Ətefɨ̂aʼ 19:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Pîza ə pə̀ kə ghənə fe ke nə è vachi wùə Njûs, ghənə əkɨ̂m e pɨa pîə kə èghɛ èmɔ̀ʼ se zaʼâ sechwìə sèpɛ̀ nə, “Atemìs vɛ ə ghâsènì kɔʼsə ə Ɛfesùs nyîə ngaŋtə tsɛ̂ nâʼà m̀zhə̀ m̀kɨ̂m!”

Ətefɨ̂aʼ 19:34 ပူးပေါင်းရင်းမြစ်များ

Matyò 6:7

Ə ghàyn tsə̂mə̀, kə ghàyn ə piə tsɛsə ghɛghe se tsɨ̀ mə ghe kiva tɔfe, kə ghɨ ghɛ ə keva Zhə̀fè tsə̀mə̀. Ghənə zàŋsə̀ kwâʼtə̀ nə Zhə̀fè nə̀ zɨə ghənə kûmə̀ kə ghənə tsə̂mə̀ tyafsə̀.

Ətefɨ̂aʼ 16:20

Ghənə ə pə̀ è Pɔ̂l yî Silàs ə ghɨ ghɛ ə tè saʼa Lûm əshi ə pìə nə, “Ə̀ ghɨnə nyi ə ghɨə Njûsə̀, pîza ghənə ə pə̀yn fayn səʼə̀ sendɨ̀m.

Ətefɨ̂aʼ 19:24

Wùə vîvè tè nyì fu, tsɨə èfɨa è asò, zə vəynze e nyi Ndèmitiyùs, è və tsɨə èfɨ̂aʼsè ə ndɛ ètsə̀mə ə̀ Atemìs, ekyi ə Fezhə̀ fife. Fɨ̂aʼ nə zɨ̂nə̀ tè fo ekɛ sê ghɨə fɨaʼa ə vəynghe, ve tsɨ̀ə kə nyi.

Ətefɨ̂aʼ 19:26

Ghàyn ə zɨ ə fɨnə fe èghɛ zɛ ə Pɔ̂l vɨnə nə̂ sə ghàyn ə sengɨŋ. È və ə nə̀yn ghɨ e tsɨə ə Ɛfesùs è Esiyà èkɨ̂m ghe pomə nə zhə̀ mɛ ə ghɨ fɛte va nâʼà m̀zhə̀ mîmè.

Ətefɨ̂aʼ 19:28

Ə pə̀ kə nɔ̂ynkè zɨ ghɛ ghɨ̀yn, ə nyɔʼsə̀ ètɔŋ ə zhə̀tə̀ se puʼ m̀pɔ̂ŋ piə nə, “Zə eghaʼazè nyì sê Atemìs vɛ è ngaŋtə tsɛ̂ zhə̀mè m̀kɨ̂m ə Ɛfesùs!”

Ətefɨ̂aʼ 19:33

Ghɨ yîghe ə kwùŋsə̀ kə nə ə̀ nəyn Àlɛ̀ksandà kə ghɨə Njûsə̀ tè nəyn nə è ndu əshi. Àlɛ̀ksandà ə ndwisə̀ àgho se nə̀yn nə ghɨ kɨme ə zhə̀tə̀ se wàmnè se tyə̀yn nə ə̀ pâʼà nə̀yn chi zhi.

Ətefɨ̂aʼ 19:35

Epàm ətəyn, wùə vɛ ə è tè nyàʼa ghɛ fɨnə tɔ̂ʼnə̀ è tɔ̂ŋ nə zɛ ə nə̀, ghɨghe ə kɨmə̂ mɔŋ, è və ke pì sê ghənə nə, “Ghɨghe əkɨ̂m nyîə ke nə ghàyn ghɨ Ɛfesùsə̀ kyi sə̂ tɔ̂ʼnə̀ è ndɛ ètsə̀mə ə̀ Atemìs, fɨnə tɔ̂ʼnə̀ è chi zɛ ə ghâsènì kɔʼsə zâ, mə ze tè ndò ekwùtwəyn ə tânə̀ ə chi.

Ŋwàʼlè ə̀ Pɔ̂l sê ghɨə Lûmghè 2:22

Ghàyn zaʼlə nə kə wùə nyiŋə è zhwîə wùə kɨ̀sə yî ndom ə̀ wùə, nâʼà ghàyn e nyîŋə̀ mə ə̀ ngaŋ ə? Ghàyn pìə nə kə ghɨ kɔʼse fɨ̂aʼsèvè pîza ghàyn ghɛ chɔŋə mndɛtə̀ mɛ ə naŋsə ghɛghe ətəyn se zhə̀mə èndaʼmè ə?

Etyə̂yn ə paynsêzè 13:4

Ghɨghe əkɨ̂m e ngɨmnə̂ ndlangɔ̀yn ə̀təyn kûmə̀ nə è tè nyi mə è zə fo tyaʼke sê nyàm èpamə ə̀təyn, ngɨmnə̂ kəpi nyàm èpamə ə̀təyn pîə nə̀, “Ə̀ nyi nâʼà ndè kə nyàm epamə zɨnə? Ə̀ kàʼa ə̀ no nde zə̂yn zə?”