Ətefɨ̂aʼ 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi kə tuʼ azhi ə Pentikɔ̀vè pə̀yn, ghɨə poməghe ə zùŋtə̀ elùʼ emɔ̀ʼ.

Ətefɨ̂aʼ 2:1 ပူးပေါင်းရင်းမြစ်များ

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 20:16

Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 4:24

Ə pə̀ kə ghɨ poməghe zɨ ghɛ təynze, ghənə ə tsɨ̀yntə̀ tsə̂mə̀. Ghənə ə tsə̂mə̀ se Zhə̀fè piə nə, “Pɛ̂pɛ, ə Ghô vɛ ə o fɛte kwutwəyn, è chike, è njwî ə fengwaŋve, è nâʼàpî àkè kɛ ə ke nyi ətəyn,

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 4:32

Nâʼà ghɨ poməghe əkɨ̂m tè nyi ke sə afɨa àmɔ̀ʼ, kyi ke èkwâʼtè èmɔ̀ʼ è təmghə əmɔ̀ʼ. Nâʼà wùə èmɔ̀ʼ tè piə va nə ə̀ fɨa kɨ̀nə kyi ke zhi, nâʼà pi ndè e njiə àfɨa, chyâtə̀ fo ànyìə vəyn.

Ətefɨ̂aʼ 5:12

Ghɨətom ə Njisə̀sghè tè nə̂, sèchwìə è ghɛ kayntəghe, ghe tsɨ̂ə kə nyi əfètə̂ ghɨ̀ se tyə̀yn atyaʼa Fezhə̀kè. Nâʼà ghɨə poməghe əkɨ̂m tè zàŋsə zûŋtə̀ Atɔyne ə Sòlomùynkè ə ndɛ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 15:6

Zɨnə tə kyânə̀ kə ghàyn əkɨ̂m tsɨynte choze emɔ̀ʼ se tsìtə Fezhə̀, ə Pɨ̀a ə̀ Pɛ̂pɛ ə̀ ghâsènì Njisə̀s Klâys.

1 Kɔlìŋ 16:8

M tə ndamtə̂ kɔʼɔ kə nâʼà ndò ə Efesùs fàyn se zaʼâ etuʼ ə Pentikɔ̀s.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 2:2

Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.