Ətefɨ̂aʼ 16:1 - Ŋwàʼlè ə̀ Fèzhə̀ Mkâyn Mə̂ Fèm

¹ Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ətefɨ̂aʼ 16:1 ပူးပေါင်းရင်းမြစ်များ

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 14:21

Pɔ̂l yî Pànapàs ə ndàʼà tom èchùŋ endaʼ ə Ndepì, ghɨghe ə pomə sè nyi sèchùmtè epàm sə Njisə̀sè, tsɨ̀ə kə nyî. Epàmə̂ təyn, ghənə ə kɛsə ndô ndûə əte ndaʼà tə Lisɨtɨ̀làtè è Ìkonyùm ə pə̀ fɨə ə Antyòk apàs endaʼ ə Pesindyàkè.

Ətefɨ̂aʼ 14:6

Pɔ̂l yî Pànapàs ə zɨə èghɛ ətəynze ə tə ndûə apàs endaʼ ə Likonyàkè ə njiə endaʼa Lisɨtɨ̀là è endaʼa Ndepì, è luʼ tɛ ə te tè nyì paʼsê.

Ətefɨ̂aʼ 17:14

Kè sə ashìŋə̀ ghɨə poməghe ə tomə Pɔ̂l yî ghɨə mɔ̀ʼɔ nə ghənə tso ndu èndomve ə etipìə tsô èghaʼâ, pîza Silàs yî Timotì ə faŋa kə ə Pelyà.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 19:22

È və tomə ə̀ghɨ ə̀pɛ̀ ghɛ ə ghe tè tsàmtə vəyn, mə nyi Timotì yî Èlasɨtùs, nə ghənə ndu ə Màsèndonyà sə shi, è və fɨnə ndamtə̂ kɔʼɔ ə Esiyà.

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 7:14

E nyi nyî kûmə̀ nə Zhə̀fè kàʼa Fe nəyn nə ndom vɛ ə è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə zhwìə vəyn, fɨnə nə̂ wùzhɔyn vɛ è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə ndomə̀ vəyn. Ə ze fə̂ va nyî, ə ghɔyn ə ghənə ghè ə va èzoze pîza kè kə ze chwîtə̀, ghənə nyi èŋwaʼze ə Zhə̀fè əshi.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 2:19

Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Kòlosè 1:1

Ə̀ mi Pɔ̂l, ə wùə èmɔ̀ʼ ə fètə̂ ə̀ghɨ̀tom ə Njisə̀s Klâysghè, kə Zhə̀fè pɨaʼte, ə nyi mi vɛ ə m nyâʼà ŋwàʼlè zɨ̀nə̀ sê ghàyn. Ə mi è Timotì ànyì ə̀ ghâsènì ə Klâys tomə ètɔŋtê se ghàyn.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

2 Tèsàlonikà 1:1

Ə̀ nyâʼà mi Pɔ̂l ghasè Silàs è Timotì ŋwàʼlè zɨ̀yn sê ghàyn. Ghɨ ə pomə ghɛ ə ghe nyi ə Tèsàlonikà ə nyi sə afɨa amɔ̀ʼ è Zhə̀fè pɨ̀a ghâsènì, è Pɛ̂pɛ Njisə̀s Klâys.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.

Filemùyn 1:1

Ŋwàʼlè zɨ̀nə ndò sê Pɔ̂l vɛ ə è nyi ə ndɛ ə̀chaʼ kûmə̀ nə è ndàʼà tom èchùŋ kûmə̀ Klâys Njisə̀s, ə ndò pə kəpi se ànyì ə̀ ghâsènì Timotì. Mə è ndùə se soyn ə̀ ghâsènì ə̀ nyi wùə vɛ ə ghasè ghə̀ ghənə fɨaʼà əmɔʼ Filemùyn,

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.