Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ətefɨ̂aʼ 2:42 - Ŋwàʼlè ə̀ Fèzhə̀ Mkâyn Mə̂ Fèm

42 Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

အခန်းကိုကြည့်ပါ။ ကော်ပီ




Ətefɨ̂aʼ 2:42
35 ပူးပေါင်းရင်းမြစ်များ  

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.


Ghɨ, ghɛ ə pɛ̀ ə tsà eghɛ zɛ ze kyàyn sê ghənə endom ə fɨnə tsâ kə ghənə fə fe kê vəyn ashìŋə̀ kɛ ə è fə pɨaʼ payn ə kwaŋke.


Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.


Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.


Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”


Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.


Epàm ətəyn Pɔ̂l yî ghɨ ətəynghe ə kɛsə kɔʼɔ ndûə ə lûm ə̀ ndɛ zɛ ekwùtwəyn. Ə pə̀ kə è wàmnè yî ghə̀ ghənə sə aghaf etyâkè, ə pə̀ kə zhwize sa, Pɔ̂l ə ndò.


Ə̀ tè nyi ashìŋə̀ ezhwikwɨləke etuʼ ə shive ə ngâm, ghàs ə zùŋtə̀ se zhi, Pɔ̂l ə zhə̀tə̀ se zaʼlê əghɨ, ə nə̀ zaʼlə kə nyi ə zaʼâ əfètəyn ètuʼ kə è tè se nyi se pɨəysə̂ ndò etuʼe komtə̂ əmɔ̀ʼɔve.


Ə tè nyi kə ə za Pità yî Njɔyn nə ghənə ndo, ghənə ə ndùə kotə̂ ə̀ghɨ poməghe ə tsà ə̀ghɛ ghɛ ə ghɨ kɔʼsə nə eshyə̀ yî chəʼse pî sê ghənə.


Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.


Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”


Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.


Ghàyn vayn kàʼa ə mɨə ə Pɛ̂pɛ ə wà fɨnə mɨə kəpî ə pamə̂ tə satàyntə wà. Ghàyn vayn kaʼa ə zhiə ə Pɛ̂pɛ etuə alaŋ fɨnə zhiə kəpî etûə àlaŋ ə tepamə̂ tə satàyntè.


M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.


Nyiəmə ə soyn sɨmse, pə̂yn zɨmze se ghàyn nə̀ tsâmtə̀ ghàyn ə ghɛ ezhoghɛ m pəyn se ghàyn wàmnə̀ tè wâmnè tə ndôtè mə ghàyn zɨə kê va? Ze nə̀ tsâmtə̀ va ghàyn ə̀ tsɛ kə va mə m pəyn èghɛ efe zhîze kə Zhə̀fè pìə, pî ètɔf zhîze mə ghâsènì fə kê va, pî tom zhîzè mə è ndò sê Zhə̀fè, pî èzaʼlê zhîze.


M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.


Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.


Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.


M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.


Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.


Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.


Pîza se ghò, faŋke ə səmɔʼ zɛ ə tè zaʼle sê ghò, o pomə̂ zə̂ynzè sə ŋaŋ. Ò nyîə ke ə̀ghɨ ghɛ ə tè nyi setyə̀ynsè sɛse.


Kə ghâsènì ə nyi kə ə ghɔnyì ə mɔ̀ʼɔghe ə ghənə kɛsə pə̂ va elùʼ atsɨ̀ynte. Ə ghâsènì ə pɨlə fo ə̀təm ə tɛghe sengɨŋ sə ghasènìse, fo zɔmtə̂ ndûə kə ndò kə ghâsènì fe nə tuʼ fɛ ə Pɛ̂pɛ kɛsə pə̂ ətəyn paʼsə̂ pə̂ ndò.


Ə piə pə̂ ndò, ghâsènì va kə əghɨ ghɛ ə ghe tə kɛse epàm, ə njìsə̀. Ghâsènì pɨl nyi ə̀ghɨ ghɛ ə kyi kyî epomə̂zè sê vəyn, nyi mə ə sɔ̀fɨ.


Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.


Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.


Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.


Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