Ətefɨ̂aʼ 2:22 - Ŋwàʼlè ə̀ Fèzhə̀ Mkâyn Mə̂ Fèm

²² Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 2:22 ပူးပေါင်းရင်းမြစ်များ

Matyò 12:28

Ə̀ fo chîə va Peelzepùl ètyaʼa sê Mi, pîza M fɨaʼà atyaʼa Sezuʼ ə Fezhə̀sè sə̂ chûmə̀ fɨsə̂ tèpamə̂ tə satàyntè ə ghɨghe ewìyn. Zɨnə kyànə̀ se tyə̀nə̀ sê ghàyn nə fɔ̂yn ə Fezhə̀vè ə pə̀yn ə ghàyn əfètəyn.

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 11:20

Ə̀ fo Fèzhə̀ è tyaʼa nə mə chûmə̀ fɨsə̂ tèpamə̂ tə satàyn nə tɨ̂yn. E za tyə̀nə̀ nə fɔ̂yn ə Fezhə̀vè ə pə̀yn sê ghàyn.

Tom èchùŋ kè kə Lûk tè nyaʼ 18:37

Ə piə sê vəyn nə ə tsɛ̀ Njisə̀s, ə vâ wùə Nazalɛ̀t.

Tom èchùŋ kè kə Lûk tè nyaʼ 24:18

Viu ə ghənə fètəyn, mə tɔŋtə̂ nə Klèopàs, ə kə̀mnə̀ pfɨfə sê vəyn nə, “Ə nyi ke ghò wùə ve e pəyn ə Njèlusalɛ̀m mə kɛ va ghɛghe ə ghe kwuʼte kyàyn fa mtuʼlə̂ mɨ̂nə̀ mə?”

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Njɔyn 10:37

Ə M nə̂ va fɨ̂aʼ zɛ ə Pɨ̀a Vɨm tom nə M nəyn, kə ghàyn pomə sê Mi.

Njɔyn 11:47

Ghɨə Falàsîə yighə̀ ghɨ kɔʼsə nə eshyə̀ ə ngaŋtə ə tɔŋnə̂ zùŋtə̀ ə̀ghɨ̀ atsɨ̀ynte ə pìə nə, “Ə ghâsènì kwi zayn zə? Fe ghɛ ə kayntə ghɛ ə wùə vɨ̂yn ə mɔ̂mə̀ ə.

Njɔyn 12:17

Ə̀ tè nyi zâ, mə nɔ̂yn ə ghɨ kɛ ə ke tè nyi yî ghə̀ Njisə̀s kə È tè tɔŋɔ fɨse Lazalùs eshyə̀ ə zòmsə̀ vəyn, ə ndò ə waŋə ndûə èghɛ zɛ ə ze kyâyn.

Njɔyn 15:24

Ə̂ tè nyi nə m paʼà nə̀yn ghɛ nə ghɨ̂yn ə ghənə əfètəyn, ndɔ̀ʼɔ wùə tyəm nəyn, mə ze tyə̀nə̀ va nə ghənə ə nə̀yn pi kə ze tyə̀nə̀ zôyn. Ə̀ zô sè nyi mə ghənə ə fe ghɛ əkayntə nə ghɨ̂yn pîza fɨnə pànə̀ kə ndò mi, è kɨsè Pɨ̀a vɨm.

Njɔyn 19:19

Paylɛ̀t ə nyàʼà apàŋ afɨake nə, “Njisə̀s və Nazalɛ̀t, ə fɔ̀yn ə̀ ghɨ̀ə Njûsə̀” ə payntə̂ àpâŋ afɨa ətəynke ə Vəyn etuə awâmnè.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 4:48

Njisə̀s ə pìə sê vəyn nə, “Wùə sê ghàyn tə pomə̂ va ə̀ tsɛ̂ kə va mə è və fe chwìə è ghɛ ekayntəghe.”

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 7:31

Pîza, ghɨghe setsɨ̀ ə fètə̂ ànɔ̀yn ə pomə̂ Vəyn. Ghənə tè pîə nə, “Shîŋə̀ kɛ ə vɛ ə chɔʼ ndə̂m tə pə̂, è tə nə̂ ndò ghɛ ekayntə ghe tsɨ̂ə tsɛ̂ kə wùə vɨ̀nə nyi mə è və nə̀yn ə?”

Njɔyn 9:33

Ə wùə vɨ̀nə fe va nə È ndò pə̀yn sê Zhə̀fè, ə è və vayn kàʼa è nəyn ghɛ kə zɨ̂nə̀.”

Ətefɨ̂aʼ 13:16

Pɔ̂l ə ndwìə ə nə̀ʼsə̀ àgho se nə̀yn nə ghənə kɨmə̂ mɔŋ ə zhə̀tə̀ se wàmnè. È və pìə nə, “Ghɔnyì ghɨm ghə Isìlâyghè, è ghɨə mɔ̀ʼɔ ghɛ ə ghe nyi fâyn, ə ghàyn ghɛ ə ghàyn ngɨmnə Zhə̀fè, ghàyn zɨte ghɛ zɛ ə m kyiŋə se pì.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 2:19

M tə nə̂, ə̀ghɛ ə kayntəghe ekwùtwəyn, ə M tyəyn chwìəse ə chi. Ndə̂mə̀m tə sɨsə̀, ə wusve pɛ, ə ndəʼke fɨ.

