Ətefɨ̂aʼ 19:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pɔ̂l ə ndùə ə ndɛ àtsɨ̂ynte, ə njìə sènjɔŋ seta wamnə̀ nâʼà è kyə̀ ètɛ yî ghə̀ ghɨ təynghe, kyiə èkâtè əghɛ yî ghə̀ ghənə mɔ̂msə̀ se tsa paynsê se ghənə kûmə̀ èfɔ̂yn ə Fezhə̀vè.

Ətefɨ̂aʼ 19:8 ပူးပေါင်းရင်းမြစ်များ

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Ətefɨ̂aʼ 13:14

Ghənə ə ndò ə Pengà ə kɔʼɔ ndûə ə endaʼ Antyòk zɛ ə è tè nyi endaʼ èghaʼâ ə Pìsindyà. Tuʼ endaʼ ə ghɨ Njûsvè ə pə̀, ghənə ndùə njiə ə ndɛ̂ atsɨ̀ynte ə tso tsɨsə ə chi.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 17:17

È və kyîə èkâtè əghɛze ə ndɛ̂ atsɨ̀ynte yî ghə̀ ghɨ Njûsə̀, è ghɨ Nglêk ghɛ ə tè fànə Zhə̀fè, è kɨsè ə telùʼ tezhɔynte tuʼmè m̀kɨ̂m yî ghə̀ ghɨ ghɛ ə è tè pə kwəynə̂ yî ghə̀ ghənə fu.

Ətefɨ̂aʼ 18:19

Ghənə ə kwiə ndûə tânə̀ endaʼ ə Ɛfesùszè, Pɔ̂l ə za Plìsilà yî Àkwilà ə ndùə ə ndɛ̂ atsɨ̀ynte ə kyîə ekâtè əghɛ yî ghə̀ ghɨ Njûsə̀.

Ətefɨ̂aʼ 18:26

È və zhə̀tə̀ se wàmnè è təm ə tɛ ə ndɛ àtsɨ̂ynte. Ə pə̀ kə Pliskà yî Àkwilà zɨ zaʼlê ə vəynze, ə njìə vəyn yîghə̀ ghənə ə kwɨlə̂, ə fɛtə̂ tsâ tèndom tə Fezhə̀tè sê vəyn.

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 19:10

Zɨnə mə ə ndùə èshike sə sepìŋ sèpɛ̀, kə ghɨghe əkɨ̂m ghɛ ə tè ndamə apàs endaʼa Esiyàkè, è ghɨ ə Njûsghè, è tumve ə zɨə èghɛ ə Pɛ̂pɛze.

Ətefɨ̂aʼ 19:7

Ndômnè ətəynghe əkɨ̂m tè tsɨ̂ynte nyi èghɨm njòse pɛ̀.

Ətefɨ̂aʼ 19:9

Pîza ghɨə mɔ̀ʼɔ tè nyîə tɛ ètuke kɔ̂ŋɔ̀ va se zɨtê, pa piə ə̀ghɛ pighe ə ghɨ ghə shi ə̀kɨ̂m kûmə̀ Pɛ̂pɛ. Pɔ̂l ə ke zà ə ghənə, ə ndò paʼsə̂ kə è ghɨ epoməghe ətəyn, sè kyîə èkatè əghɛze tuʼmè m̀kɨ̂m ə ndɛ asəyle zɛ ə tè zaʼlə ətəyn ə Tìlanùs.

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.