Ətefɨ̂aʼ 2:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Ətefɨ̂aʼ 2:30 ပူးပေါင်းရင်းမြစ်များ

Matyò 22:43

Njisə̀s ə pfɨfə sê ghənə nə, “E za nyi za, Zuʼse ə ŋwaʼase ə kwiə zàyn se fɨnə nə̀yn nə è tɔŋtə va vəyn nə vɨ̂yn nə Pɛ̂pɛ ə? Ndàfît ə pìə nə:

Matyò 27:35

Ghənə ə tɨmə pə̀ʼ se chyàtè ə sendzɨs sə vəynse. Ə payntə̂ vəyn ə ke chyàtè ə sendzɨs sə vəynse sê ngɨŋ sə ghənə̂sè ə ndə̀mə̀ ə chi sè tɨmə pə̀ʼ ətəyn

Ŋwàʼlè ə̀ Mâk 12:36

Zuʼse Ŋwaʼase ə nə̀ nə Ndàfît pi nə: ‘Pɛ̂ Zhə̀fè pi sê Pɛ̂pɛ vɨm nə, Tsɨsə ə̂ mi ekɔyn etwɔve se zaʼâ kə m ndəm pàyn sɛse ə ghò etyə̂ ə̀ghòl.’

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Ŋwàʼlè ə̀ Pɔ̂l sê ghɨə Lûmghè 1:3

Tom èchùŋ nə zɨ̂yn wàmnə̀ kûmə̀ Vâ Fèzhə̀, ə Pɛ̂pɛ ə̀ ghâsènì Njisə̀s Klâys. È tè piə è pə̀ ə chi sə wûə m̀sɔ̀ŋ, ə pîə Vəyn esas ə ndɛ ə Ndàfîtzè.

Ŋwàʼlè ə̀ Pɔ̂l sê ghɨə Lûmghè 15:12

Fɨ̀aʼtè Èsayà ə tə pì kepî kə nyi mə ə nyàʼ nə, “Wùə tə fɨə etɔ̀ŋ ə ndɛ ə Njesì mə è tə pə̂ ə è və kyi àtyaʼ etûə ə̀ghɨ ghɛ ə̀ vachi ə̀ghɨ ə Njûsə̀, ə nyì se vəyn ə ghɨ ghɛ ə vachi ə̀ghɨ ə Njûsghè tə ndə̂mə̀ təm ə ghənə̂ghè əkɨ̂m.”

2 Timotì 2:8

Pɨ̀əyte Njisə̀s Klâys kə È tè zòmə ekwu, mə È tè fɨ ə esas ə ndɛ ə Ndàfîtzè, kè kə ə zaʼlə ə tom èchùŋ zɛ m ndaʼà.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

Ipilù 3:7

E nyi nyiə mə kə Zuʼse Ŋwaʼase pî nə, “Ə ghàyn zɨ kyə̀ Fèzhə̀ ndàyn,

Ipilù 4:7

Kûmə̀ zɨnə mə, Zhə̀fè ə ndə̀m tuʼfə mɔ̀ʼɔfe, e tɔŋtə̂ nə, “Ndâyn.” Ə pə̀ kə pìŋ se tsɨə tsɛ̂, è və wàmnə̀ zɨnə mə tɔynə̂ ə Ndàfît kûmə̀ eluʼ vɛ ə ghâsènì nyi mə ə kâynè wàmnè ə ŋwàʼlè ə̀ Fèzhə̀ nə, “Ə ghàyn zɨ kyə̀ Fèzhə̀ ndàyn, kə ghàyn tɛ è tuke.”

Ipilù 6:17

Sê ghɨ ghɛ ə ghənə tè kyi se kyî etsɨ̂nè nə zɨ̂yn, Zhə̀fè tè kyiŋə se tyə̀nə paynsê nə zhi tə kwiynə̂ va ghɛ zɛ ə zhi pɨaʼte, nyiəmə è və paʼsə̂ èkâyntè ə vəynze sê tsɨnè ətəynze.

Ipilù 7:21

pîza ə piə è ndə̂mə̀ vɨnə mə, ə kàyntə̀ pîə nə: “Pɛ̂pɛ ə kàyn, va se kwiynê ekwâʼtè ə vəynze ə pìə nə: ‘O faŋ sə wùə èkɔʼsə nə̂ èshyə̀ sə teshìŋə̀ tèkɨ̂m.’”

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.

Etyə̂yn ə paynsêzè 17:14

Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”

Etyə̂yn ə paynsêzè 19:16

Ə̀ tè nyi mə ə nyàʼ zəze apàs ə fepfɨ̀ kɛ ə ke tè kɨytə pî ə vəynke nə, “Fɔ̀yn sê fɔ̂yntè, è Pɛ̂pɛ sê Pɛ̂pɛse.”