Ətefɨ̂aʼ 18:22 - Ŋwàʼlè ə̀ Fèzhə̀ Mkâyn Mə̂ Fèm

²² Ə̀ tè nyi kə è ndù tâyn endaʼ ə Kàisalyàzè ə kɔʼɔ ndûə se tɔŋtê anɔ̂yn ə əghɨ̀ ə poməke ə Njèlusalɛ̀m, ə ndò fu ə kɛsə tso ə Antyòk,

Ətefɨ̂aʼ 18:22 ပူးပေါင်းရင်းမြစ်များ

Ətefɨ̂aʼ 8:40

Kə Zuʼse ə Pɛ̂sè njì Filìp zâ, è və pfɨ̀ŋə̀ fe kə ngɨŋ ə vəyn endaʼa Àzotùszè, ə zhə̀tə̀ kwiə kə endaʼ endaʼ ndâʼà ndùə kə tom èchùŋ, se zaʼâ kə è ndu fɨ ə tɔ̂ŋ ə̀ Kàysaliyàzè.

Ətefɨ̂aʼ 25:9

Pîza Festùs e kyiŋə se kyî ekyàʼ echûŋzè yîghə̀ ghɨə Njûsghè. Ə ke pfɨf sê Pɔ̂l nə, “Ò kyiŋə ndò se ndù ə Njèlusalɛ̀m nə ndu saʼ ghò ə mì ə shi kûmə̀ ə̀ghɛ ghɨ̀nə̀ ə piə fâyn kûmə̀ gho ə̀?”

Ətefɨ̂aʼ 25:1

Festùs tè pə̀yn njî apàs endaʼ ə Kàsalyàkè, epàmə̂ mtuʼ mta, è və ndò ndùə ə Njèlusalɛ̀m.

Ətefɨ̂aʼ 23:23

Tuə sesôkə̀ʼ e ghaʼa nə kɛ ə tɔŋnə̂ ètuə ə sesôkə̀ʼ ə vəynve e pɨ̀a ə pìə sê ghənə nə, “Ghàyn nji sokə̀ʼse ghɨ tepɛ̀, paʼsə̂ è sokə̀ʼ sə mɔ̀ʼɔ sɛ ə se nyiŋə etûə sènyàm zâ m̀ghɨm m̀sɛ̀mbɛ, è kɨ̂sè sɛ ə se nô è ghɔŋɔ zâ ghɨ tepɛ̀, ghâynghə̀ ghənə ə nyi è pɨaʼtêzè se ndù ə Kàisalyà ètuʼve ə sechwìə sè pɔləmɔ̀ʼ.

Ətefɨ̂aʼ 15:35

Pɔ̂l yî Pànapàs ə ndamtə kɔʼɔ sə fendiŋə̀ ə Antyòk. Ə Antyòk yî ghə̀ ghɨə tsɨə mɔ̀ʼɔ tè zaʼlə ə ghɨ fɨnə ndaʼà èghɛ ə Pɛ̂pɛze.

Ətefɨ̂aʼ 15:30

Ə pə̀ kə ghənə nyâʼ mɨsè ŋwàʼlè ətəyn, ghənə ə ndùə tiynsə̂ ə̀ghɨə təynghe endom, ghənə ə ndò tso ndûə ə Antyòk. Ə pə̀ kə ghənə ndû fɨ fumə, ghənə zùŋtə̀ əghɨe poməghe əkɨ̂m elùʼ emɔ̀ʼ ə fo ŋwàʼlè ə̀təyn sê ghənə.

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 15:4

Ə pə̀ kə Pɔ̂l yî Pànapàs ndù fɨ ə Njèlusalɛ̀m, ghɨ ə ndɛ ə̀ Fezhə̀ ghɛ ə ghe tè nyì fu, è ghɨətom ə Njisə̀sghè, è ghɨə chisəghe ə ndɛ ə̀ Fèzhə̀ ə fiə ndzɨsə̂ ghənə. Pɔ̂l yî Pànapàs ə tsà sê ghɨə təynghe nâʼà pî ghè vɛ ə Zhə̀fè tè nyi mə Fe nə̀yn tɔynə̂ ə ghənə.

Ətefɨ̂aʼ 14:26

Ə fɨnə ndô fu ə njiə ə ngwùʼ ə kɛsə ndûə ə Antyòk, elùʼ vɛ ə tè fo ghənə ə Zhə̀fè əgho nə Fe tɔ̀ʼne è ghənə, kûmə̀ èfɨaʼ zɛ ə ghənə tè nyi mə ə nə̀yn mɨ̂sè.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 11:11

Kè sə ashìŋə̀, ghɨghe ə pə̀ ə̀ ta ə ndɛ zɛ ə m tè ndamə ətəyn, mə ə tom pə̂yn endaʼ ə Kaysalyàzè nə ghənə pəyn fe mi.

Ətefɨ̂aʼ 10:24

Ə fetuʼ femɔ̀ʼɔfe mə zɛ mə tsɛ̀, ghə̀ Pità ə kwìə ndûə njiə ə Kàysalyà. Kɔ̀nilùs è ngɨŋə̂ vəyn è sas ə ndɛ vəynze, è soynsə vəyn sɛ ə è tè ndàmne tè nyîə lɨmtə̂ ghə̀ Pità.

Ətefɨ̂aʼ 10:1

Wùə Lûm vîvè tè nyi ə endaʼ ə Kàysalyàzè, zə vəynze e nyi Kɔ̀nilùs. È tè nyi atu sê nɔ̂yn ə sesokə̀ʼ ke ewə̀, mə ə tɔŋtə̂ nə, “Nɔ̂yn ə se sokə̀ʼke wəve mə nyi kə Italìkè.”