Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ətefɨ̂aʼ 2:39 - Ŋwàʼlè ə̀ Fèzhə̀ Mkâyn Mə̂ Fèm

39 Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”

အခန်းကိုကြည့်ပါ။ ကော်ပီ




Ətefɨ̂aʼ 2:39
41 ပူးပေါင်းရင်းမြစ်များ  

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.


Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.


Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.


Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.


Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.


Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.


Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.


Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.


Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.


E nyi nyî kûmə̀ nə Zhə̀fè kàʼa Fe nəyn nə ndom vɛ ə è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə zhwìə vəyn, fɨnə nə̂ wùzhɔyn vɛ è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə ndomə̀ vəyn. Ə ze fə̂ va nyî, ə ghɔyn ə ghənə ghè ə va èzoze pîza kè kə ze chwîtə̀, ghənə nyi èŋwaʼze ə Zhə̀fè əshi.


M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,


Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.


Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.


Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.


Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.


E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.


Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.


Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.


Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.


Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.


Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”


Tsì ə ke pì sê mi nə, “Nyàʼ ghɛ zɨ̂nə̀: Saŋnêzè nyì sê ghɨ ghɛ ə ndâmnè nə ghənə pəyn zhiə malə̂ ə̀ Vâ Ndzèkè.” Tsì ə̀təyn ə zomtə̂ nə, “Ə̀ zɨnə nyi ewâmnè ə səmɔʼɔ ə Fezhə̀zè.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