Ətefɨ̂aʼ 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 2:4 ပူးပေါင်းရင်းမြစ်များ

Matyò 10:19

Ə pə̂yn è ghàyn nə saʼ, kə ghàyn nə kayn mbi nə ghàyn nə̀ ndùə piə nə ghe ə è kɨsè ndom vɛ ghàyn nə̀ pîə ətəyn, ə shîŋə̀ ə təynke pə̂yn, ə ghɛ zə nyi kə ghàyn pi.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Tom èchùŋ kè kə Lûk tè nyaʼ 1:15

È tə nə̂ ə è və kɔʼnə̂ kə nyî ə Pɛ̂pɛ əshi. È tə nə̂ ə è və mɨə va lɨ̀m nâʼà səkɔs mə zuʼ se ŋwaʼase ə lwiyn ə və ətəm kə nyi endwɔ̀.

Tom èchùŋ kè kə Lûk tè nyaʼ 1:41

Kə̂ Ɛ̀lisapɛ̀t zɨ tɔŋtə̂ ə vəynze kè sə ashìŋə̀, vayn ə shiŋə ə vəyn endwɔ̀. Zuʼ se Ŋwaʼase ə lwinə ə Ɛ̀lisapɛ̀t ətəm

Tom èchùŋ kè kə Lûk tè nyaʼ 1:67

Zuʼ se Ŋwaʼase ə lwinə ə pɨ̀a vəyn Sàkàlyâ ətəm, ə̀ nə̀ è ve sè wàmnə̀ kyə̀ Fèzhə̀ piə nə:

Tom èchùŋ kè kə Lûk tè nyaʼ 12:12

kûmə̀ nə Zuʼ se Ŋwaʼase nə̀ tsâ eghɛ zɛ kə ghàyn pi kè ashìŋə̀ nə kɛ.”

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Tom èchùŋ kè kə Lûk tè nyaʼ 4:1

Njisə̀s ə kɛsə̂ fɨə kɔʼɔ ə tsô Njondàyn mə Zuʼse Ŋwaʼase ə lwiyn ə və ətəm, se ə njì vəyn ə njiə è vəyn endaʼ ashəshəe.

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 20:22

È və wàmnə̀ zâ ə fofə sèzuʼ ə ghənə tu, ə pìə nə, “Ghàyn ko Zuʼse Ŋwaʼase.

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 10:46

Kûmə̀ nə ghɨ Njûs nə ghɨyn ə tə zɨ kə ghɨ nə ghɨnə ə̀ tè va əghɨ ə Njûghè wàmnə̀ wâmnè tə tendaʼ tə ndôtè ndɔ̀ʼɔ zaʼle, pɔmsə̂ Fèzhə̀ kûmə̀ ə̀ghɛ ə kayntə ghɛ ə Fe nə̀yn. Pità ə ke pì nə,

Ətefɨ̂aʼ 10:47

“Ghɨ ghɨnə nyi mə Zuʼse Ŋwaʼase ə pə̀yn sê ghənə kèpi kə se tè pə̀yn sê ghàs. Ə̀ nyiə kàʼa ə fɨyn tâsè ghè nə kə ghənə fi môm mə?”

Ətefɨ̂aʼ 11:15

Mə zhə̀tə̀ pî ashìŋə̀ àkè se wàmnè sê ghənə, Zuʼse Ŋwaʼase ə pə̀ sê ghənə kèpi kə se tè pə̀yn sê ghâsènì ə zhə̀te.

Ətefɨ̂aʼ 11:24

Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Ətefɨ̂aʼ 13:52

Chùmtè èpàm sə Njisə̀s shise ə Antyòk ə faŋa epàm sè saŋnə̂ nâʼà àchûŋ, mə ə lwiyn è Zuʼ se Ŋwaʼase.

