Ətefɨ̂aʼ 17:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pîza ə pə̀ kə ghɨə Njûsə̀ ə Tèsàlonikà zɨ nə Pɔ̂l ə ndàʼà tom ə̀ Fèzhə̀ ə Pelyà, ghənə ə pə̀ fu ə zhə̀tə̀ se chiyntə ə̀ghɨ nə ghənə ndwise nôzè.

Ətefɨ̂aʼ 17:13 ပူးပေါင်းရင်းမြစ်များ

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Tom èchùŋ kè kə Lûk tè nyaʼ 12:51

Ghàyn kwàʼtə̀ nə m pəyn fâ ə chi se nə̀yn nə ghɨghe ə ndamə è pɔ̂ynè ə? E va chiza. M pɨl pə̀yn è chyâsèzè.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

Ətefɨ̂aʼ 20:4

È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 21:27

Ə tè nyì kə tûʼ nə mɛ m̀sɛ̀mbɛ nyi se mì, ghɨə Njûs yîghe endaʼ ə Esiyàzè ə fe Pɔ̂l ə ndɛ̂ ètsə̀mə. Ghənə ə chiyntə̂ ànɔ̂yn nə ke ndwise ngəʼ. Nɔ̂yn ətəynke ə ndwìsə̀, ghənə ə kyîə Pɔ̂l,

Ətefɨ̂aʼ 6:12

Ghənə pìə za kè sə ashìŋə̀ ə chiyntə̂ ə̀ghɨ, è chəʼse, è tyə̀ynsè sə esaʼse, ə pə̀ kyîə Shìtifɨ̀yn ə ndùə è vəyn sê ghɨə sesaʼa.

2 Kolìŋ 11:26

Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.