Ətefɨ̂aʼ 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 2:23 ပူးပေါင်းရင်းမြစ်များ

Matyò 20:19

Ə nji fo vəyn sê tûm nə ve nyəʼse vəyn ə pus vəyn è wàynsè, ə fɨyn payntê vəyn ə awâmnè, epàmə̂ m̀tuʼ mtam ə Zhə̀fè zomse Vəyn.”

Matyò 26:24

Vâ wùə nə̀ kwuə kè eghɨ kə nyi mə ə nyàʼ ə ŋwàʼlè ə̀ Fèzhə̀ pîza ngəʼ èghaʼâ nyì sê wùə vɛ ə è nə̀ pəʼlə Vâ wùə! E fe tsɔ̀fə nə ə nyi mə tè paʼà piə wùə ə̀təyn.”

Matyò 27:35

Ghənə ə tɨmə pə̀ʼ se chyàtè ə sendzɨs sə vəynse. Ə payntə̂ vəyn ə ke chyàtè ə sendzɨs sə vəynse sê ngɨŋ sə ghənə̂sè ə ndə̀mə̀ ə chi sè tɨmə pə̀ʼ ətəyn

Ŋwàʼlè ə̀ Mâk 15:24

Ghənə ə tɨmə pə̀ʼ se chàtè ə sendzɨs sə vəynse.

Tom èchùŋ kè kə Lûk tè nyaʼ 22:22

Va wùə ndùə kè kə Zhə̀fè ndə̀m, pîza ze nə̂ kwûəmə̀ nâʼà sə ŋaŋ se wùə vɛ ə è pəʼle vəyn!”

Tom èchùŋ kè kə Lûk tè nyaʼ 22:37

M piə se ghàyn nə, zɛ e kyi sə nyi kɨ kə ə nyi mə nyaʼ ə Ŋwàʼlè ə Fèzhə̀ nə zɛ kyi se kyàyn se mi ə tè nyàʼ nə, ‘ə taŋ vəyn kə wùə èmɔ̀ʼ əfètə̂ ə ghɨghe ə ghɨ kəm saʼe.’ Ze nyi nyî kûmə̀ nə naʼapi ghè vɛ ə nyi mə nyaʼ kûmə̀ mi ze kyi se kyàyn.”

Tom èchùŋ kè kə Lûk tè nyaʼ 23:33

Ə tè nyi kə ə ndû tâyn elùʼ vɛ ə tè tɔŋtə nə ewɔf ə atue, ə payntə̂ vəyn awâmnè fumə ə fɨnə paynte ə ghɨghe ə ghe tè kyim saʼte zâ, ə payntə̂ emɔ̀ʼ awâmnè ə ekɔynzhiəe, ə payntə̂ vəmɔ̀ʼɔ ə ekɔynkôe.

Tom èchùŋ kè kə Lûk tè nyaʼ 24:20

Ghɨ ə kɔʼsə nə eshyə̀ ə ngaŋtəghe è tu vɛ ve chisə ghàs va fo vəyn nə ə zhwi, a nji vəyn ə ndùə paynte awâmnè,

Njɔyn 19:18

Fumə, ghənə ə payntə̂ Vəyn, ə payntə̂ kəpi ə̀ghɨ əmɔ̀ʼɔ ghəpɛ̀, və mɔʼɔ ekɔyn ekôvè è və mɔ̀ʼɔ ekɔyn twɔve. Njisə̀s e nyi əfètəyn fètəyn.

Njɔyn 19:24

Sokə̀ʼse ətəynse e pìə sê ngɨŋ sə ghənə̂sè nə, Ə ghâsènì tàʼa pàytè ə səynse, ə ghâsènì tɨm pèʼ ətəyn ə fe nə̂ ə nə̀ kyîə ndè ə. Ghɛ nə zɨ̂nə̀ tè kyâyn nyî kə ghɛ zɛ ə tè nyàʼ ə Ŋwàʼlè ə̀ Fèzhə̀ kwəyn nə: Ghənə tè chyàte sendzɨs sɨmse sê ngɨŋ sə ghənə̂sè ə tɨmə pèʼ, se chyàtè ə sàŋ Zɨ̂mzè.” Sokə̀ʼ nə sɛ tè nə̀yn ke eghɛ nə zɨ̂nə̀.

Ətefɨ̂aʼ 13:27

Ghɨ ghɛ ə ghe ndamə ə Njèlusalɛ̀m è ghɨə ghənə̂ ghe chisəghe tè keva nə Njisə̀s nyi Sɔ̀zà, fɨnə zɨə kêva ghɛ ghɛ ə fɨ̀aʼtè se ghaʼâsè tè nyàʼ ndəm, e tɔŋɔ kə ə ghənə mtuʼ me ndaʼm̀ m̀kɨ̂m. Nâʼàpî ghənə tè nə̀yn nə ghɛ ghɛ ə fɨ̀aʼtèsè tè tsàyn ndəm nə ze tə kyâynə̀ kè kə ghənə tè pi nə ə tə zhwiə Njisə̀s.

