Ətefɨ̂aʼ 18:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Klispùs vɛ ə è tè nyi atu sê ndɛ àtsɨ̂ynte nə zɨnə̀ ə pomə̂ sê Zhə̀fè, paʼsə̂ kə è sas ə ndɛ vəynze kɨ̂m. Ghɨə tsɨə mɔ̀ʼɔghe endaʼa Kolìnzè ə zɨə tom ə̀təyn, ə pomə̂, ə fo m̀mo sê ghənə.

Ətefɨ̂aʼ 18:8 ပူးပေါင်းရင်းမြစ်များ

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Ŋwàʼlè ə̀ Mâk 5:22

Kè nyî, wùə èchisə vîvè ə ndɛ atsɨ̀ynte, zə ə vəynze e nyi Njalùs ə pə̀. Kè kə è fe pə̂yn Njisə̀s nyi ə pfɨ ə və shi.

Ŋwàʼlè ə̀ Mâk 5:35

Kə Njisə̀s pa wàmnə̀ ghɨ yîghe ə ndò pə̂ ə Njalùs ə ndɛ ə pìə se vəyn nə, “Vayn vɛ və kwu ò fɨnə fo ngəʼ ə̀ ghè sê Tyə̀ynsè ə?”

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 11:14

Shɨ̂ŋə̀ kɛ ə è pə̀yn ə è tsayn tom sê ghàyn, ə tom ə̀təyn nəyn ə Zhə̀fè sɔza ghàyn, è sas ə ndɛ zɛze.’

Ətefɨ̂aʼ 13:15

Ghənə ə zɨ kə tɔŋɔ ghɛ andiŋ ə ŋwàʼlè Èsaʼ ə Mosîskè, è ŋwàʼlè sə sèfɨ̀aʼtè. Kə ghənə tɔŋɔ mɨsè, ghɨ ghɛ ə ghe chisə ghɛ ə ndɛ̂ atsɨ̀ynte ə tomə tom sê Pɔ̂l è Pànapàs pîə nə, “Ghɔnyîə, ə ghàyn kyi ghɛze se pì kə ze fo təm ətɛ sê ghɨ ghɨ̀yn, ghàyn ə piə.”

Ətefɨ̂aʼ 16:34

Wùə nə vɛ ə njiə Pɔ̂l yî Silàs ə ndùə è ghənə ə vəyn ə ndɛ ə fo efɨazhiəve, ghənə ə zhiə. È ve saŋnə nâʼà àchûŋ yî ghə̀ sas ə ndɛ vəynze kûmə̀ nə ghənə ə pomə sê Zhə̀fè.

Ətefɨ̂aʼ 18:1

Ə pə̀ kə zɨnə mə tsɛ̂ Pɔ̂l ə ndò ə Atèn ə ndùə ə Kolìn.

Ətefɨ̂aʼ 18:17

Ghɨ ətəynghe ə kyîə Sòstinìs vɛ ə è tè nyi tuke ə ndɛ̂ atsɨ̀ynte ə̀ ghɨ Njûsə̀ ə pusə vəyn ashi elùʼ ə saʼke. Pîza zɨnə mə ə tàʼa fɨmsə̂ Ngalyò nâʼà se chi.

Ətefɨ̂aʼ 19:1

Ə̀ tè nyi kə Àpolòs nyi endaʼ ə Kolìnzè, Pɔ̂l ə kwìə tɔynə̂ apàs endaʼ nə kɛ ə ndùə ə Ɛfesùs, ə fe ə̀ ghɨə pomə əmɔ̀ʼɔ̂ fumə,

Ətefɨ̂aʼ 8:12

Pîza, ə pə̀ kə ghənə pomə sê Filìp kûmə̀ tom èchùŋ efɔ̂yn ə Fezhə̀vè, è kɨsè kûmə̀ Njisə̀s Klâys, ə fo m̀mo sê ghənə, sê ndômnèghè è zəynghe.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 6:11

Ghàs ə wàmnè sê ghàyn ə ghɨə Kolìŋə̀ kè ə ndayn, pa kɔ̂ŋɔ̀ kə ndò ghàyn nâʼà sə ŋaŋ.

2 Timotì 4:20

Èlasɨtùs ə tə faŋ ə endaʼ Kolìŋzè. Mə zà Tilofimùs ə endaʼ ə Miletùszè kûmə̀ nə è tè zafə ndô.