Ətefɨ̂aʼ 18:7 - Ŋwàʼlè ə̀ Fèzhə̀ Mkâyn Mə̂ Fèm

⁷ È və ke zà ə ghənə ə ndùə ndamə ə wùə vîvè ə ndɛ mə ə tè vachi wùə Njûs zə vəynze nyi Taytùs Njustùs, mə ə̀ nyi wùə ngɨmnə̂ Fèzhə̀, ndɛ ə̀ vəyn è kwuʼ nyi paʼsê ke etipìə ndɛ àtsɨ̂ynte.

Ətefɨ̂aʼ 18:7 ပူးပေါင်းရင်းမြစ်များ

Njɔyn 9:31

Ghâsènì nyîə ke nə Zhə̀fè zɨtə̂ va tsə̂m ə ghɨ̀ə epighe, pîza È zɨtə̂ kə è tsə̂m əghɨ̀ ghɛ ə fo kɔʼsêzè sê Vəyn nə̂ èghɛ zɛ ə È kyiŋə.

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 13:42

Ə̀ tè se nyi kə Pɔ̂l yî Pànapàs sè fɨə se ndò ə ndɛ̂ atsɨ̀ynte nə zɛ, ghɨghə tsà nə ghənə tə kɛse pəyn etuʼ endaʼ e pəve ə tsayn kwəynsê ə̀ghɛ kûmə̀ ə̀ghɛ ghɛ ə ghənə tsâyn za.

Ətefɨ̂aʼ 13:43

Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Ətefɨ̂aʼ 17:4

Ghɨ Njûs yîghe ə zɨə ə pomə ə̀ghɛ ghɛ ə è tè pìə ə tsɨ̀yntə̀ ə Pɔ̂l ànɔ̂yn yî Silàs. Nâʼà ànɔ̂yn ə ghɨ endaʼ ə Nglêk kyîke ə ke tè ngɨmnə Zhə̀fè paʼsə̂ è zəyn e tɛ yîghe ə pɔŋɔ tsɨ̀yntə̀.

Kòlosè 4:11

Njoshwà vɛ ə tɔŋtə kəpi nə Njustùs, pi nə m tɔŋte sê ghàyn. Ghɨ̂nə̀ ə̀ ta nyeʼe nyi ke ə̀ghɨ Njûs epomə̂ ghɛ ə ghasè ghə̀ ghənə fɨaʼà ə Zhə̀fè efɔ̀yn, ghənə e lotê nyi mə ə nə̀yn kàyntè ètsàmtè se mi.