Ətefɨ̂aʼ 16:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàs ə ndò fu ə ndùə ə Filìpây. Fìlipày tè nyi nâʼà endaʼ èghaʼâ zɛ ə ze tè nyi apàs endaʼ ə Màsèndonyàkè. Ə̀ tè nyi fumə ashìŋə̀, ndaʼ ətəynze nyi mə tè saʼa zəynze kè lâŋ ə Lûmkè. Ghasə ə ndamtə̂ kɔʼɔ fu sə mtuʼlə̂.

Ətefɨ̂aʼ 16:12 ပူးပေါင်းရင်းမြစ်များ

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 16:21

Ghənə zaʼlə̂ tetsɨsə̂ te pite mə saʼ ə ghasènìze kə əghɨ Lumə̀ ə kwiynsê nə kə ghâsènì ə ndamə zamə. Ghàs è ngɨŋ sase kə əghɨ ə Lumə̀ vayn kaʼa pomə zɛ mə vayn chùmtè ə zəynze”

Ətefɨ̂aʼ 16:9

Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 19:21

Ə tè nyi kə ghɛ nə ghɨnə kyàyn kɔʼ pə̂yn, Zuʼ se Ŋwaʼase ə nə̀, Pɔ̂l ə ndə̀mə̀ nə zhi ndùə apàs endaʼ kɛ ə tè tɔŋtə nə Màsèndonyà ə fɨnə tsɛ̂ ndùə apàs ə Àkayà ə ndùə tânə̀ ə Njèlusalɛ̀m. È və tə ndə̀m nə zhi ndamtə fu ə zhi tsɛ ndu ə Lûm.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 20:1

Ə tè nyi kə ngəʼ ətəyn mi Pɔ̂l ə tɔŋɔ ə̀ghɨə pomə ə zaʼlə ghənə se nə̀yn nə təm ə ghənə̂ghè ə tɛ ə pìə nə ghənə faŋ ke àchûŋ ə ndò ndûə ə Màsèndonyà.

Ətefɨ̂aʼ 20:3

ə ndamə fu sə senjɔŋ seta. Ə tè nyi kə è pɨaʼtə̂ se ndù ə Silyà ə zɨə nə ghɨ Njûsə̀ pɨaʼtə̂ se zhwiə vəyn. È və ke chɔʼnê se kɛsə ndù endomve ə Màsèndonyà.

Ətefɨ̂aʼ 20:6

Ghàs ə njiə ə ngwùʼ ə Filìpây mə ə̀ tsɛ̀ tso ke m̀tuʼ mɛ ə tè zhiə paynke ətəyn ndɔ̀ʼɔ ndəm fèsə̀ʼ, ə pə̀ kə tuʼm̀ tsɛ̀ mtâyn, ə kotə̂ ndûə ghənə, ə nə̀ ngàm fu.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 1:5

M fo àzɔ̀ŋnè nyi kûmə̀ kə ghàyn tsàmtè mi sə̂ tsâ tom èchùŋ zɨ̀yn kè se zhə̀tè etuʼ vɛ ə ghàyn tè zɨ tom nə zɨ̂yn se kɔʼɔ zaʼâ ndàyn.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.