Ətefɨ̂aʼ 17:23 - Ŋwàʼlè ə̀ Fèzhə̀ Mkâyn Mə̂ Fèm

²³ kûmə̀ nə kè kə m fe kwìə ka fayn endaʼ, ə fe tèluʼ tɛ ə ghàyn ngɨmnə zhə̀m mâynmè ətəyn, te tsɨ̂ə kə nyi, ə fe kəpî àlaŋ efo kyîke mə ə nyàʼ ətəyn nə, ‘Kɨnə nyi sê Zhə̀ fîfe, mə wùə keva fəynfe.’ Zhə̀ nə fɨ̂nə̀ ə ghàyn ngɨmnə nyî, keva Fəynfe, nyi Fezhə̀ fɛ m wamnə̀ sê ghàyn zôyn kûmə̀ Fəynfe.

Ətefɨ̂aʼ 17:23 ပူးပေါင်းရင်းမြစ်များ

Matyò 15:9

Ghənə fe kə ngəʼ səndô, pîə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chûmtə̀ èlwɔ̂ŋ ə wùə m̀sɔ̀ŋve tsɛ̂ kə kɔʼsə lwɔ̂ŋ ə Fezhə̀vè əghɛ mə ə̀ fɛte əghɨ.›”

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 4:22

Ghàyn ghɨ Sàmalyà paynse keva wùə vɛ ə ghàyn ngɨmnə, pîza ghàs ghɨə Njûsə̀ ke ndô wùə vɛ ə ghàs chùmtə̀, kûmə̀ nə ə nyì sê ghɨə Njûsghè kə sɔzaze tè pəyn.

Njɔyn 8:54

Njisə̀s ə pə̀ynsə̀ nə, “Ə M fe kɔʼsə ngɨŋ Zɨ̂m, mə kɔʼsê ətəynze tyə̂nə̀ va ghɛ zhîze. Ə̀ nyi Pɨ̀a Vɨm kə È nə̀ nə Mə kyi èkɔʼsê, ə Vɛ ə ghàyn pìə nə ə̀ nyi Pɨ̀a vàyn.

Ətefɨ̂aʼ 17:30

Zhə̀fè ə ndə̀m nə Fe vayn kàʼa Fe fo ngəʼ sê wùə ə mtuʼ mɛ ə wùə tè keva Vəyn, pîza sè kânə̀ nâʼà pi sê ndè nâʼà pi ghayn zôyn nə è kwiyne təmə ə vəynghe piə.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 8:5

Ə ze nyi pî nə ghɛ zɛ əghɨ mɔ̀ʼɔ tɔŋtə nə ə̀ nyi mzhə̀m kɨ̀sə nyi ekwùtwəyn kɨ̀sə ə̀ nyi ə chi, (ze nyi ndô səmɔʼ nə kyì “mzhə̀m” nə mɛmə è kɨsè kyì ə “sepɛpɛ” nə sɛmə nyîə nyi.)

Ɛfesùs 2:12

Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.

2 Tèsàlonikà 2:4

Wùə èpi nə vɨ̂nə tə fɨə pə, ə è pi ghɛ ə kwunəghe kûmə̀ Fèzhə̀, è nâʼàpî ghè vɛ ə ghɨə ngɨmnə, njîə nə ə̀ nyi Fezhə̀, ə è pi nə zhi nyîə kɔʼnə̂ tsɛ̂ nâʼà ghənə əkɨ̂m. Kûmə̀ zɨnə mə ə è ndu njiə tsɨsə̂ ə ndɛ̂ Fèzhə̀ ètsə̀mə ə è və pìə nə ə̀ nyì ke nâʼà zhi Zhə̀fè.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.