Ətefɨ̂aʼ 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ yîghe ghɛ ə ghe fɨ pə̂yn endaʼ ə Filinjyàzè, è Pàmfilyà, ghəmɔ̀ʼɔ ghɛ ghe fɨ endaʼ ə Enjìpzè è pâs endaʼ ə Lipyà kɛ ə ke paʼsə sê tə̀ʼ ə̀ Silên. Ghâsènì yîghe fɨ pə̀yn ə Lûm.

Ətefɨ̂aʼ 2:10 ပူးပေါင်းရင်းမြစ်များ

Matyò 2:15

È tè ndam fu se zaʼâ kə Ɛlɔ̀t kwu. Zɨnə mə tè kyàyn nə ghɛ zɛ ə Zhə̀fè tè pì tɔynə̂ ə fɨ̀aʼtè ə̀ vəyn pəyn səmɔʼ nə, “Mə pì nə vayn vɨ̂mè ndo fɨ ə Enjìp.”

Matyò 23:15

Ngəʼ èghaʼâ nyì sê ghàyn ə tyə̀ynsè sə alàŋsè è ghɨ Falàsîə, ghàyn ghɨ kaŋkaŋa nə ghɨ̂yn! Ghàyn tyàŋà tènjwî tə fengwaŋte, kwîə ə tendâʼà ə tendâʼà kè se nə̀yn nə wùə èmɔ̀ʼ zɨ ə è chumte ghàyn. Mə shîŋə̀ kɛ ə è pomə ghàyn ə nə̀ vəyn è fiə ètsə̂fsè e tsɨ̂ə tsɛ̂ zayn shîŋə̀ tepɛ̀ se ndù elùʼ ewùs.

Matyò 27:32

Kə sokə̀ʼse tè fɨə pə̂ è Njisə̀s endaʼ, ə kwəynə̂ è wùə mə è ndo endaʼa Silênzè e tɔŋtə̂ nə Shimùyn, sokə̀ʼse ə ŋamnə̂ vəyn nə è pɨaʼa wâmnè ə Njisə̀skè.

Ŋwàʼlè ə̀ Mâk 15:21

Ə tè nyi kə ghənə ndûə, ə kwəynə è wùə vîvè endom, mə tɔŋtə̂ nə Shimùyn. Shimùyn tè fɨ endaʼa Silênzè. È tè nyi pɨ̀a Àlɛ̀ksandà yî Lufùs. Shimùyn tè tsɛ njiə ndûə endaʼ. Sokə̀ʼse ə ke kyî ə vəyn ə pìə nə è pɨaʼa wâmnè ə Njisə̀skè.

Ətefɨ̂aʼ 11:20

Pîza ghɨə pomə əmɔ̀ʼɔghe ə fɨə pə̂ endaʼ Sàypulòsè èndaʼa Silènzè ndûə kəpi ə Antyòk sè pɔŋɔ ndâʼà tom èchùŋ sê ghɨə Nglêkghè kûmə̀ Pɛ̂pɛ Njisə̀s.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 13:13

Pɔ̂l yî soyn sə vəyn sɛ ə yî ghə̀ ghənə tè kwìə, ə njiə ə ngwùʼ ə Pafòs ə ndùə tânə̀ ə endaʼ ə Pengàzè, apàs endaʼ ə Pàmfilyàkè. Njɔ̀yn Mâk ə za ghənə fu ə kɛse ndûə ə Njèlusalɛ̀m.

Ətefɨ̂aʼ 13:43

Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 14:24

Ə pə̀ kə ghənə kwî tɔyne ə apàs endaʼ Pìsindyàkè ə ndùə fɨə apàs endaʼ ə Pàmfilyàkè.

Ətefɨ̂aʼ 15:38

Pîza Pɔ̂l ə kwàʼtə̀ nə ze fe va achûŋ nə ə nji vəyn, kûmə̀ nə Njɔ̀yn Mâk tè paʼà faŋ yighə̀ ghənə se zaʼâ kə ghənə mɨse fɨaʼa ghənə̂kè. Pîza è və kə̀mnə̀ ə zà ghənə ə endaʼ ə Pàmfilyàzè.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 17:21

Ə̀ tè nyi za, ghɨ ə Atènə̀ è ghɨ atum ghɛ ə tè ndamə fu, tè nyîə kɔ̀ŋɔ̀ sə̂ tsɨs shîŋə̀ tekɨ̂m, tsâ, fɨnə zɨə ə̀ghɛ ə fe ghɛ ə ghe kwûʼ kyâyn kendô.

