Ətefɨ̂aʼ 19:2 - Ŋwàʼlè ə̀ Fèzhə̀ Mkâyn Mə̂ Fèm

² ə pfɨfə sê ghənə nə, “Ghàyn ə tə fisê, Zuʼse Ŋwaʼase kə ghàyn tè pə̀yn sə əghɨ̀ epoməghe ə?” Ghənə pə̀ynsə̀ nə, “Ghàs pâʼà tyəmə zɨə pîə èghɛ kûmə̀ Sèzuʼ se Ŋwaʼase.”

Ətefɨ̂aʼ 19:2 ပူးပေါင်းရင်းမြစ်များ

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 10:44

Kə Pità tè pa wâmnə̀, Zuʼse Ŋwaʼase ə tso pə ə nâʼà pî ndè ətu vɛ ə è tè zɨtə wâmnè ə vəyn.

Ətefɨ̂aʼ 19:5

Ə pə̀ kə ghənə zɨ zɨnə mə, ə fo m̀mo sê ghənə ezə ə Pɛ̂pɛ Njisə̀szè.

Ətefɨ̂aʼ 2:17

‹Ə̀ zɨnə nyi eghɛ zɛ ə M tə nə̂ ə mtuʼ mə èkwùŋsə̂m. M tə fo Sèzuʼ se Ŋwaʼa Sɨmse sê ghɨghe əkɨ̂m, ə ghɔyn ghayn ghe ndômnə̀ è ghe zənə ə tsâ ə̀ghɛ ghɛ ə ghe tə kyanə̀ tsɔ̀fə kə shîŋə̀ ətəynke kwəyn. Kwuŋ taynte tə fe ə̀ghɛ ə te laynəlaynə, mə ghe ndo sê Mi, ə tsəmse ə kyîə ə̀ ndumne ghaynghe.

Ŋwàʼlè ə̀ Pɔ̂l sê ghɨə Lûmghè 1:11

M tsə̂mə̀ nyiəmə kûmə̀ nə m nyîə kɔŋə̀ nâʼà àchûŋ se pə̂ mòtè ə ghàyn, kə m kaʼa m tsamte ghàyn è pɔsê zɛ ə Zuʼse Ŋwaʼase nyiə fo sê mi.

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?