Ətefɨ̂aʼ 18:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 18:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:50

M kyi se kyiə mtsəfle sə shi. Ghɛ ətəynze e fo ngəʼ sê mi nâʼà sə ŋaŋ, m tsə̂mə̀ nə m̀ pə̀yn tsɛ!

Tom èchùŋ kè kə Lûk tè nyaʼ 16:28

ə è ndù təfte ə̀ ghɔnyì ghɨmə kûmə̀ eghɛ zɨ̂yn, kə ghənə tə pɔŋɔ nji ə ngəʼ nə̂ zɨ̂yn. Ghənə pa nyi etwɔ, ə̀ tayn.’

Njɔyn 1:41

Kè sə ashìŋə̀, è və kyiŋə ànyì ə̀ vəyn ə pìə sê vəyn nə, “Ghàs ə fe sɔ̀zà mə za nyi vɛ ə nyi mə ə chɔʼ.’” (Mə za nyi Klâys)

Njɔyn 10:24

Ghɨ Njûs yîghe ə pə̀ zùŋtə̀ ə Və ə ngwùŋ ə pfɨfə sê vəyn nə, “Tsàyn sê ghàs nə Ò ndə̀mə̀ tânə̀ zàyn ghàs nə ə kwaʼtə̀ kə ndò kê va səmɔʼ ə? Lote tsàyn sè ghàs səmɔʼ nə ə̀ nyi ghô vɛ ə chɔʼ ndə̂m ə?”

Njɔyn 15:27

Ghàyn nə̀ nə̂ ə pɔŋɔ wàmnə̀ kə səmɔʼ sê ghɨ kûmə̀ mi kûmə̀ nə ghàyn tè nyi ghâsènì, ə zhə̀te.”

Njɔyn 3:28

Nâʼà ghàyn è ngɨŋ saynse nyi se tsɛ̀ èsaʼ sɨmse kə m tè pi nə, Ə̀ vachi mi vɛ ə chɔʼ ndə̂m. Zhə̀fè tom mi əshi se pɨaʼtê əghɨ kûmə̀ è pə̂yn ə vɛ ə kɨmne ndə̂m.

Ətefɨ̂aʼ 10:42

È və fo sə alàŋ nə ghàs tsayn tom èchùŋ nə zɨ̂yn se tyə̀n səmɔʼ nə È nyi ke nâʼà wùə vɛ ə Zhə̀fè chɔʼ ndə̂m nə È və saʼa ə̀ghɨ ghɛ ə pa ndamə è ghɛ nyi mə kwutê.

Ətefɨ̂aʼ 15:22

Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ətefɨ̂aʼ 16:12

Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 16:9

Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 17:3

È tè tsâ paynsə̂ ə̀ghɛ, tyə̂nə̀ əndayn, piə nə, vɛ ə kɨmne ndə̂m nyîə kyi se fe ngəʼ, se kwu se fɨnə zòmə̀, “Njisə̀s vɨ̂yn ə m wâmnə̀ sê ghàyn kûmə̀ vəyn, ə nyi vəyn vɛ ə chɔʼ ndə̂m.”

Ətefɨ̂aʼ 18:28

Tɔynə̂ èsaʼnê eghaʼâ zɛ ə Àpolòs tè kyi, è tè saʼnə̂ zhiə kə ndò ghɨə Njûsə̀ əfètə̂ ànɔ̀yn esaʼnəke mə è tyə̀ paynsə̂ ə ndayn nə Njisə̀s nyi vɛ ə chɔʼ ndə̂m.

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 20:23

M ke ke nə nâʼà pî endaʼ èkè, Zuʼse Ŋwaʼase nyi mə sə fo fɨ̀as se mi nə ndɛ ə̀ chaʼ è tsôstè lɨmtə̂ mi.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 4:20

Ghàs vayn kàʼa kɨmte cho ghasghe sə̂ pîə kə èghɛ zɛ ə ghàs fe ə fɨnə zɨə.”

Ətefɨ̂aʼ 9:22

Pîza Sɔ̂l ə pɨlə ndaʼà nduə kə tom èchùŋ ə̀ Njisə̀s eshike è tyaʼke. Ghɛ zɛ ə è tè nə̂ se tyə̀yn nə Njisə̀s nyi vɛ ə chɔʼ ndə̂m tè panə kə ndayn, zə nə̀ ghɨə Njûs ghɛ ə ghe tè ndamə ə Ndàmaskùs e fɨyn kyi va nâʼà èghɛ zhîze se pì.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.