Ətefɨ̂aʼ 19:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza ghɨə mɔ̀ʼɔ tè nyîə tɛ ètuke kɔ̂ŋɔ̀ va se zɨtê, pa piə ə̀ghɛ pighe ə ghɨ ghə shi ə̀kɨ̂m kûmə̀ Pɛ̂pɛ. Pɔ̂l ə ke zà ə ghənə, ə ndò paʼsə̂ kə è ghɨ epoməghe ətəyn, sè kyîə èkatè əghɛze tuʼmè m̀kɨ̂m ə ndɛ asəyle zɛ ə tè zaʼlə ətəyn ə Tìlanùs.

Ətefɨ̂aʼ 19:9 ပူးပေါင်းရင်းမြစ်များ

Matyò 15:14

“Kə ghàyn kyi fɨmsê pɔ̀m ghənə! Ghənə nyi etu mə ə fòf chisə̂ ə̀ghɨ ə fofə; mə shîŋə̀ kɛ ə wùə èfòfə tsɛ̂ əshi və mɔ̀ʼɔ chùmtə̀ vəyn, ə ghənə əkɨ̂m pfɨə nji epə.”

Matyò 16:4

E pofə zàyn sê ngwàʼ zɨnə fa fetuʼ! Ghàyn kɔ̀ŋə̀ va se zɨtê se Zhə̀fè, Ghàyn pfɨfə chwìə èghɛ ekayntəze. Pîza ghàyn nə̀ fe va zə̂ynzè ètsɛ̂ kə va chwìə èghɛ ekayntə ə fɨ̀aʼtè Njonàzè.” È və zà ghənə ə ndò.

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Njɔyn 12:40

“Zhə̀fè ə nə̀yn, ghənə ghe fôf ə fɨnə tɛsə̂ ə̀təm ə ghənə̂ghè kə shiə ghənə̂ ghə fe va, kwâʼtè tə ghənə̂tè e zɨə kê va, ə ghənə fɨyn va se pə̀yn se Mi, kə M tsuʼ ghənə.”

Ətefɨ̂aʼ 11:26

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ətefɨ̂aʼ 14:4

Pîza ghɨ ghɛ ə ghe tè nyì fu endaʼ ə kyîə echyâsè ewìynze, ghɨə mɔ̀ʼɔghe e tɔ̀ʼɔ̀ ə̀ghɨ Njûsə̀, yîghe e tɔ̀ʼɔ̀ ə̀ghɨtomə.

Ətefɨ̂aʼ 17:4

Ghɨ Njûs yîghe ə zɨə ə pomə ə̀ghɛ ghɛ ə è tè pìə ə tsɨ̀yntə̀ ə Pɔ̂l ànɔ̂yn yî Silàs. Nâʼà ànɔ̂yn ə ghɨ endaʼ ə Nglêk kyîke ə ke tè ngɨmnə Zhə̀fè paʼsə̂ è zəyn e tɛ yîghe ə pɔŋɔ tsɨ̀yntə̀.

Ətefɨ̂aʼ 19:23

Ə̀ tè nyì famə ashìŋə̀ kə tsôs eghaʼavè tè nyi ə Ɛfesùs kûmə̀ èndom vɛ ə Pɛ̂ tè kyiŋə nə ghɨghe ə ndamə ətəyn.

Ətefɨ̂aʼ 19:30

Pɔ̂l è ngɨŋə̂ vəyn e kyiŋə se ndù fu se wàmnè sê ghɨ, pîza ghɨə poməghe ə kwiynsə̂ nə kə è ndu.

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

Ətefɨ̂aʼ 22:4

Mə tə nyàplè è ghɨ pomə ghɛ ə ghe tè chùmtə ndom vɨ̀yn ə ndə̀mə̀ ndûə kə ekwu. Mə tə ko zənə è ndômnèghè ndə̂mə̀ ghənə ə ndɛ ə̀chaʼ.

Ətefɨ̂aʼ 24:21

Ə̀ tsɛ̂ kə va ghɛ zɨ̀nə̀ èmɔ̀ʼ m tè tɔŋte fɨsê kə m tè tyəm ashi ə se saʼa: ghàyn saʼa mi ndâyn kûmə̀ nə m pomə̂ nə ghɨə tə fɨnə zômə̀.”

