Ətefɨ̂aʼ 2:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghâsènì nyì fâyn, yîghe nyi mə ghe fɨ pə̂yn ə tèndâʼà tə Patyàtè, è Mendyà è Elàm; yîghe ghɛ ə ghe fɨ pə̂yn ə tèndâʼà tə Mèsòpòtemyàtè, è Njòndyâ, è Kàpàndoshyà; yîghe ghɛ ə ghe fɨ pə̂yn ə Pontùs è Esiyà,

Ətefɨ̂aʼ 2:9 ပူးပေါင်းရင်းမြစ်များ

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 18:2

Fumə, è və kwəynə̂ yî ghə̀ wùə ə̀ Njûs vîvè e tɔŋtə̂ vəyn nə Àkwilà mə nyi wùə endaʼa Pontùszè, mə è kwùʼ pə̂yn ke ndò ə Italì yî zhwîə vəyn Pliskà, kûmə̀ nə ə̀ tè nyi mə Klondiyùs ə tsɛ̀sè lâŋkè nə ghɨ ə Njûs ghəkɨ̂m za ndaʼa Lûmzè. Pɔ̂l ə ndùə se fe ghənə,

Ətefɨ̂aʼ 19:10

Zɨnə mə ə ndùə èshike sə sepìŋ sèpɛ̀, kə ghɨghe əkɨ̂m ghɛ ə tè ndamə apàs endaʼa Esiyàkè, è ghɨ ə Njûsghè, è tumve ə zɨə èghɛ ə Pɛ̂pɛze.

Ətefɨ̂aʼ 19:27

Ghɛ epi zə təyn zôyn nyi nə pəʼlè ə̀ ghâsènì zɨ̂yn nə̀ kyîə ezə epize. Ə̀ vachi ke zɨnə mə, pîza ghɛ epi ə mɔ̀ʼɔze nyi kepî nə ndɛ ètsə̀mə ə̀ Atemìs nə̂ pəyn sə̂ chwîtə̀ va nâʼà èghɛ zhîze è kɨsè nə ə nə̀ pofsə̂ èghaʼ ə vəynze, ə Fezhə̀ mə ə̀ ngɨmnə̂ ə̀ghɨ ə̀kɨ̂m ə Esiyà è mbi èkɨ̂m.”

Ətefɨ̂aʼ 19:31

Ghɨ èghaʼâ apàs endaʼ nə kɛ ə tè nyi sesoynsə vəynse, ə tomə kəpi tom se vəyn chyatə̂ vəyn nə kə è tyəyn kyaʼa vəynze fumə atsɨ̀ynte.

Ətefɨ̂aʼ 2:8

Ə̀ nyiə kyayn ghe nə nâʼàpî ndè ə zɨə, ghənə e wàmnə̀ kə vəyn èwâmnè endaʼze ə?

Ətefɨ̂aʼ 20:16

Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 20:18

Ə pə̀ kə ghənə pə̂yn fɨ, è və pìə se ghənə nə, “Ghàyn ke ndô kə m tè njìse shîŋə̀ kə akɨ̂m kə m tè nyì ghasè nyì, se zhə̀tè ə fetuʼ fə shife kə m tè pə̀yn fɨ endaʼa Esiyàzè.

Ətefɨ̂aʼ 20:4

È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 21:27

Ə tè nyì kə tûʼ nə mɛ m̀sɛ̀mbɛ nyi se mì, ghɨə Njûs yîghe endaʼ ə Esiyàzè ə fe Pɔ̂l ə ndɛ̂ ètsə̀mə. Ghənə ə chiyntə̂ ànɔ̂yn nə ke ndwise ngəʼ. Nɔ̂yn ətəynke ə ndwìsə̀, ghənə ə kyîə Pɔ̂l,

Ətefɨ̂aʼ 24:18

Ə̀ nyì kə m tè nə zɨnə mə kə ghənə tè pə̀yn fe mi ə ndɛ ètsə̀mə mə mə nə̀yn mɨsè ghɛ nə ghɨ̂yn. Nɔ̂yn kyîke tè va fu, tâsè zhize va kepî.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ətefɨ̂aʼ 6:9

Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ətefɨ̂aʼ 7:2

Shìtifɨ̀yn ə pìə nə, “Ghə̀pɨ̀a ghɨmə è ghɔnyì ghɨmə, ghàyn zɨte. Zhə̀ fɛ ə Fe kyi tyaʼke akɨ̂m tè pə̀yn sê Aplàghâm, pɨ̀a ghâsènì və shi, kə è tè ndamə apàs endaʼ ə Mèsòpòtemyàkè tsɔ̀fə kə è ndo ndu sə̂ ndamə endaʼa Alànzè.

Ŋwàʼlè ə̀ Pɔ̂l sê ghɨə Lûmghè 16:5

Ghàyn tɔŋte kepî ə̀ghɨ pomə ghɛ ə ghe tsɨ̂yntə̀ ə ghənə ndɛ. Ghàyn tɔŋte Epaènetùs, ə soyn vɨ̂mve chùŋ vɛ, ə è tè nyi wùə shi se pomə̂ ə Klâys ə apàs endaʼ ə Esiyàkè.

1 Kɔlìŋ 16:19

Ndɛsə Fezhə̀ sɛ ə se nyi apàs ə Esiyà fâyn pi nə m tɔŋte sê ghàyn. Àkwilà yî Pliskà è tsɨ̀yntə əghɨ pomə kɛ ə ke tsɨ̂yntə̀ ə ghənə ə ndɛ tɔŋtə̂ ə̀ghɨ poməghe nâʼà àchuŋ.

2 Kolìŋ 1:8

Ghàs kyiŋə se pɨ̀əytè ə ghàyn ə soyn sasse ə tetsòs tɛ ə ghàs tè kyi apàs endaʼa Esiyàkè. Kyə̀yn kɛ ə ke tè nyì ə ghàs ə tu tè ghaʼa kə nyi fɨnə tɨ̂lə̀ endom mə ghàs ə njìsè pi kwâʼtèzè sə̂ fɨnə ndamə.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,