Ətefɨ̂aʼ 20:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 20:16 ပူးပေါင်းရင်းမြစ်များ

Ətefɨ̂aʼ 12:13

Ə pə̀ kə Pità zaʼâ, ə ngɔʼtə̂ ècho mbàyn zɛ ə ze tè njiə ndûə fumə apɨəyn. Vayn è zhɔyn vîvè ə è tè fɨ̀aʼa fumə apɨəyn, zə vəynze e nyi Londà ə pə̀ se fe nə ə̀ nyi nde ə.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 18:19

Ghənə ə kwiə ndûə tânə̀ endaʼ ə Ɛfesùszè, Pɔ̂l ə za Plìsilà yî Àkwilà ə ndùə ə ndɛ̂ atsɨ̀ynte ə kyîə ekâtè əghɛ yî ghə̀ ghɨ Njûsə̀.

Ətefɨ̂aʼ 18:21

È və pɨlə pîə se ghənə kə è tè ndo nə, “Ə̂ nyi ekɔ̂ŋ ə Fezhə̀zè, m tə kɛsê pəyn.” È və wàmnə̀ za ə njiə ə ngwùʼ ə ndò zâ Plìsilà è Àkwilà fu.

Ətefɨ̂aʼ 19:1

Ə̀ tè nyi kə Àpolòs nyi endaʼ ə Kolìnzè, Pɔ̂l ə kwìə tɔynə̂ apàs endaʼ nə kɛ ə ndùə ə Ɛfesùs, ə fe ə̀ ghɨə pomə əmɔ̀ʼɔ̂ fumə,

Ətefɨ̂aʼ 19:21

Ə tè nyi kə ghɛ nə ghɨnə kyàyn kɔʼ pə̂yn, Zuʼ se Ŋwaʼase ə nə̀, Pɔ̂l ə ndə̀mə̀ nə zhi ndùə apàs endaʼ kɛ ə tè tɔŋtə nə Màsèndonyà ə fɨnə tsɛ̂ ndùə apàs ə Àkayà ə ndùə tânə̀ ə Njèlusalɛ̀m. È və tə ndə̀m nə zhi ndamtə fu ə zhi tsɛ ndu ə Lûm.

Ətefɨ̂aʼ 2:1

Ə̀ tè nyi kə tuʼ azhi ə Pentikɔ̀vè pə̀yn, ghɨə poməghe ə zùŋtə̀ elùʼ emɔ̀ʼ.

Ətefɨ̂aʼ 20:13

Ghàs tè nji ə ngwùʼ èghaʼâ kwəynə ə ndùə əshi ə ndùə fɨə ə Asə̀s, elùʼ vɛ ə ghàs tè kyi se njìə Pɔ̂l ətəyn. È tè pi nə ghàs nəyn nyiə mə kûmə̀ nə nâʼà vəyn tè nduə fumə è gholə.

Ətefɨ̂aʼ 20:18

Ə pə̀ kə ghənə pə̂yn fɨ, è və pìə se ghənə nə, “Ghàyn ke ndô kə m tè njìse shîŋə̀ kə akɨ̂m kə m tè nyì ghasè nyì, se zhə̀tè ə fetuʼ fə shife kə m tè pə̀yn fɨ endaʼa Esiyàzè.

Ətefɨ̂aʼ 20:22

M sè ndùə ə Njèlusalɛ̀m zôyn kûmə̀ nə Zuʼse Ŋwaʼase kyiŋə nə m ndu fu, ke va nə, ə ndùə kyânə̀ ghè sê mi fu ə.

Ətefɨ̂aʼ 20:4

È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 20:6

Ghàs ə njiə ə ngwùʼ ə Filìpây mə ə̀ tsɛ̀ tso ke m̀tuʼ mɛ ə tè zhiə paynke ətəyn ndɔ̀ʼɔ ndəm fèsə̀ʼ, ə pə̀ kə tuʼm̀ tsɛ̀ mtâyn, ə kotə̂ ndûə ghənə, ə nə̀ ngàm fu.

Ətefɨ̂aʼ 21:4

Ghàs ə fe ə̀ ghɨ poməghe fu ə ndamə ghasè ghə̀ ghənə sə ngâm. Tɔynə̂ atyaʼ ə Sezuʼ se Ŋwaʼase, ghənə ə tsà se Pɔ̂l nə kə è ndu ə Njèlusalɛ̀m.

Ətefɨ̂aʼ 24:17

Ə tè nyi kə m tsɛsè pìŋsè setsɨ̀ mə m va ə Njèlusalɛ̀m, mə ndùə fumə kə tom nə m pəyn fo èkɛ sê ghɨ ghɨmə, ə m fɨyn fo èfo se Zhə̀fè.

1 Kɔlìŋ 16:8

M tə ndamtə̂ kɔʼɔ kə nâʼà ndò ə Efesùs fàyn se zaʼâ etuʼ ə Pentikɔ̀s.