Ətefɨ̂aʼ 16:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Tuʼ endaʼ ə ghɨ Njûsvè ə pə̀, ghàs ə ndwìə fɨə endaʼa nə zɛ ə ndùə ə etipìə tsô èghaʼâ. Ghàs tè kwàʼtə nə ghàs nə fe eluʼ fu vɛ əghɨ ə Njûsə̀ zûŋtə̀ ətəyn tsə̂mə̀. Ghàs ə tso tsɨsə̂ əchi ə wàmnə̀ se zəyn ghɛ ə ghe tè nyì fu.

Ətefɨ̂aʼ 16:13 ပူးပေါင်းရင်းမြစ်များ

Matyò 13:2

Ghɨ ghɛ ghe tè pə̀yn fu tè tsɨ̀ə tsɛ̂sə̀ ndò. Zɨnə mə ə nə̀ Vəyn è və njiə ə ngwùʼ èghaʼâ ə tsɨsə̂ ətəyn, nɔ̂ynkè ə tyəmtə̂ etipì zɨtə̂ sê Vəyn.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 13:10

Ə̀ tè nyi etuʼ endaʼ vîve, Njisə̀s ə njiə ə ndɛ̂ atsɨ̀ynte zhîzè sè zaʼlə̂ ə̀ghɨ.

Njɔyn 8:2

Nâʼà pɨsə̀pɨsə̀ ə fetuʼ fəmɔ̀ʼɔfe, È və fɨnə ndûə ə Ndɛ Ètsə̀mə. Ghɨ ghəkɨ̂m ə zùŋtə̀ kyîŋə̀ nga Vəyn, È və tsɨsə̂ əchi ə zhə̀tə̀ se zaʼlə ghənə.

Ətefɨ̂aʼ 13:14

Ghənə ə ndò ə Pengà ə kɔʼɔ ndûə ə endaʼ Antyòk zɛ ə è tè nyi endaʼ èghaʼâ ə Pìsindyà. Tuʼ endaʼ ə ghɨ Njûsvè ə pə̀, ghənə ndùə njiə ə ndɛ̂ atsɨ̀ynte ə tso tsɨsə ə chi.

Ətefɨ̂aʼ 13:42

Ə̀ tè se nyi kə Pɔ̂l yî Pànapàs sè fɨə se ndò ə ndɛ̂ atsɨ̀ynte nə zɛ, ghɨghə tsà nə ghənə tə kɛse pəyn etuʼ endaʼ e pəve ə tsayn kwəynsê ə̀ghɛ kûmə̀ ə̀ghɛ ghɛ ə ghənə tsâyn za.

Ətefɨ̂aʼ 16:16

Tuʼ fîfe, ngɔ̀yn ə̀ vayn èzhɔyn vîvè mə ə̀ nyi akɔ̂s ə kwəynə̂ è ghàs. È tè nyiə kyi sèzuʼ sepise, se nə̂ vəyn è tsâ ə̀ghɛ ghe pa nyi se tə kyàyn. È tè nyîə fɨ̂aʼà èkɛ ve tsɨə kə nyi sê ghɨ ghɛ ə tè kyi vəyn mə è tsà ə̀ghɛ, ghe pa nyi se tə kyàyn.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 17:2

Kè kə è tè nə̂ tsɛ̂ nâʼà pi ghayn kə è ndùə, Pɔ̂l ə ndùə ə ndɛ̂ atsɨ̀ynte. Ə mtuʼ me ndaʼam̀ m̀ta, è ve kâytə̀ ə̀ghɛ yî ghə̀ ghɨ mə ghe fɨ ə ŋwàʼlè ə̀ Fèzhə̀.

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 20:7

Ə̀ tè nyi ashìŋə̀ ezhwikwɨləke etuʼ ə shive ə ngâm, ghàs ə zùŋtə̀ se zhi, Pɔ̂l ə zhə̀tə̀ se zaʼlê əghɨ, ə nə̀ zaʼlə kə nyi ə zaʼâ əfètəyn ètuʼ kə è tè se nyi se pɨəysə̂ ndò etuʼe komtə̂ əmɔ̀ʼɔve.

Ətefɨ̂aʼ 21:5

Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.