɛ, ndɛ ə̀ Fezhə̀ e njiə kəpi fu, pi nə m tɔŋtê kəpi ghàyn. Èlasɨtùs vɛ ə è ndə̀mə̀ kɛ endaʼve, è ànyì ə̀ ghâsènì Katùs tomə ètɔŋtê ə ghənə̂zè sê ghàyn.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

Ɛfesùs 6:21

M tomə Tìkikùs, ə è tsayn nâʼàpî ghè sê ghàyn kə ghàyn ke saʼghe kûmə̀ mi è ghɛ zɛ m nə̂. Ghàs kɔ̂ŋɔ̀ vəyn nâʼà àchûŋ. È nyi ke nâʼà ànyìə ghâsènì ve chùŋ, fɨ̂aʼà sê Pɛ̂pɛ ke nâʼà ètəm ə vəyn ghəkɨ̂m.

Filìpây 2:19

Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Kòlosè 4:7

Ànyìə ghâsènì Tìkikùs nə̀ tsâ se ghàyn nâʼàpî èghɛ èkè zɛ ə ze nyi mə zə kyàyn se mi. Ə̀ nyi soyn vâs vê pomə vɛ ə ghàs kɔ̀ŋə̀, ə̀ nyi vəyn vɛ ə è tsàmtə̀ mi è təm ə vəynghe əkɨ̂m, kɔʼsə Fèzhə̀ kaʼke amɔ̀ʼ ghasè vəyn.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 4:12

Mə tom Tìkikùs ə Ɛfesùs.

2 Timotì 4:20

Èlasɨtùs ə tə faŋ ə endaʼ Kolìŋzè. Mə zà Tilofimùs ə endaʼ ə Miletùszè kûmə̀ nə è tè zafə ndô.

Taytùs 3:12

M nyiə nə̂ èpɨaʼtê se tomə pə Atemàs, ə̀ puzâ, m tom pəyn Tìkikùs. Kè kə wùə se ghənə nə̀ pə̂yn zaʼâ, ghàyn ə mɔ̀msə̀ nâʼà sə atyaʼ se pə fe mi ə Nìkopolis, kûmə̀ nə mə chɔʼnê se ndu faŋ fu ashìŋə̀ kɛ ə fofke nyi tsɛ̂sè.

Filemùyn 1:24

Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.

3 Njɔyn 1:1

Ə nyâʼ mi chəʼ ə ndɛ̂ Fèzhə̀, sê soyn vɨ̂m Ngayùs vɛ m kɔ̂ŋɔ̀ səmɔʼ.