Ətefɨ̂aʼ 2:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 2:38 ပူးပေါင်းရင်းမြစ်များ

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 3:10

Nɔ̂yn ə ghɨ nə kɛ ə pfɨfə sê vəyn nə, “Ghàs nyiə nə̀ kwiə nâʼà zàyn zô?”

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 10:48

È və wàmnə̀ za ə ke pì nə ə fo môm sê ghənə ezə Njisə̀s Klâyszè. Ghənə ə pìə sê Pità nə è ndamte yîghə̀ ghənə sə mtuʼlə̂.

Ətefɨ̂aʼ 13:38

Ghɔnyì ghɨmə, ghàyn e ke səmɔʼ nə, ə̀ nəyn Njisə̀s tsɔ̀fə kə ə ndaʼà tom èchùŋ se ghàyn nə Zhə̀fè nyiə lɛsə̀ fo sèpi sə ghɨ̀sè.

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Ətefɨ̂aʼ 17:30

Zhə̀fè ə ndə̀m nə Fe vayn kàʼa Fe fo ngəʼ sê wùə ə mtuʼ mɛ ə wùə tè keva Vəyn, pîza sè kânə̀ nâʼà pi sê ndè nâʼà pi ghayn zôyn nə è kwiyne təmə ə vəynghe piə.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 22:16

Pî zôyn nyi, ò lɨmtə̂ ghè? Ndwi kɔʼ ə fiə m̀mo kə ə shu tsɨsè sèpi sɛse, mə ò tsə̀mə̀ ndûə sê Vəyn.›

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Ətefɨ̂aʼ 8:12

Pîza, ə pə̀ kə ghənə pomə sê Filìp kûmə̀ tom èchùŋ efɔ̂yn ə Fezhə̀vè, è kɨsè kûmə̀ Njisə̀s Klâys, ə fo m̀mo sê ghənə, sê ndômnèghè è zəynghe.

Ətefɨ̂aʼ 8:20

Pîza Pità ə pə̀ynsə̀ ə pìə nə, “Ə ò kwàʼtə̀ nə ò kàʼa ò zhɔyn fo ə Fezhə̀zè è kɛve, ə gho ghâyn kɛ vɛve ə ndùə tânə̀ elùʼ ewùs!

Ŋwàʼlè ə̀ Pɔ̂l sê ghɨə Lûmghè 6:3

Ghàyn keva nə shîŋə̀ kɛ ə ghâsènì tè fi mômè, ghâsènì tè nyì sə afɨa àmɔ̀ʼ ghasènìə ghə̀ Klâys, ə kwuə ghasènyìə ghə̀ Vəyn ə?

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Taytùs 3:5

ə sɔ̀zâ ghâsènì, ə̀ va chi kûmə̀ èghɛ echûŋ zhize kə ghâsènì tè nəyn, pîza ə̀ tè nyì ke kûmə̀ èkosê esəyn ə Vəynze. È və tə shù tsɨsè pisə ghasènìse, ə nə̀ nə tɔynə̂ ə Sezuʼ se Ŋwaʼase, ə ghâsènì kyi ndam efeze kə ghɨ ghɛ ə piə pə̂yn ke ndô ghənə.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.