Ətefɨ̂aʼ 17:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə̀ tè nyi kə Pɔ̂l tè lɨmtə̂ Silàs yî Timotì ə Atèn, è tè nyîə nyi èfɨmsêzè kə è tè fe kê nə ndaʼ ətəynze tè nyi mə ə̀ lwiyn ke èfɨaʼsè.

Ətefɨ̂aʼ 17:16 ပူးပေါင်းရင်းမြစ်များ

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Njɔyn 2:13

Ə tè se paʼsə̂ pə̂ ashìŋə̀ kɛ ə ghɨ ə Njûsə̀ tè nə̂ e zhiə è zaʼâ tsɛ zə ətəyn, Njisə̀s ə ke ndo ndù endaʼ ə Njèlusalɛ̀mzè.

Ətefɨ̂aʼ 17:15

Ghɨ ghɛ ə yighə̀ Pɔ̂l tè ndò əmɔʼ ə tɔ̀ʼnə̀ è vəyn ə ndùə tânə̀ endaʼ ə Atènzè ə zà vəyn fu ə kɛsə pə̀ ə Pelyà è tom kə Pɔ̂l tom nə Silàs yî Timotì zaŋse pəyn kote Vəyn.

Ətefɨ̂aʼ 17:21

Ə̀ tè nyi za, ghɨ ə Atènə̀ è ghɨ atum ghɛ ə tè ndamə fu, tè nyîə kɔ̀ŋɔ̀ sə̂ tsɨs shîŋə̀ tekɨ̂m, tsâ, fɨnə zɨə ə̀ghɛ ə fe ghɛ ə ghe kwûʼ kyâyn kendô.

Ətefɨ̂aʼ 17:23

kûmə̀ nə kè kə m fe kwìə ka fayn endaʼ, ə fe tèluʼ tɛ ə ghàyn ngɨmnə zhə̀m mâynmè ətəyn, te tsɨ̂ə kə nyi, ə fe kəpî àlaŋ efo kyîke mə ə nyàʼ ətəyn nə, ‘Kɨnə nyi sê Zhə̀ fîfe, mə wùə keva fəynfe.’ Zhə̀ nə fɨ̂nə̀ ə ghàyn ngɨmnə nyî, keva Fəynfe, nyi Fezhə̀ fɛ m wamnə̀ sê ghàyn zôyn kûmə̀ Fəynfe.

Ətefɨ̂aʼ 18:1

Ə pə̀ kə zɨnə mə tsɛ̂ Pɔ̂l ə ndò ə Atèn ə ndùə ə Kolìn.

Ətefɨ̂aʼ 20:22

M sè ndùə ə Njèlusalɛ̀m zôyn kûmə̀ nə Zuʼse Ŋwaʼase kyiŋə nə m ndu fu, ke va nə, ə ndùə kyânə̀ ghè sê mi fu ə.

1 Tèsàlonikà 3:1

Ə̀ tè nyi kə ghàs fe nə ghàs vayn kàʼa fɨyn kol ə̀təm sə̂ tsɨs fe va ghàyn, ghàs ə fe nə ze tsɔ̂fə̀ ndò nə ghàs faŋ sə̂ ndamə kə sə ghàs ə sengɨŋ ə Atèn.

2 Pità 2:7

È tè piə pofsə̂ sètɔ̂ŋ se ghaʼâ nə sɨ̂nə̀ mə, ə sɔ̀zâ Lôt kûmə̀ nə è tè nyi wùə èchùŋ, kyi èfɨmsê ekyì endam enyələ zɛ ə ghɨ ghɛ ə ghe tè zɨə va sê Zhə̀fè tè ndamə.