Ətefɨ̂aʼ 15:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 15:7 ပူးပေါင်းရင်းမြစ်များ

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Ətefɨ̂aʼ 1:24

Ghənə ə nə̀ nyi ə ke tsə̀m ə pìə nə, “Pɛ̂pɛ Ò nyîə ke ə̀təm ə ghɨ̀ghè əkɨ̂m. Tyə̀yn wùə vɛ ə Ò chɔʼ əfètə̂ ə̀ ghɨ ghɨyn ə̀pɛ̀,

Ətefɨ̂aʼ 10:19

Pità tè pa kwâʼtə̀ kə nə ghɛ zɛ ə zhi fə fe ə telaynəlayn fe tyə̀nə nə ghe ə, Zuʼse Ŋwaʼase ə pìə sê vəyn nə, “Zɨte ə Pità, ghɨ nyi fâyn ə̀ ta, kyiŋə ghò.

Ətefɨ̂aʼ 10:20

Pɨaʼte, ə tso ndûə, kə ò məʼne se ndù ghâyn ghənə kûmə̀ nə ə̀ tom Mi ghənə.”

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 15:14

Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.

Ətefɨ̂aʼ 15:2

Pɔ̂l yî Pànapàs ə zhə̀tə̀ èsaʼnê ze kwûəmə̀ kə nyi yî ghɨ nə ghɛ kûmə̀ èzaʼlê nə zɨ̂yn. Ə ke saynê nə Pɔ̂l yî Pànapàs è ghɨ ə pomə əmɔ̀ʼɔghe ə Antyòk kɔʼ ndu ə Njèlusalɛ̀m ə fe ghɨətomə Njisə̀sghè è ghɨə chisəghe ə ndɛ ə̀ Fèzhə̀ kûmə̀ èghɛ nə zɨ̂nə̀.

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 21:16

Chùmtè èpàm shîse ə Kàisalyà ə ndùə ghasè ghənə, ə njìə nduə è ghàs ə ndɛ zɛ ə ghàs tè nyì se ndam ətəyn, zə ə wûə təynze nyi Mnasɨ̀yn. È tè nyi wùə Sàypulòs, nyi wùə èmɔ̀ʼ əfètə̂ sechùmtè èpàm sə shise.

Ətefɨ̂aʼ 3:18

Pi kə ze tè kyayn za, Zhə̀fè ə lwiynsə̂ èwâmnè ə Vəynze, nâʼà sə mɨ kə È tè tsàyn sê fɨ̀aʼtè sekɨ̂m nə ə pi nə, vɛ ə chɔʼ ndə̂m tə fe ngəʼ.

Ətefɨ̂aʼ 4:25

O tə nə̀yn, Zuʼse Ŋwaʼase ə chisə pɨ̀a vâs və shi, Ndàfît ə wàmnə̀, ə pfɨfə nə: ‘Kûmə̀ ghè ə ghɨ etumə nyɔʼsə̀ tɔŋve nyiə? Kûmə̀ ghè ə ghɨ pɨaʼtə pi sê ghɨ mɔ̀ʼɔ sə ndô?

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Filìpây 2:14

Ghàyn e nə̂ nâʼàpî èghɛ èkè mə ghàyn shwinə̂ va, saʼnə̂ va.