Ətefɨ̂aʼ 17:2 - Ŋwàʼlè ə̀ Fèzhə̀ Mkâyn Mə̂ Fèm

² Kè kə è tè nə̂ tsɛ̂ nâʼà pi ghayn kə è ndùə, Pɔ̂l ə ndùə ə ndɛ̂ atsɨ̀ynte. Ə mtuʼ me ndaʼam̀ m̀ta, è ve kâytə̀ ə̀ghɛ yî ghə̀ ghɨ mə ghe fɨ ə ŋwàʼlè ə̀ Fèzhə̀.

Ətefɨ̂aʼ 17:2 ပူးပေါင်းရင်းမြစ်များ

Matyò 26:24

Vâ wùə nə̀ kwuə kè eghɨ kə nyi mə ə nyàʼ ə ŋwàʼlè ə̀ Fèzhə̀ pîza ngəʼ èghaʼâ nyì sê wùə vɛ ə è nə̀ pəʼlə Vâ wùə! E fe tsɔ̀fə nə ə nyi mə tè paʼà piə wùə ə̀təyn.”

Tom èchùŋ kè kə Lûk tè nyaʼ 4:16

Njisə̀s ə tə ndù ə Nazalɛ̀t, mə za nyi ə tə̀ʼ zɛ ə è tè ndəmə̂ kɔʼ ətəyn, ə ndùə njiə ə ndɛ̂ atsɨ̀ynte, ə ghənə etuʼ endaʼ vîve ke kə è tè ndamə ndùə. Ə ke ndwìə se tɔŋɔ Ŋwàʼlè ə̀ Fèzhə̀.

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.

Ətefɨ̂aʼ 13:14

Ghənə ə ndò ə Pengà ə kɔʼɔ ndûə ə endaʼ Antyòk zɛ ə è tè nyi endaʼ èghaʼâ ə Pìsindyà. Tuʼ endaʼ ə ghɨ Njûsvè ə pə̀, ghənə ndùə njiə ə ndɛ̂ atsɨ̀ynte ə tso tsɨsə ə chi.

Ətefɨ̂aʼ 13:5

Ə pə̀ kə ghənə ndû fɨ endaʼ ə Sàlamìszè ə ndàʼà tom ə̀ Fèzhə̀ ə sendɛ sə atsɨ̀ynte sə ghɨ Njûsghè. Ghənə ə njìə paʼsə̂ Njɔ̀yn Mâk kə è və tsâmtə̀ ghənə.

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:17

È və kyîə èkâtè əghɛze ə ndɛ̂ atsɨ̀ynte yî ghə̀ ghɨ Njûsə̀, è ghɨ Nglêk ghɛ ə tè fànə Zhə̀fè, è kɨsè ə telùʼ tezhɔynte tuʼmè m̀kɨ̂m yî ghə̀ ghɨ ghɛ ə è tè pə kwəynə̂ yî ghə̀ ghənə fu.

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 19:8

Pɔ̂l ə ndùə ə ndɛ àtsɨ̂ynte, ə njìə sènjɔŋ seta wamnə̀ nâʼà è kyə̀ ètɛ yî ghə̀ ghɨ təynghe, kyiə èkâtè əghɛ yî ghə̀ ghənə mɔ̂msə̀ se tsa paynsê se ghənə kûmə̀ èfɔ̂yn ə Fezhə̀vè.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 8:35

Filìp ə zhə̀tə̀ àndiŋ ə ŋwàʼlè nə kɨ̂yn ə tsà tom èchùŋ kûmə̀ Njisə̀s sê vəyn.

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

1 Kɔlìŋ 15:3

M tsɛsə̀ fo pə̂ se ghàyn ghɛ zɛ ə tè fo sê mi, mə ə̀ lote nyi kàyntè èghɛ, mə ze nyi nə Klâys tè kwu kûmə̀ sèpi sə ghasènìse kè kə nyi mə ə nyàʼ ə ŋwàʼlè ə̀ Fə̀zhə̀ nə,