Ətefɨ̂aʼ 2:43

Ghɨətomə tè nə̂ ə̀ghɛ kayntə è chwìə se tsɨəse. Ghɨghe əkɨ̂m ə fe, nyi èkaynze.

Ətefɨ̂aʼ 21:28

sè pɨa piə nə, “Ghɨə Isìlâyghè, ghàyn tsamte ghàs! Ə̀ vɨ̂nə nyi wùə vɛ ə è tè kwiə zaʼlə̂ ə̀ghɛ epi ghɛ kûmə̀ ə̀ghɨə Isìlâyghè è Saʼ ə Mosîszè è kɨ̂sè ndɛ̂ ètsə̀mə zɨ̂yn. Nâʼà pi zôyn, è və fɨyn nji ghɨatumə ə njiə è ghənə ə ndɛ̂ ètsə̀mə, pofsə̂ tèluʼ, nə̂ nə kə ə tə nyi è zoze.”

Ətefɨ̂aʼ 22:8

Mə pfɨfə sê vəyn nə, ‹Ə̀ nyì ghò ndè ə Pɛ̂pɛ?› È və pə̀ynsə̀ nə, ‹Ə̀ nyi Mi Njisə̀s ə̀ Nazalɛ̀t vɛ ə ò fo ngəʼ sê Vəyn za.›

Ətefɨ̂aʼ 24:5

Ghàs ə tè fe nə wùə vɨ̀nə nyi wùə ə̀ ngəʼ, səʼə̀ ngəʼ əghɨə Njûs ghə fètəyn kè mbi èkɨ̂m. Ə̀ nyi vəyn ètuke se nɔ̂yn əghɨ̀ ə Nazalɛ̀tkè

Ətefɨ̂aʼ 26:26

Fɔ̀yn Angɨlipà m kaʼa m wamne sê ghò è təm tɛ ghəkɨ̂m kûmə̀ nə ò nyiə ke ə̀ghɛ ghɨ̀yn. M nyiə ke nə o fɛtê ndəm ghəynghe ə ghò ekwâʼtè kûmə̀ nə ghɛ ghɨ̀nə tè paʼà kyàyn chi andə̀.

Ətefɨ̂aʼ 26:9

Nâʼà mi è ngɨŋ zɨ̂mè ə tə kwàʼtè nə m kaʼa m nəyn pîghè se pofsê ezə Njisə̀s və Nazalɛ̀tvè.

Ətefɨ̂aʼ 3:12

Pità ə fe əghɨ nə ghɨ̂yn ə pfɨfə sê ghənə nə, “Ghɔnyì ghɨmghə Isìlâyghè, kûmə̀ ghè ə ghàyn nyi èkaynze ə? Ghàyn tùŋə̀ naynə̂ kə ghàs nyî sə ghe? Ghàyn kwàʼtə̀ nə ghàs nəyn nə wùə vɨ̂yn ndwi ə è və kwîə kûmə̀ àtyaʼ kas kə ngɨŋke mə, mə kûmə̀ nə ghàs tsɔ̀fə̀ nâʼà achûŋ ə Zhə̀fè əshi ə?

Ətefɨ̂aʼ 3:6

Pîza Pità ə pìə sê vəyn nə, “M kyi va kɛve nâʼà səkɔs se fo sê ghò, pîza nyi se fo kə afɨa kɛ ə m kyi. M piə sê ghò ə Njisə̀s Klâys və Nazalɛ̀t ezə nə ò ndwi ə̂ ò kwi.”

Ətefɨ̂aʼ 4:10

Ghàyn ghɨ Isìlâyghè, ghàyn e ke nə wùə vɨ̂yn ə è tyəm ə ghàyn əshi tɛ kûmə̀ àtyaʼ ezə ə Njisə̀s Klâys və Nazalɛ̀tkè. Ə̀ nyi Vəyn vɛ ə ghàyn tè paynte awâmnè, È və kwuə, pîza Zhə̀fè ə nə̂, È və zòmə̀.

Ətefɨ̂aʼ 5:35

Ə ke pì sê ghɨ nə ghɛ nə, “Ghɨ Isìlâyghè, ghàyn e tɔ̂ʼnə̀ kûmə̀ èghɛ zɛ ə ghàyn kyiŋə se nə̀yn sê ghɨ ghɨ̀yn.

Ətefɨ̂aʼ 6:14

Ghàs ə tə zɨ kə è pìə nə Njisə̀s ə̀ Nazalɛ̀t nə vɨ̂yn tə pɨ̂sə̀ ndɛ̂ ètsə̀mə, ə È fɨyn kwiynê endam zɛ ə Mosîs tè zaʼle ghâsènì ətəyn.”

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.