Ətefɨ̂aʼ 17:32 - Ŋwàʼlè ə̀ Fèzhə̀ Mkâyn Mə̂ Fèm

³² Ə tè nyi kə ghənə zɨ kə Pɔ̂l wàmnè ghɛze kûmə̀ èzômə̀, ghɨə mɔ̀ʼɔghe e sè chaʼa vəyn, pîza yîghe e pîə nə ghənə kɔ̀ŋɔ̀ ndò se zɨə kwəynsê ekyì ewàmnè nə zɛ mə.

Ətefɨ̂aʼ 17:32 ပူးပေါင်းရင်းမြစ်များ

Tom èchùŋ kè kə Lûk tè nyaʼ 14:18

Pîza ghənə ə ndùə zhə̀tə̀ kə fèmɔ̀ʼ femɔ̀ʼ se ndɔnə endom. Wùə ə̀shi ə piə nə, ‘Mə zhɔyn fûʼà, kyi se ndùə nayne. Ndùə chyate pɛ̂ nə kə è və nyɔʼsə̀ ètɔŋ sê mi.’

Tom èchùŋ kè kə Lûk tè nyaʼ 22:63

Ghɨ ghɛ ə ghe kyi Njisə̀s ghe sè ləʼsə̂ vəyn fɨnə pusə vəyn,

Tom èchùŋ kè kə Lûk tè nyaʼ 23:11

Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t.

Tom èchùŋ kè kə Lûk tè nyaʼ 23:36

Sokə̀ʼse e pɔŋə nyə̂ʼsə̀ kəpi vəyn, e njiə mlɨ mə m mə̂ tɛ ə ndùə fo sè vəyn

Ətefɨ̂aʼ 13:41

Fekə ‹Ghàyn ghɨnə, ə ghàyn wàmnə̀ va achûŋ kûmə̀ Fèzhə̀! Ghàyn tə pə̂ ə nyi èkaynze, ə ghàyn kwu, kûmə̀ nə ghɛ zɛ m nə̀ nə̂ fa mtuʼ, ə nyi eghɛ mə ghàyn tə pomə̂ va ə wùə tsàyn paynse pî se ghàyn.›”

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 17:33

Pɔ̂l ə ndwìə ashìŋə̀ nə kɛ ə fɨə fumə atsɨ̀ynte.

Ətefɨ̂aʼ 2:13

Pîza ghɨə mɔ̀ʼɔghe e chaʼa əghɨ ə pomə nə ghɨyn pîə nə, “Ghənə ə mɨ lɨ̀m, m̀ mɛ m̀ ko ghənə.”

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ətefɨ̂aʼ 25:19

Ghənə tè pɨlə saʼnə̂ kə ə̀ghɛ yîghə̀ Pɔ̂l kûmə̀ èndom vɛ ə ghənə kɔʼsə Zhə̀fè ətəyn, è kɨsè kûmə̀ wùə vîvè zɨə vəynze e nyi Njisə̀s mə è və tə kwu, pîza e pîə nə è nyi etwɔ.

Ətefɨ̂aʼ 26:8

Kûmə̀ ghè ə ze tɛ ghaʼa ghàyn ghɨ Njûsə̀ se pomə nə Zhə̀fè zòmsə̀ ndò ghɨ ghɛ ə ghe nyi mə ghə kwuə?

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

2 Kolìŋ 6:2

Piə Zhə̀fè ə pì nə: “Ə̀ tè nyi kə shîŋə̀kè kwəyn nə m zɨte sê ghò, mə zɨə ghò. Kə tuʼfe tè kwəyn nə ə m sɔza ghò, mə tsàmtə̀ ghô.” Ghàyn zɨte! Ə̀ zô nyi ashîŋə̀ kɛ kə Zhə̀fè zɨte sê ghàyn; Ə nda nyi ètuʼ vɛ kə Fe sɔza ghàyn ətəyn.

Ipilù 11:36

Ə tè nyə̀ʼsè yîghe, ə tsoynə ghəmɔ̀ʼɔ, kolə nâʼà yîghe è chaʼse, fɨnə ndɔmə̀ nâʼà ghə mɔʼɔghe ə ndɛ̂ chaʼ.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.