Ətefɨ̂aʼ 18:2

Fumə, è və kwəynə̂ yî ghə̀ wùə ə̀ Njûs vîvè e tɔŋtə̂ vəyn nə Àkwilà mə nyi wùə endaʼa Pontùszè, mə è kwùʼ pə̂yn ke ndò ə Italì yî zhwîə vəyn Pliskà, kûmə̀ nə ə̀ tè nyi mə Klondiyùs ə tsɛ̀sè lâŋkè nə ghɨ ə Njûs ghəkɨ̂m za ndaʼa Lûmzè. Pɔ̂l ə ndùə se fe ghənə,

Ətefɨ̂aʼ 18:23

Ə pə̀ kə è tsɛ̀sè shîŋə̀ kyîke fumə, è və ndò ə tsɛ̀ tɔynə̂ apàs endaʼ ə Ngàleshyàkè è Filinjyà, tsâmtə̀ se nə̀yn nə ghɨ epoməghe ə tɔ̂ʼɔ̀ tɛ ə ghənə epomə̂.

Ətefɨ̂aʼ 2:11

Əfètə̂ ghɨ̀ nə ghɨ̂yn, ghəmɔ̀ʼɔ nyi əghɨ ə Njûsə̀, ghə mɔ̀ʼɔ ghe nyi ə̀ghɨ atumə mə ghe chûmtə̀ èpomə̂ əghɨ̀ ə Njûsə̀. Ghâsènì ghə mɔ̀ʼɔ fɨ pə̂yn endaʼ ə Klitzè, è kɨsè Àlepyà. Pîza ghâsènì əkɨ̂m e zɨə, ghənə e wàmnə̀ kə tèwâmnè tə tendaʼ tə ghasènìte, pîə ə̀ghɛ kayntə ghɛ ə Zhə̀fè nə̀yn

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

Ətefɨ̂aʼ 27:5

Fumə, ghàs ə zà etipì ə tso apàs endaʼ ə Sìlisyàkè è kɨsè apàs endaʼ ə Pàmfilyàkè ə tsɛ tɔynə̂ enjwì ə fengwaŋve, ə tyàŋə̀ nji endaʼ ə Milà apàs endaʼ ə Lisiyàkè.

Ətefɨ̂aʼ 28:15

Ə̀ tè se nyi mə ghɨe poməghe ə Lûm ə zɨ nə ghàs pə̂ ndò, ə pə̀ se lɨmtə ghàs ə setɔ̂ŋ sə Ezhɔynə Apiyùsvè, yîghe e lɨmtə̂ kəpi ghàs elùʼ vɛ ə ghɨ e motə pə tè pə njiə ətəyn, e tɔŋtə̂ nə, Ndɛ sə ghɨ̀ ə Motə pə seta. Ə pə̀ kə Pɔ̂l fe ghənə, ə fo àzɔ̀ŋnè se Zhə̀fè ze ə nə̀ vəyn è və kyi ə̀təm ə tɛghe.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 6:9

Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ŋwàʼlè ə̀ Pɔ̂l sê ghɨə Lûmghè 1:15

Kûmə̀ zɨnə mə, wiyn vɨmve nyîə nyûŋnə̀ kəpî nə m ndaʼa tom èchùŋ sê ghàyn ghɛ ə ghàyn ndamə ə Lûm.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

2 Timotì 1:17

Pîza kè kə è tè pə̀yn tâyn ə Lûm nâʼàpî ashìŋə̀ àkè ə kwìə kyiŋə kə mi nyi, ə fe.

Etyə̂yn ə paynsêzè 11:8

Ə pfɨyntə ghənə̂tè faŋ ke endom e twɔve ə tɔ̀ŋ èghaʼâ zɛ ə tè paynte Pɛ̂pɛ ə̀ ghənə ətəyn awâmnè. Ghɨə mɔ̀ʼɔ pîə nə tɔ̂ŋ èghaʼâ nə zɨnə mə njiə eluʼ ə Sondòmvè, kɨ̀sə Enjìp.