Ətefɨ̂aʼ 2:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 2:47 ပူးပေါင်းရင်းမြစ်များ

Tom èchùŋ kè kə Lûk tè nyaʼ 19:48

pîza ə tàʼa fe eghɛ zɛ ə kə ghənə tsɛ̀ epam ətəyn se ko vəyn kûmə̀ nə ghɨ tè zɨə kə eghɛ zɛ ə è pi.

Tom èchùŋ kè kə Lûk tè nyaʼ 2:52

Njisə̀s e sè ndəmə̂ kɔʼɔ kə nâʼà àchûŋ, tɔf eghaʼâ ə vəynze e tɔ̂ʼɔ̀ ndəmə̂ ndùə kə èshike. Zhə̀fè e kɔ̂ŋɔ̀ vəyn, nâʼà ə̀ghɨ e pɔŋɔ kɔ̂ŋɔ̀ vəyn.

Ətefɨ̂aʼ 11:21

Tyaʼa Pɛ̂pɛ ke tè nyîə nyi yighə̀ ghənə. Ghɨ tsɨəghe ə pomə ə fo ə̀təm ə ghənə̂ghè sê Pɛ̂pɛ.

Ətefɨ̂aʼ 11:24

Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 14:21

Pɔ̂l yî Pànapàs ə ndàʼà tom èchùŋ endaʼ ə Ndepì, ghɨghe ə pomə sè nyi sèchùmtè epàm sə Njisə̀sè, tsɨ̀ə kə nyî. Epàmə̂ təyn, ghənə ə kɛsə ndô ndûə əte ndaʼà tə Lisɨtɨ̀làtè è Ìkonyùm ə pə̀ fɨə ə Antyòk apàs endaʼ ə Pesindyàkè.

Ətefɨ̂aʼ 16:5

Ndɛ ə̀ Fèzhə̀ ə ke tɛ nduə kə èshike epomə̂, tsɨ̂ə ndûə kəpi èshike tuʼmè m̀kɨ̂m.

Ətefɨ̂aʼ 17:12

Ghɨ etsɨə fu, è zəyn e tɛ è ndômnèghè, mə nyi ə̀ghɨ Nglêkghè ə pomə sê Njisə̀s.

Ətefɨ̂aʼ 2:39

Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Ətefɨ̂aʼ 4:33

Ghɨətom ə Njisə̀sghè tè ndàʼà nâʼà è tyaʼa sê ghɨ nə ghənə nyi se tsɛ̀ esaʼ nə Zhə̀fè ə tè zòmsè Pɛ̂ Njisə̀s. Zhə̀fè ə pɔsə̂ kwəynsə̂ ghənə ə̀kɨ̂m.

Ətefɨ̂aʼ 4:4

Pîza ghɨ tsɨə ghɛ ghe tè zɨ ghɛ ghɛ ə Pità yî Njɔyn tè zaʼlə, ə pomə, nɔ̂yn ə ghɨə poməke ə kɔʼɔ zaʼâ ndùə kam setâyn.

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ətefɨ̂aʼ 9:35

Nâʼà ə̀ghɨ əkɨ̂m ghɛ ə ghe tè ndamə ə Lindà è Shalɔ̀yn, ə fe kə wùə ə̀təyn tè nyi mə è və tɛ, ghaynə̂ ka, ghənə ə pə̀ynsə̀ ətəm ə ghənə̂ghè ə zhə̀tə̀ se pomə sê Pɛ̂pɛ.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

Ŋwàʼlè ə̀ Pɔ̂l sê ghɨə Lûmghè 9:27

Fɨ̀aʼtè Èsayà ə tə pì ə ndayn kûmə̀ ə̀ghɨ ə Isìlâyghè nə, “Naʼapi kə ghɨə Isìlây tsɨ̀ə nyiə kə ashəshə etipìə ènjwì ə fengwaŋve, ə̀ tə nə̂ ə nyi ke ə̀shi ə ghɨ̀ghè ə ghənə ə fètəyn kə tə sɔ̂ fɨə.

1 Kɔlìŋ 1:18

Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.