Ətefɨ̂aʼ 18:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

Ətefɨ̂aʼ 18:6 ပူးပေါင်းရင်းမြစ်များ

Matyò 10:14

Mə faŋ pî ndɛ èkè kɨ̀sə tɔ̂ŋ se fiə ndzɨsə ghàyn, gha zà eluʼ ətəynve ə puʼə tsɨsə̀ àpɨ̂l elùʼ ətəynke ə ghànə ghòl se chwìtè nə Zhə̀fè pâʼà fi ndzɨsê ghənə.

Matyò 21:41

Ghənə ə pìə sê vəyn nə, ə ze kyâyn nyî ə pɛ̀ àfùʼ ə̀təyn zhwite ghɨ piə nə ghɨ̂yn ə è fo fɨsê afûʼ ətəynke sê ghɨ ndôghè, ə ghənə ə fə̂, fo və vəynve nə efɨa ashìŋə̀ ə kwiəke.

Matyò 21:43

Njisə̀s ə kwəynsə̂ nə, “Ə tə fiə tsɨsə̀ eluʼ vayn sê ghàyn ghɛ ə ghàyn saʼa fɔ̂yn ə Fezhə̀vè ə fo sê ghɨ ghɛ ə ghe nyi chichi.”

Matyò 22:10

Ghɨ fɨaʼa nə ghɛ ə fɨə ndùə efàf ə zùŋtə̀ nâʼà ə̀ghɨ ə̀kɨ̂m ghɛ ə ghənə tè fe, ə ghe chûŋə̀ è ghe piə, se zaʼâ kə ndɛ ə̀ malə̂ ə̀təyn lwiyn.

Matyò 27:25

Nɔ̂yn ətəynke akɨ̂m ə pə̀ynsə̀ nə, “Za, əngəʼ èkwu ə vəyn pfɨ ə ghàs ə tu è kɨsè ə ghɔyn ghasghe ətu!”

Matyò 8:11

M piə sê ghàyn nə ghɨ etsɨəghe tə fɨə mə ghe ndo kê əte tàŋ tèkɨ̂m ə mbi, ə pəyn tsɨsə̂ elùʼ azhi elùʼ efɔ̀yn ə Fezhə̀vè yighə̀ Aplàghâm, è Azɨ̀k, è Njàkɔ̂p.

Tom èchùŋ kè kə Lûk tè nyaʼ 22:65

Ghənə tè pi kepî ghɛ ə tsɨə əmɔʼɔ sè vəyn, ghe zafə kə nyi.

Tom èchùŋ kè kə Lûk tè nyaʼ 9:5

Ə ghàyn ndù naʼapi ghayn, ghɨə ətəynghe ə tàʼa fiə ghàyn, ghà piə ndô ndò, ghà puʼə sètsɨm saynse sê ghənə kə ghənə ke nə ghənə nə̀yn shwîə.”

Ətefɨ̂aʼ 13:51

Ə pə̀ kə ghənə nyi se ndò, ghənə ə puʼə tsɨ̂sə̀ àpɨ̂l ə ghənə əghòl se tyə̀yn nə yighə̀ ghənə ə mì ə ndò ndùə endaʼa Ìkonyùmzè.

Ətefɨ̂aʼ 26:11

Mə tə pɔynsê ghənə sə teshìŋə̀ te tsɨəte ə sendɛ sə atsɨ̀yntese, ə mɔ̀msə̀ se nə̀yn nə ghənə pi ghɛ ə pighe kûmə̀ Njisə̀s. M tè nyîə nyɔʼsə̀ ètɔŋ se ghənə nâʼà sə ŋaŋ, fɨə ndûə pîə ə tèndâʼà tə atumte se tsɨfsè ə ghənə.”

Ətefɨ̂aʼ 26:20

Se ndò famə, mə nyaʼâ se ndàʼà ə tom èchùŋ, se zhə̀tè endaʼ ə Ndàmaskùsè se nduə fɨ ə Njèlusalɛ̀m, ə fɨnə kəmnə̀ ndûə apàs endaʼ ə Isìlâykè akɨ̂m è pâs endaʼ ə ghɨ̀ gha ə̀ tè vachi ə̀ghɨ ə Njûsghè nâʼà àkɨ̂m.

Ətefɨ̂aʼ 28:28

Pɔ̂l tè wàmne ə piə è mɨ̂sə̀ ndò ə piə nə, “Ghàyn e ke nə, tom èsɔza zɛ ə Zhə̀fè tom, È və tom zə̂ynzè zôyn se ghɨ etumə, mə ghənə nə̀ zɨtə̂ zə̂ynzè.

Ŋwàʼlè ə̀ Pɔ̂l sê ghɨə Lûmghè 3:29

Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè.

1 Timotì 5:22

Kə ò tə nəyn nə wùə ə nyi àtu mə ò ndəm əgho ə vəyn atu mə ò paʼà njì shîŋə̀kè se mɔ̀mə fe vəyn. Ə o nə̀yn nyiə mə, ə zə nyi kəpiə ò nə̀ ndò ghɛ əpi ghɛ ə è nə̀. Kə ò nə pfɨ ə pi.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.

1 Pità 4:4

Zôyn, ghɨ ghɛ ə ghe ke va Zhə̀fè nyi è kaynze nə ghàyn fɨyn va əmɔʼ sə ndamə kə senyam sə mbvɨyn sɛ ə vayn kàʼa chise. Zɨnə mə ə nə̀yn, ghənə ghɛ ə kɛse sè sôylə̀ ghàyn.