Ətefɨ̂aʼ 17:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ətefɨ̂aʼ 17:11 ပူးပေါင်းရင်းမြစ်များ

Matyò 13:23

Pîza ngwàʼ zɛ ə è tè tàynte mchi mêchùŋə̀m nyi kə ghɨ ghɛ zɨə ghɛ ə Fezhə̀zè, ə zɨə kê zəynze. Kyì ə ghɨ̀ ghɨ̂yn nə̂ əghɛ əchûŋə̀ kè kə epuʼ ə sɔ̀f zɛ ə ze kɔʼ, zə mɔ̀ʼɔ ze kyi ə̀shi ewə̀ atu, zə mɔ̀ʼɔze kyi ə̀shi m̀ghɨm tufə, zə mɔ̀ʼɔze kyi m̀ghɨm ta.”

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Tom èchùŋ kè kə Lûk tè nyaʼ 11:3

Pfɨte ghàs ndâyn ə pfɨte ghàs tuʼmè m̀kɨ̂m.

Tom èchùŋ kè kə Lûk tè nyaʼ 16:29

Aplàghâm ə piə nə, ‘Za ghənə ə zɨtə̂ əghɛ ghɛ ə Mosîs yî fɨ̀aʼtè seghaʼâsè tè nyâʼ.’

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 3:21

Pîza ghɨ ghɛ ə nə̂ ghɛ ghɛ ghe nyi səmɔʼ pə̂ se payn ətəynze kə payn ətəynze chwite nə ghənə nyiə zɨə se Zhə̀fè.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ətefɨ̂aʼ 11:1

Ghɨətom ə Njisə̀sghè è ghɨə pomə əmɔ̀ʼɔ̂ ghɛ ə ghe tè nyi epɨ̀as endaʼ vekɨ̂m ə Njòndyâ, ə tə zɨ nə ghɨatumə ə pɔŋ fi ndzɨsê ghɛ ə Fezhə̀zè.

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

2 Tèsàlonikà 2:10

È tə fɨaʼà nâʼàpî endom epi èkwə̀ se lesê əghɨ ghɛ ə ghe njisə̀ ndûə. Ghənə tə njisə̀ kûmə̀ nə ghənə ə tə tə se kɔ̀ŋə səmɔʼ, kə è sɔza ghənə.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.