Ətefɨ̂aʼ 16:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 16:6 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Ətefɨ̂aʼ 10:19

Pità tè pa kwâʼtə̀ kə nə ghɛ zɛ ə zhi fə fe ə telaynəlayn fe tyə̀nə nə ghe ə, Zuʼse Ŋwaʼase ə pìə sê vəyn nə, “Zɨte ə Pità, ghɨ nyi fâyn ə̀ ta, kyiŋə ghò.

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 16:7

Ə tè nyi kə ghənə ndû tâyn ekwàŋ apàs endaʼ ə Maisyàkè, ə mɔ̀msə̀ se njiə tɔynê endomve epɨ̀as endaʼ ə Pìtinyàvè, pîza Zuʼse ə Njisə̀sè ə tàʼa zà nə ghənə nji fu.

Ətefɨ̂aʼ 18:23

Ə pə̀ kə è tsɛ̀sè shîŋə̀ kyîke fumə, è və ndò ə tsɛ̀ tɔynə̂ apàs endaʼ ə Ngàleshyàkè è Filinjyà, tsâmtə̀ se nə̀yn nə ghɨ epoməghe ə tɔ̂ʼɔ̀ tɛ ə ghənə epomə̂.

Ətefɨ̂aʼ 19:10

Zɨnə mə ə ndùə èshike sə sepìŋ sèpɛ̀, kə ghɨghe əkɨ̂m ghɛ ə tè ndamə apàs endaʼa Esiyàkè, è ghɨ ə Njûsghè, è tumve ə zɨə èghɛ ə Pɛ̂pɛze.

Ətefɨ̂aʼ 20:16

Ə̀ tè nyi za mə Pɔ̂l ə chɔʼnê se tsɛ̀ èndomve ə Ɛfesùs kûmə̀ nə è tè kɔ̀ŋɔ va se zhwi ashìŋə̀ endaʼ ə Esiyàzè. È tè lòmnə se nduə fɨ ə Njèlusalɛ̀m tsɔ̀fə kə tuʼ fə Pentikɔ̀sfè kwəyn.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 20:4

È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 21:27

Ə tè nyì kə tûʼ nə mɛ m̀sɛ̀mbɛ nyi se mì, ghɨə Njûs yîghe endaʼ ə Esiyàzè ə fe Pɔ̂l ə ndɛ̂ ètsə̀mə. Ghənə ə chiyntə̂ ànɔ̂yn nə ke ndwise ngəʼ. Nɔ̂yn ətəynke ə ndwìsə̀, ghənə ə kyîə Pɔ̂l,

Ətefɨ̂aʼ 6:9

Pîza, ghɨ yîghe ə zhə̀tə̀ èsaʼnê yî vəyn. Ghɨ nə ghɨ̂yn tè nyi əghɨ mə ghe ndo pə̂yn anɔ̀yn əghɨ̀ kɛ ə ke tè zàŋsə ndûə ə ndɛ àtsɨ̂ynte. Ə tè tɔŋtə ndɛ ə̀ təyn nə ndɛ àtsɨ̀yn əghɨ̀ ghɛ ə kɛse vachi èkɔ̂s. Ghɨ nə ghɨ̂yn tè nyi əghɨ Njûsə̀ mə ə ndo pə̂yn endaʼa ə Silênzè, è ndaʼa Àlèksandiyàzè. Ghənə è ghɨ Njûs əmɔ̀ʼɔ ghɛ ə tè ndò pə̂yn ə Sìlisyà è kɨsè Esiyà, ə zhə̀tə̀ saʼnə̂ yîghə̀ Shìtifɨ̀yn.

Ətefɨ̂aʼ 8:29

Zuʼse Ŋwaʼase ə pîə sê Filìp nə, “Nduə fɛ ə ngwùŋ ə̀ fèchaʼ ə faŋə kə fu.”

Ŋwàʼlè ə̀ Pɔ̂l sê ghɨə Lûmghè 16:5

Ghàyn tɔŋte kepî ə̀ghɨ pomə ghɛ ə ghe tsɨ̂yntə̀ ə ghənə ndɛ. Ghàyn tɔŋte Epaènetùs, ə soyn vɨ̂mve chùŋ vɛ, ə è tè nyi wùə shi se pomə̂ ə Klâys ə apàs endaʼ ə Esiyàkè.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 16:19

Ndɛsə Fezhə̀ sɛ ə se nyi apàs ə Esiyà fâyn pi nə m tɔŋte sê ghàyn. Àkwilà yî Pliskà è tsɨ̀yntə əghɨ pomə kɛ ə ke tsɨ̂yntə̀ ə ghənə ə ndɛ tɔŋtə̂ ə̀ghɨ poməghe nâʼà àchuŋ.

2 Kolìŋ 1:8

Ghàs kyiŋə se pɨ̀əytè ə ghàyn ə soyn sasse ə tetsòs tɛ ə ghàs tè kyi apàs endaʼa Esiyàkè. Kyə̀yn kɛ ə ke tè nyì ə ghàs ə tu tè ghaʼa kə nyi fɨnə tɨ̂lə̀ endom mə ghàs ə njìsè pi kwâʼtèzè sə̂ fɨnə ndamə.

Ngàleshyà 1:2

M tiynsə̂ ètɔŋtê zɨ̂nə̀ ghasè ghɔyn nyî ghɛ ghe nyi fayn sê ghàyn ghɨ pomə ghɛ ə ghe nyi ə sendɛ sə Fezhə̀sè endaʼ ə Ngàleshyàzè.

Ngàleshyà 3:1

Ngôə ghɨə Ngàleshyà vɨ̀nə! Ə lɔʼ ndô ghàyn nə? Piə ə tə fɛte tyə̀yn mɨsè se ghàyn kə ə tè paynte Njisə̀s Klâys ə awâmnè ə?

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,