Ətefɨ̂aʼ 13:9

Zuʼ se Ŋwaʼase ə chisə Sɔ̂l vɛ ə zə vəynze tè nyi kepî Pɔ̂l, è və lotə̂ tɨmə naynə̂ ndûə wùfɨyntə ə̀təyn ə və shi,

Ətefɨ̂aʼ 15:8

Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 2:11

Əfètə̂ ghɨ̀ nə ghɨ̂yn, ghəmɔ̀ʼɔ nyi əghɨ ə Njûsə̀, ghə mɔ̀ʼɔ ghe nyi ə̀ghɨ atumə mə ghe chûmtə̀ èpomə̂ əghɨ̀ ə Njûsə̀. Ghâsènì ghə mɔ̀ʼɔ fɨ pə̂yn endaʼ ə Klitzè, è kɨsè Àlepyà. Pîza ghâsènì əkɨ̂m e zɨə, ghənə e wàmnə̀ kə tèwâmnè tə tendaʼ tə ghasènìte, pîə ə̀ghɛ kayntə ghɛ ə Zhə̀fè nə̀yn

Ətefɨ̂aʼ 2:3

Ghənə ə pfɨ̀ŋə̀ fe èfɨa, ve nyi kə endəm e wùsve, ve tyəm ə nâʼà piə ndè atu fu.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 4:8

Ə̀ tè nyi za Pità e nyi mə è və lwiyn è Zuʼse Ŋwaʼase. È və pə̀ynsə̀ sê ghənə nə, “Ghɨə chisəghe è chəʼ sendaʼse,

Ətefɨ̂aʼ 6:3

Ghàs piə sê ghàyn ə ghɔnyìə ghasə nə, ghàyn chɔʼ ghɨghe əsɛ̀mbɛ̂ ə ghayn əfètəyn, ghɛ ə ghe kyi ndam èchùŋ, è tɔf eghaʼâzè è Zuʼse Ŋwaʼase e fɨnə chisə̂ ghənə kə ghàs fo fɨ̂aʼ zɨ̂nə̀ sê ghənə.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 6:8

Shìtifɨ̀yn tè nyi wùə mə Zhə̀fè ə pɔsê vəyn nâʼà àchûŋ, ə fɨnə fo àtyaʼ sê vəyn nə è və nə̂ ə̀ghɛ əkayntə əfètə̂ ə̀ghɨ̀, ghe tyə̂nə̀ àtyaʼ ə Fezhə̀kè.

Ətefɨ̂aʼ 7:55

Shìtifɨ̀yn tè nyi mə è və lwiyn è Zuʼse Ŋwaʼase. È və naynə̂ kɔʼsə ndùə ekwùtwəyn ə fe èpomsê ə Fezhə̀zè, ə fɨnə fe Njisə̀s, È ve tyəm apàs ekɔyntwɔ ə Fezhə̀kè.

Ətefɨ̂aʼ 8:17

Pità yî Njɔyn ə ke ndə̀mə əgho ə ghənə tu, ghənə ə fiə Sèzuʼ se Ŋwaʼase.

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 13:1

Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

1 Kɔlìŋ 13:8

Kɔŋè mìə tsɛ̂ va, pîza tom sɛ ə fɨ̀aʼtèsè fo nyi ke sə fendiŋə̀ fə ashìŋə̀fè; ghɨghe e wâmnə̀ tèwâmnè mə ə paʼà zaʼlê pîza mə te nə mîə; ghɨghe e kyi kepî ètɔf pîza mə ze tə pə̂ tsɛ̂.

1 Kɔlìŋ 14:18

M fo àzɔ̀ŋnè sê Zhə̀fè kə m ke se wamnə̀ ə tewâmnè tə ndôtè ndɔ̀ʼɔ zaʼle tsɛ ghàyn nâʼà ə̀kɨ̂m.

1 Kɔlìŋ 14:5

M nə̀ nə m mə kɔŋə̀ nə ghàyn əkɨ̂m ə wâmnə̀ tèwâmnè tə ndôtè ndɔ̀ʼɔ zaʼle, pîza m nə̀ nə m mə pɨlə kɔ̂ŋə̀ nə ghàyn ə kyi èfo sə tsâ tom ə̀ Fèzhə̀. Ze nyi nyî kûmə̀ nə wùə vɛ ə è tsà tom ə̀ Fezhə̀ tsɨ̀ə tsɛ̂ ndò wùə vɛ ə è wàmnə̀ wâmnè tə ndôtè ndɔ̀ʼɔ ə è zaʼle, ə̀ tsɛ kə va mə wùə nyì ndo se wàmnè eghɛ ətəynze endom vɛ ə nâʼàpî ndè nə̀ zɨə ke, kə ze tsamte ndɛ ə̀ Fèzhə̀ èkɨ̂m.

Ɛfesùs 3:19

Ghàyn nə ke nə kɔ̂ŋ ə vəynze ə tsɛ̀ tɔfe, kə ghàyn ghəʼne kwəyn ə ndamə èndam ə Fèzhə̀zè kè nâʼà àchûŋ.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.