Ətefɨ̂aʼ 2:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ətefɨ̂aʼ 2:24 ပူးပေါင်းရင်းမြစ်များ

Matyò 27:63

ə pìə sê vəyn nə, “Pɛ̀ àpɨəyn, ghàs kɛsə̂ pɨ̂əytə̀ nə kə wùə àkaŋ vɛ tè pa nyi ètwɔ ə pìə nə, ‘M tə zômə̀ epàm mə̂ m̀tuʼ mta.’

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”

Njɔyn 10:35

Ghàs ke ndô nə ghɛ zɛ ə ŋwàʼlè ə Fezhə̀ pìə nyì səmɔʼ, nyi se tə ndamə faŋ; ə nyì sê ghɨ̂yn kə Zhə̀fè tè tɔŋte nə mzhə̀ kə Fe tè tsɛ̀sə tom ə̀ Vəyn se ghənə.

Njɔyn 12:39

Ghənə tè vayn kaʼa pomə kûmə̀ nə Èsayà ə tə pì elùʼ vîve nə:

Njɔyn 20:9

Pi kə ghənə tè nyi ndɔ̀ʼɔ nyiəm kê èghɛ zɛ ə tè nyàʼ ə ŋwàʼlè ə̀ Fèzhə̀ nə Njisə̀s tə zômə̀.)

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Ətefɨ̂aʼ 13:30

Pîza Zhə̀fè ə nə̀ è və zòmə̀. Epàmə zɛ mə,

Ətefɨ̂aʼ 13:37

Pîza vɛ Zhə̀fè tè zòmse, è tè paʼà fì.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ətefɨ̂aʼ 4:10

Ghàyn ghɨ Isìlâyghè, ghàyn e ke nə wùə vɨ̂yn ə è tyəm ə ghàyn əshi tɛ kûmə̀ àtyaʼ ezə ə Njisə̀s Klâys və Nazalɛ̀tkè. Ə̀ nyi Vəyn vɛ ə ghàyn tè paynte awâmnè, È və kwuə, pîza Zhə̀fè ə nə̂, È və zòmə̀.

Ətefɨ̂aʼ 5:30

Ghàyn ə tə nə̀yn ə payntə̂ Njisə̀s ə awâmnè, è və kwuə. Pîza Zhə̀ fɛ ə pɨ̀a ghasènìghe tè kɔʼsə Fə zòmsə̀ Vəyn.

Ŋwàʼlè ə̀ Pɔ̂l sê ghɨə Lûmghè 10:9

Ə ò pì ècho zɛze nə, “Njisə̀s nyi Pɛ̂pɛ” ə pomə nə Zhə̀fè ə tə zòmsè vəyn ekwu, ə ò tə sɔ fɨ.

Ŋwàʼlè ə̀ Pɔ̂l sê ghɨə Lûmghè 14:9

Ghɛ zɛ ə ze tè nəyn kə Klâys kwu, ə è zomə, ə è və nyi ètwɔ, nyi kə è və nyi Pɛ̂pɛ se ghɨ ghɛ ə nyi mə ə kwu è ghɛ ə ghe nyi etwɔ.

Ŋwàʼlè ə̀ Pɔ̂l sê ghɨə Lûmghè 4:24

Ə tè nyâʼ kepî ə̀ghɛ nə ghɨnə mə sê ghâsènì. Zhə̀fè tə njiə kəpi ghâsènì ghɛ ə pomə nə ə nyi kepî kə ghɨ ə Vəynghe. Ə̀ zòmse Vəyn Pɛ̂pɛ ə ghâsènì Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

1 Kɔlìŋ 15:15

Ze pize ətəyn nyi nə, e tyə̂nə̀ nə ghàs wamə àkaŋ kûmə̀ Fèzhə̀, kûmə̀ nə ghàs ə pì nə È və tə zòmsè Klâys, pîza ə ze nyi səmɔʼ nə ə tə zômsə̀ va ghɨ kwutəghe, ə zə nyi nə è tè paʼà zòmsè Klâys

1 Kɔlìŋ 15:20

Pîza səmɔʼ ətəyn nyi nə ə tə zòmsè Klâys kèpi kə tə zômsə̀ ghɨ ghɛ ə ghe nyi mə ghə kwu.

1 Kɔlìŋ 15:4

ə tə pfɨ̀mə̀ Vəyn, È və kɛsə̂ zômə̀ epàmə m̀tuʼ mta kè kə ə nyi mə ə nyàʼ ə ŋwàʼlè ə̀ Fèzhə̀ nə,

1 Kɔlìŋ 6:14

Zhə̀fè tè zòmsè Pɛ̂pɛ, nyi se tə zômsə̀ kəpî ghâsènì ə vəyn ə atyaʼ.

2 Kolìŋ 4:14

Ghàs ke ndô nə Zhə̀ fɛ ə Fe tè zòmse Pɛ̂pɛ Njisə̀s, tə ndwîsə̀ kəpî ghàs è Njisə̀s, ə pəyn è ghàs, paʼsə̂ kə è ghàyn ə Və ngwùŋ.

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ɛfesùs 1:20

se nə̀yn nə Klâys kɛse zômə̀. Klâys ə zòmə̀ za, è və ndə̀mə̀ vəyn ə Vəyn ekɔyn twɔve ekwùtwəyn.

Kòlosè 2:12

Kə tè fo mômè se ghàyn, e tè nyi kəpiə ghàyn ə kwu, ə pfɨ̀mə̀ ghàyn, Zhə̀fè ə zômsə̀ ghàyn è Klâys. Zɨnə tè kyàyn se ghàyn kûmə̀ nə, ghàyn ə tə pomə̂ nə tyaʼa Fezhə̀ kɛ ə ke tè zòmse Klâys tə zômsə̀ kəpi ndò ghàyn.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.