Ətefɨ̂aʼ 15:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.

Ətefɨ̂aʼ 15:9 ပူးပေါင်းရင်းမြစ်များ

Ətefɨ̂aʼ 10:15

Kyə̀ ətəyn ə fɨnə pîə se vəyn nə, “Kə ò tə ndəm nə fɨake zo va mə Zhə̀fè ə nə̀yn ke zo kwəynə̂.”

Ətefɨ̂aʼ 10:28

È və pîə sê ghənə nə, “Ghàyn ke ndô nə saʼ əghɨ̀ ə Njûszè pomə̂ va nə ghàs ə mô ètum ə ghənə sendɛ, pomə̂ va nə ghàs ə kwîə ghasè tum ə təynve. Pîza Zhə̀fè ə tyə̀yn sê mi nə, m kyi va se pì nə wùə zo kwəynə̂ va kɨ̀sə nə è nyîə fɨ̂mə̀ ə Zhə̀fè shi.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 14:1

Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 7:18

Ə̂ nyi nâʼàpî ndè mə ə tə se namə vəynghe tsɔ̀fə kə Zhə̀fè tɔŋə vəyn, kə è və momsə sə̂ ndə̂tə̀ èndwɔ̂ elùʼ vɛ ə tè se nam ə vəynghe ətəyn. Ə wùə nyi mə è və pomə tɔŋə̂ ə Fezhə̀zè, ndɔ̀ʼɔ se namə vəynghe, kə è fɨyn pi nə ə se.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.