Ətefɨ̂aʼ 18:13 - Ŋwàʼlè ə̀ Fèzhə̀ Mkâyn Mə̂ Fèm

¹³ ə pìə nə, “Wùə vɨ̀nə nə̀ nə ghɨghe ə ngɨmnə̂ Fèzhə̀ endom vîve, saʼ zasze e pomə̂ va.”

Ətefɨ̂aʼ 18:13 ပူးပေါင်းရင်းမြစ်များ

Njɔyn 19:7

Ghɨ Njûsghè ə fɨnə pîə kwəynsə̂ kə nə, “Ghàs kyi esaʼ ze tyə̂nə̀ nə è kyi se kwu kûmə̀ nə è ndə̀mə̀ nə È nyi Va Fèzhə̀.”

Ətefɨ̂aʼ 18:15

Pîza kə ə̀ se nyi nə ghàyn saʼnə̂ kûmə̀ èzaʼlê zhîze kɨ̀sə ghàyn saʼnə̂ kûmə̀ kə ə̀zə ə ghɨ kɨ̀sə ə̀ nyi èghɛ zhîze əfètəyn èsaʼ zaynze, ə̂ kyi ke ghàyn se fɛtê. M vayn kàʼa m tyəm sə̂ saʼa tèkyì tə ghɛte nyi.”

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 21:28

sè pɨa piə nə, “Ghɨə Isìlâyghè, ghàyn tsamte ghàs! Ə̀ vɨ̂nə nyi wùə vɛ ə è tè kwiə zaʼlə̂ ə̀ghɛ epi ghɛ kûmə̀ ə̀ghɨə Isìlâyghè è Saʼ ə Mosîszè è kɨ̂sè ndɛ̂ ètsə̀mə zɨ̂yn. Nâʼà pi zôyn, è və fɨyn nji ghɨatumə ə njiə è ghənə ə ndɛ̂ ètsə̀mə, pofsə̂ tèluʼ, nə̂ nə kə ə tə nyi è zoze.”

Ətefɨ̂aʼ 25:8

Pîza Pɔ̂l ə pìə nə ghɛ ghɛ ə ghənə pîə ə zhì ə tu nâʼà ə̀kɨ̂m nyi akaŋ. È və pì nə, “M pâʼà nə̀yn pofsê ghɛ zhîze se kyim esaʼ ə ghɨ̀ ə Njûszè, pi se kyim esaʼ ə ndɛ ètsə̀məze, pi zə Kasàzè ə Lûm.”

Ətefɨ̂aʼ 6:13

Kə ndû za, ə njìə ghɨə mɔ̀ʼɔ nə ghe nji pə̀yn wam àkaŋ ə̂ Shìtifɨ̀yn ətu. Ghənə njiə pə̂ ə pìə nə, “Wùə vɨ̀nə faŋə tsɛ̂ va sə̂ wàmnə̀ ə̀ghɛ ə piə kûmə̀ ndɛ̂ ètsə̀mə zɛ ə è nyi èŋwaʼze, è kɨsè elwɔ̂ŋ vɛ ə Zhə̀fè tè fo sê ghâsènì.