Ətefɨ̂aʼ 16:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Wùə nə vɛ ə njiə Pɔ̂l yî Silàs ə ndùə è ghənə ə vəyn ə ndɛ ə fo efɨazhiəve, ghənə ə zhiə. È ve saŋnə nâʼà àchûŋ yî ghə̀ sas ə ndɛ vəynze kûmə̀ nə ghənə ə pomə sê Zhə̀fè.

Ətefɨ̂aʼ 16:34 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 19:6

È və zàŋsè tso ndùə nyi è saŋnê ə se njiə ndù è Njisə̀s ə və ndɛ.

Tom èchùŋ kè kə Lûk tè nyaʼ 5:29

Levì ə nə̀ za ə fɨnə pɨaʼtə̂ nâʼà ta èghaʼâ ə və ndɛ sê Njisə̀s. Ghɨghe ə pə̀ fu tsɨ̀ə kə nyi, paʼsə̂ è ghɨ ghɛ ə tənə tâksè, yî ghənə e sè zhiə.

Ətefɨ̂aʼ 11:14

Shɨ̂ŋə̀ kɛ ə è pə̀yn ə è tsayn tom sê ghàyn, ə tom ə̀təyn nəyn ə Zhə̀fè sɔza ghàyn, è sas ə ndɛ zɛze.’

Ətefɨ̂aʼ 16:15

Ə pə̀ kə fo môm sê vəyn è ghɨə vəyn ghe sas ə ndɛghe, è və ke ndàmnè ə ghàs ə və ndɛ. È tè piə nə, “Ghàyn pəyn pɨəyn ə mìə ndɛ, ezhoghɛ ə ghàyn nyi mə ə chɔʼnê nə m nyi wùə èpomə ə̀ Pɛ̂pɛ səmɔʼ.” È və chyatə̂ tsɛsə̀ ghàs, ghàs ə ndùə.

Ətefɨ̂aʼ 16:35

Tuʼve ə zo, ghɨ esaʼ ghe ə tiynsə̂ sèsokə̀ʼ è tom nə, “Ghàyn za ghɨ ghɛ ə ghənə ndo.”

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

Ətefɨ̂aʼ 8:39

Ə pə̀ kə ghənə kɛse fɨ kɔʼ pə̂yn mmò, Zuʼsə Pɛ̂pɛse ə pfɨ̀ŋə̀ njiə ndô è Filìp. Wùə nə vɛ ə tàʼa fɨnə fe vəyn, ə ndò sè kwɨlə̂ ndûə, saŋnə̂ nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 5:11

Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.