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ətefɨ̂aʼ 7:51

Shìtifɨ̀yn ə wàmnə̀ nyi ə pìə nə, “Ghàyn tɛ è tuve. Ghàyn ə fɨ̀yntè tûŋneve sê kyə̀ Fèzhə̀, ə tɛsə̂ ə̀təm ghaynghe. Ghàyn nyì kepî èghɨ kə pɨ̀a ghayn ghəshiə. Ghàyn ə faŋ sè kwiynsə̂ kə nə ghàyn vayn kàʼa zɨte ghɛ zɛ ə Zuʼse Ŋwaʼase pîə.

Ətefɨ̂aʼ 9:2

ə pìə sê vəyn nə è fo ŋwàʼlè ə zhi ndu tyəyn se ghɨ ghaʼâ ə səndɛ sə atsɨ̀ynte sə ghɨ Njûsghè ə Ndàmaskùs ə zhi kyite chùmtè sə Njisə̀sè nâʼà sèkɨ̂m ə zhi kɛse pəyn è səynse ə Njèlusalɛ̀m, kɨ̀sə ə̀ nyi pî ə̀ ndômnè, kɨ̀sə ə̀ nyi pi ə̀ zəyn.

Ŋwàʼlè ə̀ Pɔ̂l sê ghɨə Lûmghè 11:7

Zɨnə mə tyə̂nə̀ nə ghɛ? Ghɨ ə Isìlâyghè tè pâʼà paynsê kyî fɨa kɛ ə ghənə tè kyiŋə se kyî. Ghɨ ghɛ ə Zhə̀fè tè chitê, ə tə kyî fɨa kɛ ə ghənə tè kyiŋə, pîza ghəmɔ̀ʼɔ ghɛ ə tè tàʼa chitê ə tɛsə̂ ə̀təm ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 9:18

E za tyə̀nə̀ nə Zhə̀fè nyîə kosə̂ èsəyn nâʼàpî se ndè kə Fe chitê se kose esəyn sê vəyn. Fɨnə nə̂ nə tɛ atu zə nyi sê wùə kè kə Vəyn Zhə̀fè kɔ̀ŋɔ.

1 Kɔlìŋ 16:9

Zhəm achûŋkè nyiə nyi se mi fâyn kə m nəyn fɨ̂aʼkè, nâʼàpî kə ghɨ nô mi, tsɨ̂ə kə nyî.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

Ipilù 3:13

Ghàyn e pɨlə tsâmtə̀ sèngɨŋ saynse tuʼmè m̀kɨ̂m kè kə ghàs pa zɨə ‘Ndâyn’ è wâmnə̀ sê ghàs kè kə ə nyâʼ ə ŋwàʼlè ə̀ Fèzhə̀, kə ndɔ̀ʼɔ pi tə lɛsê wùə sê ghàyn, ə ghàyn ə tɛ e tuke.

2 Pità 2:12

Pîza tyə̀ynsè sə akaŋ nə sɨ̂nə̀ mə tsɨnə̀ nə̂ kə nâʼàpî èghɛ èkè zɛ ə ghənə kyiŋə kə senyam sə mbvɨynse mə se nyi se ko zhwitə kə ndò; ghənə sôylə̀ ə̀ghɨ ezhoghɛ ə ghɨ ətəynghe pî ghɛze ghənə e zɨə kêva. Zhə̀fè tə pofsə̂ ghənə kə senyam sə mbvɨynse,

2 Pità 2:2

Ə ghɨə tsɨəghe ə chûmtə̀ èzaʼlê ə ghənə̂ ze nyələze, kûmə̀ zɨnə mə, ə ghɨə mɔ̀ʼɔghe ə wâmnə̀ èwâmnè epize kûmə̀ Èndom ə Səmɔʼve.

Njût 1:10

Pîza ghɨ ghɨynə sòylə̀ naʼapi èghɛ èkè zɛ ə ə ghənə zɨə ke va. Ghənə nə̂ nâʼàpî èghɛ èkè zɛ ə wiyn ə ghənə̂vè kyiŋə kə se nyam sə mbvɨynse, ə̀ nyi ə̀ghɛ nə ghɨnə mə ə ghe pə̂ è pofsêzè sê ghənə.