Ətefɨ̂aʼ 2:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Kûmə̀ nə ò tə zâ maʼà va mi endaʼ əghɨ kwuze. Ò tə zâ va pfɨyn ə wûə èfɨ̀aʼa vɛve èchùŋ nə ve fî eshyə̀.

Ətefɨ̂aʼ 2:27 ပူးပေါင်းရင်းမြစ်များ

Matyò 11:23

Sê ghàyn kèpî ghɨə Kàpanùmə̀, ghàyn kwàʼtə̀ nə ghàyn ə kàynè zaʼâ ekwùtwəyn. Pîza ə tə maʼà tsosə̂ ghàyn əfètə̂ ewùs. Ə̂ tè nyi nə ə nəyn ghɛ ə kayntə ghɛ ə nə̀yn ə̂ ghàyn əfètəyn endaʼa Sondòm, mə ndaʼə təynze pa nyi kendò se tàyn ndàyn.

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 16:23

È və ndùə endaʼ ə ghɨchie sè fe ngəʼ è kayntə fu, ə tə ndwisè əshi ə vəynghe ə naynə̂ ndùə ə fe Aplàghâm sə aghaf è Lazalùs ə vəyn ə ngwùŋ.

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Tom èchùŋ kè kə Lûk tè nyaʼ 4:34

“Wə̂e! Ò kyiŋə ghè ə ghàs əfètəyn ə Njisə̀s, va wùə Nazalɛ̀t vɨ̀yn, ò pə̀yn se pofsə̂ ghàs mə? M kendô fɨa kɛ ə ò nyi kəynke. Ə̀ nyi ke nâʼà ghò wùə è Ŋwaʼa Fèzhə̀.”

Njɔyn 11:39

Njisə̀s ə pìə sê ghɨ ghɛ nə, “Ghàyn nji tsɨ̂sè èchi ətəynze.” Pîza Maltà, mə nyi ànyìə wùə kwuə, ə pìə nə, “Tuʼmə tsɛ̀ zôyn m̀kyàʼ ə Pɛ̂ kə ə pfɨ̂mə̀ vəyn, mə ə tsɨ̂sè chi ətəynze zôyn, ə zûʼə̀kè fɨ ə kə pofə kə nyi.”

Ətefɨ̂aʼ 2:26

Kûmə̀ zɨ̂nə mə təm ghɨmə saŋnə ndò, m wâmnə̀ è saŋnê e tsɨəze ə mìə təm. Ə wiyn vɨmve ə kyi èsamsê kə m pa ndəmə.

Ətefɨ̂aʼ 2:28

O tyə̀yn ndom tɛ ə te pə̂ èndam sê mi. M kyi nâʼà èsaŋnê eghaʼaze kûmə̀ nə ghasè ghò tə nə̂ ə nyi əmɔʼ.’”

Ətefɨ̂aʼ 2:31

È və tə fe mɨ̂sè ghɛ zɛ ə Zhə̀fè tè kyi se nə̀yn tsɔ̀fə kə shîŋə̀kè kɔʼ kwəyn, ə wàmnə̀ kûmə̀ èzomə̀ vɛ ə tè chɔʼ ndəm. È tè pi nə: ‘Zhə̀fè pâʼà za Vəyn endaʼ ekwuəze, pfɨyn ə Vəynze ə tàʼa fì eshyə̀.’

Ətefɨ̂aʼ 3:14

Njisə̀s tè nyi wùə èŋwaʼa, fɨyn nyi wùə ə̀ chichi, pîza ghàyn ə kwiynsə̂ Vəyn ə chyatə̂ Paylɛ̀t nə è pɨl za wùə, mə è zhwiə ə̀ghɨ.

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.

1 Kɔlìŋ 15:52

Fɨake tə ŋwaŋə̀, ə wùə piə è mbɨytə̀ kə èshi, ə tɔŋ kendò sɔŋze. Pɔ̀m nə ə tə tɔŋɔ èsɔŋ, ə ghɨ ghɛ ə nyi mə kwu zomə mə vayn kàʼa fɨyn kwu, ə ghâsènì kwiyne ə kyi èwiyn efeve.

1 Kɔlìŋ 15:55

“Tyaʼ kɛ ke ə tɨmə zhiə, ke kâynzə kwue? Fɨl zɛze zâyn zə?”

1 Njɔyn 2:20

Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.

Etyə̂yn ə paynsêzè 20:13

Ghɨ ghɛ ə ghe tè kwute enjwì ə fengwaŋve ə ndùə nə Zhə̀fè saʼ ghənə. Ghɨə ghɛ ə kwuze è ndaʼ əghɨ ə kwuəze tè kyi ə tə fɨ ndu kepî nə Zhə̀fè saʼ ghənə. Zhə̀fè ə tè saʼ ghənə mə fe chûmtə̀ kə èghɛ zɛ ə nâʼàpî ndè tè nə̂.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.