Ətefɨ̂aʼ 20:2 - Ŋwàʼlè ə̀ Fèzhə̀ Mkâyn Mə̂ Fèm

² È və kwìə tɔynə̂ èpɨas endaʼ nə vɛ ə fo ə̀təm sê ghɨə təynghe è tom se tsɨəse. È və ke pə̀yn ə Achà,

Ətefɨ̂aʼ 20:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 3:18

È və piə za ə tsà tom èchùŋ sê ghənə ə fɨnə təftə̂ ghənə ə tendom, te tsɨ̀ə kə nyî

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 16:12

Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 2:40

Pità ə təftə̂, ə fɨnə wàmnə̀ ə̀ghɛ sê ghɨ ətəynghe, ghe tsɨ̀ə kə nyî. È və chyatə̂ ghənə, ə piə nə, “Nâʼàpî ndè sɔza ngɨŋə̂ vəyn, kə ndɔ̀ʼɔ Zhə̀fè nə poynsê ghàyn eghɨ kə È pɔynse ghɨə təm ə pi ghɨyn.”

Ətefɨ̂aʼ 20:1

Ə tè nyi kə ngəʼ ətəyn mi Pɔ̂l ə tɔŋɔ ə̀ghɨə pomə ə zaʼlə ghənə se nə̀yn nə təm ə ghənə̂ghè ə tɛ ə pìə nə ghənə faŋ ke àchûŋ ə ndò ndûə ə Màsèndonyà.

Ətefɨ̂aʼ 20:11

Epàm ətəyn Pɔ̂l yî ghɨ ətəynghe ə kɛsə kɔʼɔ ndûə ə lûm ə̀ ndɛ zɛ ekwùtwəyn. Ə pə̀ kə è wàmnè yî ghə̀ ghənə sə aghaf etyâkè, ə pə̀ kə zhwize sa, Pɔ̂l ə ndò.

Ətefɨ̂aʼ 20:3

ə ndamə fu sə senjɔŋ seta. Ə tè nyi kə è pɨaʼtə̂ se ndù ə Silyà ə zɨə nə ghɨ Njûsə̀ pɨaʼtə̂ se zhwiə vəyn. È və ke chɔʼnê se kɛsə ndù endomve ə Màsèndonyà.

1 Kɔlìŋ 4:19

Pîza mə ə Pɛ̂pɛ kɔ̂ŋə̀, m mote ke nyî m pəyn fe ghàyn, ə m fe è ngɨŋ zɨ̂mè ghɛ zɛ ə ghɨə ghaŋsə nə ewìyn ghɨnə̀ pìə è kɨsè kyì atyaʼ kɛ ə ghənə kyi.

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

1 Tèsàlonikà 2:11

Ghàs tè kyî ghàyn kè kə pɨ̀a vayn kyi ghɔ vəynghe,

1 Tèsàlonikà 2:3

Chyatê zɛ ə ghàs chyatə ghàyn vachi kûmə̀ ètsas zhîze, è kwaʼtè epize, pî kûmə̀ nə ghàs mɔ̀msə̀ se lə̀ŋtə ghàyn.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.