Ətefɨ̂aʼ 16:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 16:9 ပူးပေါင်းရင်းမြစ်များ

Ətefɨ̂aʼ 10:3

Ə tè nyi tuʼ fîfe, ə sechwìə sèta mə chwi ə pɔ, è və fe ətelaynəlayn, fumə ə telaynəlayn è və fe paynsə̂ tsì ə̀ Fèzhə̀. E zə tɔŋɔ̂ vəyn nə, “Kɔ̀nilùs.”

Ətefɨ̂aʼ 10:30

Kɔ̀nilùs ə pìə nə, “Ə̀ tsɛ̀ ke m̀tuʼ mta zôyn kə m ma tsə̂mə̀ fâ mìə ndɛ ashìŋə̀ ə sechwìə sèta èchwì, ə pfɨ̀ŋə̀ fe wùə kə è tyəm ə mì əshi mə è və màʼ ndzɨse, se fɨfə nyaynə̂ kə nyî,

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 16:12

Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 19:21

Ə tè nyi kə ghɛ nə ghɨnə kyàyn kɔʼ pə̂yn, Zuʼ se Ŋwaʼase ə nə̀, Pɔ̂l ə ndə̀mə̀ nə zhi ndùə apàs endaʼ kɛ ə tè tɔŋtə nə Màsèndonyà ə fɨnə tsɛ̂ ndùə apàs ə Àkayà ə ndùə tânə̀ ə Njèlusalɛ̀m. È və tə ndə̀m nə zhi ndamtə fu ə zhi tsɛ ndu ə Lûm.

Ətefɨ̂aʼ 19:22

È və tomə ə̀ghɨ ə̀pɛ̀ ghɛ ə ghe tè tsàmtə vəyn, mə nyi Timotì yî Èlasɨtùs, nə ghənə ndu ə Màsèndonyà sə shi, è və fɨnə ndamtə̂ kɔʼɔ ə Esiyà.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 20:1

Ə tè nyi kə ngəʼ ətəyn mi Pɔ̂l ə tɔŋɔ ə̀ghɨə pomə ə zaʼlə ghənə se nə̀yn nə təm ə ghənə̂ghè ə tɛ ə pìə nə ghənə faŋ ke àchûŋ ə ndò ndûə ə Màsèndonyà.

Ətefɨ̂aʼ 20:3

ə ndamə fu sə senjɔŋ seta. Ə tè nyi kə è pɨaʼtə̂ se ndù ə Silyà ə zɨə nə ghɨ Njûsə̀ pɨaʼtə̂ se zhwiə vəyn. È və ke chɔʼnê se kɛsə ndù endomve ə Màsèndonyà.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ətefɨ̂aʼ 9:38

Ə̀ tè tyàfə va se ndò ə Njopà se ndù ə Lindà. Ə pə̀ kə ghɨ poməghe zɨ nə Pità nyi ə Lindà, ghənə ə tomə ə̀ghɨ ə̀pɛ̀ sê vəyn è chatêzè nə “È zaŋse pəyn sê ghənə.”

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

2 Kolìŋ 11:9

Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 12:7

Pîza se nə̀yn nə kə kɔʼsə èwiyn kûmə̀ ə̀ghɛ kayntə tsɨə ghɛ ə tè tyə̀yn sê mi. Ə̀ za nyi eghɛ zɛ ə tè za zaf efofləze nə zə pəyn nji ə mì ə njà èwìyn. Zaf ətəynze tè nyi wùə èfɨaʼa ə̀ satàyn kə ə tom nə ze pəyn ə ze ə fo ngəʼ sê mi, kə ndɔ̀ʼɔ mə ghaŋsə tsɛ̂sə̀ èwiyn.

2 Kolìŋ 7:5

Ə̀ tè nyì pî kə ghàs ndù fɨ ə Màsèndonyà, ghàs tè paʼà kyî zɨ̀tèkè. Tsôstè tè nyiə nyi luʼte kɨ̂m, ghɨə mɔ̀ʼɔ ghe zɔ̂, fâynze nyi kepî ə ghàs ətəm.

2 Kolìŋ 8:1

Ghàs kyiŋə ə ghɔnyì ghasə nə ghàyn ke fùʼ kɛ ə Zhə̀fè tè tyə̀yn ə sendɛ sə Fezhə̀sè ə Màsèndonyà.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

1 Tèsàlonikà 4:10

Səmɔʼ ghàyn ə tyə̀yn kɔ̂ŋ nə zɨ̂yn sê ghɔ Fezhə̀ghè əkɨ̂m endaʼ ə Màsèndonyàzè, pîza ghàs e pa chyatə̂ kə ndò ghàyn ə ghɔnyì ghasə nə, ghàyn ə kɔ̂ŋə̀ tsɛ̂ zamə.