Ətefɨ̂aʼ 17:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Njasɨ̀yn ve njì ghənə ə ndə̀mə̀ ə və ndɛ. Nâʼà ghənə əkɨ̂m kwìə kəmə tèsaʼ tə fɔ̀yn èghaʼâ ə̀ ghasènìte pîə nə fɔ̀yn ə̀mɔ̀ʼɔ̂ fɨyn nyi ndò, zə vəynze e nyi Njisə̀s.”

Ətefɨ̂aʼ 17:7 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:38

Njisə̀s yî chùmtè epàm sə vəynse e sè kwiə ndùə ə njiə ə tə̀ʼ zhizè, wùzhɔyn vîvè e nyi ətəyn, e tɔŋtə̂ nə Maltà. Njisə̀s ə njiə ə və ndɛ, è və fiə ndzɨsə kə nâʼà vəyn àchûŋ.

Tom èchùŋ kè kə Lûk tè nyaʼ 23:2

ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”

Njɔyn 19:12

Paylɛ̀t ə zɨə zâ, sè kyiŋə èndom se za Njisə̀s, pîza ghɨ Njûsə̀ ghə fɨnə pɨa pîə kə nə, “Ə ò zà wùə vɨ̂yn, è və ndò, ə nyi mə ò vachi so ə̀ Kaysà. Ə̀ pìə pi ndè nə e nyi fɔ̀yn, ə̀ nyi nə è vachi yî Kaysà.”

Ətefɨ̂aʼ 16:21

Ghənə zaʼlə̂ tetsɨsə̂ te pite mə saʼ ə ghasènìze kə əghɨ Lumə̀ ə kwiynsê nə kə ghâsènì ə ndamə zamə. Ghàs è ngɨŋ sase kə əghɨ ə Lumə̀ vayn kaʼa pomə zɛ mə vayn chùmtè ə zəynze”

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

Ətefɨ̂aʼ 17:8

Zɨnə mə ə nə̀ nə nɔ̂yn əghɨ̀kè è ghɨə saʼaghe endaʼ ə nyi əfètə̂ àfɨm.

Njə̂m 2:25

Kèpî famə endom, Zhə̀fè tè nji La-àp mə ə̀ tè nyi afɨa ə kwiəke sə wûə ə̀ chichi tɔynə̂ efɨ̀aʼ zɛ ə è tè fɨ̂aʼ. È tè fi ndzɨsê əghɨ Isìlâyghè mə ə̀ tè nyi sechə̀yn ə tyə̀ynə̀ tèndom tə ndôtè kə ghənə ndo tə ətəyn.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.