Ətefɨ̂aʼ 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Chwì tə kɛsə̂ ə è zə nyì kə alɨm, ə njɔŋ kɛse ə è zə pâŋà kə mndəm. Ghɛ nə ghɨnə tə kyanə̀ tsɔ̀fə kə tuʼ èghaʼâ ekɔʼnê ə Pɛ̂pɛve pəyn.

Ətefɨ̂aʼ 2:20 ပူးပေါင်းရင်းမြစ်များ

Matyò 24:29

Kè kə tsôs eghaʼâ nə vɨnə tə kyânə̀ mɨ̂sə̀, ə lɨmke fɨyn cho ezhwize, ə njɔŋ ə fɨnə panə va, ə lìmè taynte tso ekwùtwəyn, ə nâʼà ètwɔʼ vɛ ə ve nyi ekwùtwəyn nəʼle ə ghənə telùʼ.

Matyò 27:45

Ə fètə̂yn èchwì, lɨmke ə kɨlə èndaʼ èkɨ̂m, se zaʼâ ə sechwìə sèta.

Ŋwàʼlè ə̀ Mâk 13:24

Fumə mtuʼ, mə shîŋə̀ etsòs eghaʼâ nə kɛ ə tsɛ̀, ‘ə lɨmke kɨyte zhwize, ə njɔŋ ə fɨnə panə va,

Tom èchùŋ kè kə Lûk tè nyaʼ 21:25

Tuʼ nə vɛ tə kwəynə, ə cho ezhwize ə tyə̂nə̀ sechwìə, njɔŋ yî lìmè ə tyə̂nə̀. Njwî ə fengwaŋve tə nə̂ ə ve ə nəʼə̀, fɨnə sə̂, pə̀ è m̀lùŋtsuŋ ə mbi, ə tu ə ghɨ̀ əkɨ̂m fɨ səʼ.

Ətefɨ̂aʼ 2:19

M tə nə̂, ə̀ghɛ ə kayntəghe ekwùtwəyn, ə M tyəyn chwìəse ə chi. Ndə̂mə̀m tə sɨsə̀, ə wusve pɛ, ə ndəʼke fɨ.

Ətefɨ̂aʼ 2:21

Fumə ashìŋə̀, nâʼà pîndè vɛ ə è pomə nə Njisə̀s nyi Pɛ̂pɛ ə̀ vəyn, ə è kyi sɔzaze.›”

1 Kɔlìŋ 5:5

Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

1 Tèsàlonikà 5:2

Ghàs pìə nyî kûmə̀ nə nâʼà ghàyn nyîə ke sə ghàyn ngɨŋ nə, tuʼ vɛ ə Pɛ̂pɛ tə kɛsə pə̂ ətəyn tə kwənə mə wùə ke va, kè kə wùə è chɔŋɔ nə̂ è və pə̂ ètuʼve.

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

Etyə̂yn ə paynsêzè 16:8

Tsì ə̀mɔʼɔ̂ nə se ndu sekyàʼ ə sɨ̀sə̀ tsosə̂ m̀lɨ̂ mɛ ə m̀ tè nyi ə zə̂ynzè akaŋ etûə èzhwi, ə zà nə e nyɔʼle ghɨghe è wus e tɨməve.

Etyə̂yn ə paynsêzè 6:12

Mə naynə̂ ə fe kə Va Ndzè vɛ zhòm lɛ ə mɔ̀ʼɔke nə və ndu etufə, kè sə ashìŋə̀, chike ə nə̂ʼə̀ nâʼà sə ŋaŋ, mə ə fɨnə fe kə cho ezhwize kɛse sè fɨ̂mə̀ kə kə sendzɨs se kwuse, njɔŋ ə kɛsə sè pâŋə̀ kə mndəm,