Ətefɨ̂aʼ 17:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ə Fezhə̀ fɛ ə Fe tè pom mbi è nâʼà pi àkè kɛ ə ke nyi ətəyn, nyi Pɛ̂pɛ və èkwùtwəyn è chike, mə È ndamə va m pfɨ̀ə mə ə pɛ è ghoghe.

Ətefɨ̂aʼ 17:24 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 5:34

Pîza, m tsâ sê ghàyn zôyn nə: kə wùə tə mɨ m̀kâyn. Kə ò tə mɨ m̀kâyn ezə elùʼ efɔ̀yn ekwùtwəynve kûmə̀ nə ə̀ nyi eluʼ vɛ ə Zhə̀fè kyi kyə̂ fə vəyn fe fɔ̀ynfè.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Njɔyn 1:1

Ə̀ tè nyi ə zhə̀te, tsɔ̀fə kə Zhə̀fè fɛte mbi, Kyə̀ ə̀ Fezhə̀ tè kâyne nyi ndò. Kyə̀ ə̀təyn tè nyì yî Zhə̀fè. Kyə̀ nə zɛ tè nyi Fezhə̀.

Ətefɨ̂aʼ 14:15

“Kûmə̀ ghè ə ghàyn nə̀ ghɛ zɨ̀nə? Ghàs nyi ə̀ghɨ, kèpi kə ghàyn. Ghàs pə̀ è tom èchùŋ sê ghàyn se nə̀yn nə ghàyn za zhə̀ mə àkaŋ mɨ̂yn ə kɛse pəyn sê Zhə̀ fɛ ə fe ndamə, ə̀ nyi Fèzhə̀ fɛ ə fe pom wuləke è chike, è njwî ə fengwaŋve è pî àkè kɛ ə ke nyi ətəyn.

Ətefɨ̂aʼ 4:24

Ə pə̀ kə ghɨ poməghe zɨ ghɛ təynze, ghənə ə tsɨ̀yntə̀ tsə̂mə̀. Ghənə ə tsə̂mə̀ se Zhə̀fè piə nə, “Pɛ̂pɛ, ə Ghô vɛ ə o fɛte kwutwəyn, è chike, è njwî ə fengwaŋve, è nâʼàpî àkè kɛ ə ke nyi ətəyn,

Ətefɨ̂aʼ 7:48

Pîza, Zhə̀ fɛ ə fe ngaŋtə kwəynə, ndamə va ə sendɛ mə ə̀ pɛ əghɨ kè kə Fɨ̀aʼtè pì nə Zhə̀fè pi nə,

Ŋwàʼlè ə̀ Pɔ̂l sê ghɨə Lûmghè 1:19

Zhə̀fè ə chwìtè nyɔʼsè etɔŋ ə Vəyn se ghənə kûmə̀ nə ghənə nyiə tɔʼ ke ə̀ghɛ ə̀kɨ̂m ghɛ ə ghɨə kyi sə̂ ke kûmə̀ Fèzhə̀, kə Zhə̀fè è ngɨŋə̂ vəyn nyi mə È və tyə̀yn se ghənə.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Ipilù 3:4

Ghâsènì nyîə ke nə nâʼàpî ndɛ èkè nyi mə ə̀ pɛ wùə pîza, nâʼà èfɨa èkɨ̂m e nyi mə ə̀ fɛte Fèzhə̀.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.