Ətefɨ̂aʼ 2:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Pità ə təftə̂, ə fɨnə wàmnə̀ ə̀ghɛ sê ghɨ ətəynghe, ghe tsɨ̀ə kə nyî. È və chyatə̂ ghənə, ə piə nə, “Nâʼàpî ndè sɔza ngɨŋə̂ vəyn, kə ndɔ̀ʼɔ Zhə̀fè nə poynsê ghàyn eghɨ kə È pɔynse ghɨə təm ə pi ghɨyn.”

Ətefɨ̂aʼ 2:40 ပူးပေါင်းရင်းမြစ်များ

Matyò 12:34

Mbam sepi sɨ̂nə̀, ghàyn kaʼa ə pi zayn ghɛ echûŋə̀ mə ghàyn nyi ə ghɨ epighə? Choze wâmnə̀ kə èghɛ zɛ ə ze nyi mə zə lwiyn ətəm.

Matyò 16:4

E pofə zàyn sê ngwàʼ zɨnə fa fetuʼ! Ghàyn kɔ̀ŋə̀ va se zɨtê se Zhə̀fè, Ghàyn pfɨfə chwìə èghɛ ekayntəze. Pîza ghàyn nə̀ fe va zə̂ynzè ètsɛ̂ kə va chwìə èghɛ ekayntə ə fɨ̀aʼtè Njonàzè.” È və zà ghənə ə ndò.

Matyò 17:17

Njisə̀s ə pə̀ynsə̀ nə, “Ə̀ nyi ngwàʼ e pi èkè zɨ̂yn ə è làʼà pomə̂zè nyiə? M nə ndamə tânə̀ zàyn ghâsènì ə? M nə̀ kolə tânə̀ zàyn təmə è ghàyn ə? Pə̀yn è va ətəyn fayn sê mi.”

Matyò 23:33

Ghàyn mbam sɨ̂nə̀! è ghɔyn ə se mbam ghɨ̂nə̀! Ghàyn kwàʼtə̀ nə ghàyn kàʼa kwi zayn se tàʼa ndù elùʼ ewùs ə?

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Tom èchùŋ kè kə Lûk tè nyaʼ 16:28

ə è ndù təfte ə̀ ghɔnyì ghɨmə kûmə̀ eghɛ zɨ̂yn, kə ghənə tə pɔŋɔ nji ə ngəʼ nə̂ zɨ̂yn. Ghənə pa nyi etwɔ, ə̀ tayn.’

Tom èchùŋ kè kə Lûk tè nyaʼ 21:36

Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”

Njɔyn 21:25

Ghɛ pa nyi ndò, tsɨ̂ə kə nyî kə̂ Njisə̀s tè nəyn, mə ə fe nyì se nyàʼ ə̀kɨ̂m, èmɔ̀ʼ emɔ̀ʼ, ə mbi zɨ̀yn èkɨ̂m ə ghaʼa kwənə va kə ə ndəm ŋwàʼlè sə ətəynse ətəyn.

Ətefɨ̂aʼ 10:42

È və fo sə alàŋ nə ghàs tsayn tom èchùŋ nə zɨ̂yn se tyə̀n səmɔʼ nə È nyi ke nâʼà wùə vɛ ə Zhə̀fè chɔʼ ndə̂m nə È və saʼa ə̀ghɨ ghɛ ə pa ndamə è ghɛ nyi mə kwutê.

Ətefɨ̂aʼ 15:32

Njondàs yî Silàs, mə ə̀ tè nyì kepî sèfɨ̀aʼtè ə njìə àshîŋə̀ etyâ ə tsà kɔʼɔ tom ə̀ Fèzhə̀ se nə̀yn nə ghɨ nə ghɨyn ə kyi ə̀təm atyaʼa è pomə̂ etɛze.

Ətefɨ̂aʼ 20:11

Epàm ətəyn Pɔ̂l yî ghɨ ətəynghe ə kɛsə kɔʼɔ ndûə ə lûm ə̀ ndɛ zɛ ekwùtwəyn. Ə pə̀ kə è wàmnè yî ghə̀ ghənə sə aghaf etyâkè, ə pə̀ kə zhwize sa, Pɔ̂l ə ndò.

Ətefɨ̂aʼ 20:2

È və kwìə tɔynə̂ èpɨas endaʼ nə vɛ ə fo ə̀təm sê ghɨə təynghe è tom se tsɨəse. È və ke pə̀yn ə Achà,

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 20:9

Vayn èkwuŋ vîvè ə kɔʼɔ tsɨsə̂ ə tɔ̀ŋkɔ, zə vəynze e nyi Yutikùs. Pɔ̂l e sè zaʼlə, mbɨəynse ə ko vəyn, è və nə̀ pɨənə kə nyi ə mùʼə̀ fu ə pfɨ̀ə tso ə chi. Ghɨghe ə tso ndùə se ndwisè ə vəyn ə fe mə è və kwu.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

2 Kolìŋ 6:17

Ə̀ za nyi eghɛ zɛ ə Pɛ̂pɛ tè pi nə: “Ghàyn fɨ pəyn əfètəyn ə̀ghɨ̀ ə piə ə tyəm sə nɨŋ. Kə ghàyn kom fɨa kɛ ə ke zo va ə Zhə̀fè əshi, kə M fi ghàyn,

Ngàleshyà 5:3

M fɨnə fɛtə̂ tsâ kə nâʼà ndò sê ghàyn nə, ə̀ fɨyn pomə pîndè nə ə se namə vəynghe, ə è və ke nə è kyi sə̂ ndə̀mə̀ kə Àlâŋ àkɨ̂m.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

1 Tèsàlonikà 2:11

Ghàs tè kyî ghàyn kè kə pɨ̀a vayn kyi ghɔ vəynghe,

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.