Ətefɨ̂aʼ 15:18

Ə̀ tè nəyn mi kə ghɨghe ə ke ə̀ghɛ nə ghɨ̂yn nâʼà sə mɨ.›”

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

Ətefɨ̂aʼ 4:28

Ghənə tè zùŋtè ə nə̀ kə èghɛ zɛ ə Ò se nyi mə Ò tə pɨaʼte ndəm kè ə ghò atyaʼ nə e tə kyânə̀.

Ətefɨ̂aʼ 5:28

“Ghàs ə tə tsɛ̀sè lâŋkè nə kə ghàyn fɨyn zaʼlê ə̀ghɨ è ghɛ ghɛ ə Njisə̀s tè pi nə ghàyn ə zaʼlə̂. Ghàyn ə fe ghɛ zɛ ə ghàyn nə̀yn ə? Ghàyn kyiŋə nə ghɨghe ə ghâmə̀ ghàs pîə nə ə̀ tè nə̀yn ghàs nə ə zhwiə Njisə̀s mə?”

Ətefɨ̂aʼ 5:30

Ghàyn ə tə nə̀yn ə payntə̂ Njisə̀s ə awâmnè, è və kwuə. Pîza Zhə̀ fɛ ə pɨ̀a ghasènìghe tè kɔʼsə Fə zòmsə̀ Vəyn.

Ətefɨ̂aʼ 7:52

Ə̀ nyi fɨ̀aʼtè èkè ə ghə̀pɨ̀a ghayn ghəshiə tè tàʼa fo ngəʼ sê zə̂yn ə? Ghənə ə tə zhwitê ghɨətom ə Fezhə̀ nâʼà ə̀kɨ̂m etuʼ ə shi. Ə̀ nyi ghənə ə tè tsayn pə̂ ə wùə Chichi ə̀ Fèzhə̀zè. Ə̀ nyi Vəyn vɛ ə ghàyn pəʼle ə fɨnə zhwiə.

Ŋwàʼlè ə̀ Pɔ̂l sê ghɨə Lûmghè 2:12

Ghɨ ghɛ ə kiva lâŋ ə Mosîskè nyiə nə̂ ə̀ghɛ ə piə. Zhə̀fè tə saʼa ghənə mə È tsɛ tɔynə̂ va alàŋ, ə ghənə njise. Ghɨ ə Njûsghè nyîə kyi àlâŋ ə Mosîskè, pa nə̂ pi, mə Zhə̀fè tə tsɛ̂ tɔynə̂ alâŋ se saʼa ghənə.

Ŋwàʼlè ə̀ Pɔ̂l sê ghɨə Lûmghè 4:17

Ə nyàʼ ə Ŋwàʼlè ə Fèzhə̀ nə Zhə̀fè tè pì sê Aplàghâm nə, “Mə nə̀yn nə o nyi pɨ̀a sê ndaʼà tekɨ̂m.” Nyiəmə Aplàghâm pɨ̀a ghâsènì ə Zhə̀fè əshi. Zhə̀ fɛ ə Aplàghâm pomə nyi Fezhə̀ fɛ ə Fe fo ndamze sê ghɨ ghɛ ə nyi mə ə kwu, ə̀ nyi Fəynfe ə Fe pîə ghɛze mə ze va, ze ə kyànə̀.

1 Tèsàlonikà 2:15

ghɨ Njûs nə ghɨnə ə tə zhwi Pɛ̂pɛ Njisə̀s, è fɨ̀aʼtèsè ə tsə̀fsə̀ kəpi ghàs. Ghənə nə̂ nə Zhə̀fè ə nyɔʼsə̀ ètɔŋ ashìŋə̀ kɛ ə ghənə nə̂ nyiəmə! tɔŋ ə Fezhə̀ və zafə, fɨnə nə̂ nə nâʼàpî ndè ə nyi pàyn ə ghənə!

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

1 Pità 2:8

Ə fɨyn nyâʼ kèpi ə Ŋwàʼlè ə̀ Fèzhə̀ nə: “Ə̀ nyi echi, zɛ ə ghɨ tyamtə̂ ətəyn, ə nyi ànayn, kɛ ə ke tə nə̂ nə ghənə pfɨ.” Ghɨ nə̂ tyamtə̂ ətəyn kûmə̀ nə ghənə zɨtə̂ va tom ə̀ Fèzhə̀, ə nyi èghɛ zɛ ə Zhə̀fè tè nyi mə fe ə ndə̀m nə ghənə ə nə̂.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.